عاجل الي اهل الخبرة : اشتريت كاست ال سي دي اسمهboss bv 650m ومش عارف اشغله غير راديو

**egyptiger1** · 16-03-2012 12:26 AM

BOSS BV 650M LCD monitor with AM/FM/TV tuner / amplifier

انا اشتريته من على النت و لما جالي رحت وديته لادريان الي في مكرم عبيد عشان اركبه وهنا جائت الصدمه ....
الجهاز زي ما باين في الصور معاه وحده منفصله اسمها تي في تيونر عشان يشغل تليفزيون ...قالولي الوصله دي 13 بن مش عندنا روح شوفها في كلاريون الي في الحجاز .... خد بعضي ورحت قالولي اسفين مش عندنا ...
رجعت تاني لادريان وقلتلوا يا عم ركب وبلاها تلفزيون لغايه لما ابقى اشوف موضوع الوصله دي واهو انا عندي دفي دي زي الفل ... الراجل بعد ماركب دائره الكهرباء بنجرب الجهاز ... شغال سألني هوا السي دي فين يا باشا ... وهنا جائت الصدمه التانيه لا يوجد مكان للسي دي واتاري في وصله من ورا اسمها cdc >>cd changer و طبعا دا جهاز منفصل ولما سألت قالولي دا بيشغل اديو بس مش فديو ...
قلت طب مش مشكله ابقى اشغل من على مديولتور بفلاشه على الراديو ... والفيديو في فتحتين قدام على اليمين اديو-فيديو ... الراجل صعبت عليه قالي يا باشا هتلها وصله وشغل من على i-pod رحت جبت وصله ب 75 جنيه وقلت اجرب لاقيت الجهاز ولا حاسس بأي حاجه... ومكتوب في المانول بتاعه اني لما ادوس على زرار مود يديني .radio-cdc-av-tv لما بدوس عليه مش بيديني غير radio-av1 والخلاصه انا دفعت 1000 جنيه في راديو ومش عارف اعمل ايه؟؟؟ افيدوني يا اهل الخبره ازاي اشغل فيديو عليه وازاي اشغل التلفزيون او دلوني على مكان اروحله يزبطلي القصه ...

**egyptiger1** · 17-03-2012 06:46 AM

ايه يا رجاله هوا خلاص مافيش امل .... يعني اعمله حجاب يا عبد السميع ولا يه ؟؟؟ حد يقولي اي حاجه ....

**heeshooheeshoo** · 17-03-2012 11:49 AM

المشاركة الأصلية كتبت بواسطة egyptiger1

boss bv 650m lcd monitor with am/fm/tv tuner / amplifier

انا اشتريته من على النت و لما جالي رحت وديته لادريان الي في مكرم عبيد عشان اركبه وهنا جائت الصدمه ....:b4_556:
الجهاز زي ما باين في الصور معاه وحده منفصله اسمها تي في تيونر عشان يشغل تليفزيون ...قالولي الوصله دي 13 بن مش عندنا روح شوفها في كلاريون الي في الحجاز .... خد بعضي ورحت قالولي اسفين مش عندنا ... :b4_556:
رجعت تاني لادريان وقلتلوا يا عم ركب وبلاها تلفزيون لغايه لما ابقى اشوف موضوع الوصله دي واهو انا عندي دفي دي زي الفل ... الراجل بعد ماركب دائره الكهرباء بنجرب الجهاز ... شغال سألني هوا السي دي فين يا باشا ... وهنا جائت الصدمه التانيه لا يوجد مكان للسي دي واتاري في وصله من ورا اسمها cdc >>cd changer و طبعا دا جهاز منفصل ولما سألت قالولي دا بيشغل اديو بس مش فديو ...

قلت طب مش مشكله ابقى اشغل من على مديولتور بفلاشه على الراديو ... والفيديو في فتحتين قدام على اليمين اديو-فيديو ... الراجل صعبت عليه قالي يا باشا هتلها وصله وشغل من على i-pod رحت جبت وصله ب 75 جنيه وقلت اجرب لاقيت الجهاز ولا حاسس بأي حاجه... ومكتوب في المانول بتاعه اني لما ادوس على زرار مود يديني .radio-cdc-av-tv لما بدوس عليه مش بيديني غير radio-av1 والخلاصه انا دفعت 1000 جنيه في راديو ومش عارف اعمل ايه؟؟؟ افيدوني يا اهل الخبره ازاي اشغل فيديو عليه وازاي اشغل التلفزيون او دلوني على مكان اروحله يزبطلي القصه ... :_alshmokh22[1]:

إللى أقدر أخدمك فيه بخصوص الوصلة الــ 13 بن هو إنى أقولك تدور عليها فى باب اللوق فى ناس متخصصة هناك كتير وخصوصا فى الكابلات والتوصيلات .. فيه هناك مول البستان وإسأل خصوصا عند النخيلى لأنه متخصص . والله الموفق

**sherifahmed** · 18-03-2012 11:22 AM

حضرتك انا مش عايز احبطك بس انا هقؤلك اللى انا فاهمه عشان انا اعدت كتير ادور فى حوار اجهزة boss
الكويس ان دا جهاز boss يعنى احسن صوت فى الدنيا
الوحش ان دا مش سى دى بلاير
دا زى ماتقؤل كدا شاشة
فيها راديو
و ممكن توصل لcd changer
و وحده استقبال التلفزبون اللى معاها دى اعتقد بنسبه كبيره انها ديجيتال يعنى شغاله فى امريكا بس مش زى عندنا فى مصر انالوج
اللى اقدر انصحك بيه انك تشترى cd changer و توصله عليه و بس