الموضوع: ايه رايكوا فى فتحة السقف فى العربية ؟؟

السلام عليكم و رحمة الله و بركاته

أنا فى رأيى, أنها و لا ليها أى 30000 لازمة.

كانت موضة أوى فى السبعينات و التمانينات, عربيتنا البيجو القدييييييييييييييييييييي يمة ال505 مو 1980, كانت بفتحة سقف أتوماتيك, انتهى بيها الأمر, انها عطلت و بأت مش قافلة حابكة أوى و بتدخل ميه فى الشتا, يعنى لا خيرها و لا كفاية شرها, لما جيت أشد العربية, قلت أصلحها عشان موضوع الميه, لكن لو عليا أنا, أنا لا بتاع فتحة سقف و لا الكلام ده خاااااالص, لقيت أن تصليحها, هيخش فى 1200 جنيه, يعنى كمان 2000 جنيه و أركب تكييييييييييييييف و الحل التانى المثالى الممتااااااااااااااااز, أنها تتقفل نهااااااااااااائى, كما لو أن العربية نازلة من غير فتحة سقف و فرش السقف من جوه يتغير و لا الهوا و عندنا فى المنصورة, عفاريت, السمكرى عملها بحيث أنها تبقى واخدة دوران قشرة السقف من كل الزوايا و ماتبانش أنها حته صاج مسطحة كده راكبة و خلاص و كلفتنى 200 جنيه بس, و كل أما الدنيا تمطر, أقولها مطرى كمان و كمان و لا يهمنى, قبل ماشد العربية, كانت كل أما الدنيا تمطر على العربية و هى بره الجراج, قلبى يوجعنى, لأنى هنزل ألاقى كرسى السواق مبلووووووووووووووول !!!! .

قال أدفع فرق عشان فتحة سقف قال, أنا بشوف مرسيدس عيون فل اوبشنز و فيها دورة ميه و مطبخ جوة و مافيهاش فتحة سقف !!!!!!!!!!!!!!