غرزجي على الدائري ...!!!

**OmaR_FekrY** · 25-04-2012 05:33 PM

الفيديو ده كان اتحط من فتره على المنتدى و كان معظم الاعضاء مش عاجبهم لان نص جريه او يمكن اكتر يمين و ده فى حد ذاته غلط و مش حرفنه انك تاخد غرزه من اليمين لانك ممكن تتفاجىء بأى حاجه ... ربنا يستر علينا كلنا

**mahmoud_elbeh** · 25-04-2012 06:24 PM

الواحد كل يوم بيتعرض فى الطريق لنفس طريقة القياده انا بسميها ( الأستهتار بالغير مش بالنفس ) .
لازم اللى بيسوق كده يفهم ان الطريق مش معمول علشانه لواحده . انا لما حد يكون كابس ورايا و انا على الطريق مش بخليه يعدى و بدوس سنه فرامل علشان يكون عنده احساس و يطلع من ورايا و فعلا التجربة بتخلى الناس ديه تتخنق و ممكن يشتمك .
ربنا يرحمنا و يهدى

**M.Elwan** · 25-04-2012 06:40 PM

الجرى من اليمين ده مصيبة وخطر جدا لان اغلب السواقين هنا مش بيشوف يمينه وهو ماشى واساسا فى كتير جدا عمرهم ما بيبصو فى المرايا اليمين
يعنى خليك متأكد وانتا بتكل حد بالسرعه دي من يمينه انه نسبة 80 % مش شايفك وممكن يحدف عليك بسهولة من غير ما ياخد باله
امن نفسك ولو بتعدى مضطر بالشكل خلى ايدك على الكلاكس ولو بليل قلب النور العالى لحد ما تعدى وربنا يسترها علينا

**Kareem.ElAraby** · 25-04-2012 07:04 PM

المشاركة الأصلية كتبت بواسطة engtmk

من المرات القليله اللي خدت فيها غرز من علي اليمين لما بنتي كانت تعبانه ورايح اوديها المستشفي

خدتها من جمب نقل تابع للجيش كسر عليه مره واحده خلاني طلعت فوق الرصيف

الحمدلله بعدها حرمت الغرز اليمين

يمكن اللي سايق محترف بس انا مش زيه يمكن لما اشوف جي كده اتلخبط ومعرفش اجي يمين ولا شمال والبس فيه او البس في عمود نور

ديه حصلت قدام عيني شاب فايق بجيتا علي مصر اسكندريه الصحرواي خد غرز من قدامي مابيني(كنت راكب فيكترا 99) ومابين أوبترا

معرفش يلمها كويس وسواق الاوبترا اتخض ومال عليه لبس في شنطه الاوبترا وطلعها فوق الرصيف لبست في عامود نور

العربيه كان راكبها اب وام وطفلين

ياريت اللي بيعمل كده لو مش همه نفسه يتخيل مشهد الاب والام وهما بيبصوا علي الطفلين المقتلوين علي الكنبه وهو هيعرف غلطه واحده بس ممكن تعمل ايه

يارب مايحط حد في موقف زي ده ابدا ابدا ابدا ويعفينا جميعا ويستر طريقنا يا رب

المشكله لو موقف ما عرفتش تتصرف فيه صح أو اتفاجئت و ديه أرواح ناس !

**Kareem.ElAraby** · 25-04-2012 07:08 PM

المشاركة الأصلية كتبت بواسطة hm414

هو انا كنت فاكر اني هشوف واحد خرافي ولا حاجه
اكتشفت بقا ان انا كده استاهل الاعدام!!

انا عربيتي صغيره وبطبيعتي بجري من زمان لان والدي الله يحفظه طول عمره بيجري وكان عنده عربيات تساعده واتعلمت منه لدرجة ان لما كنت في الثانويه وانا رايح المدرسه العيال يقولو بنعرفك لما نلاقي سواق رالي وصل للمكان
ههههههههههههههههههه

الشاهد ان كل حاجه ليها اصول
التجاوز من اليمين ممنوع
وبلاش مبالغات والحاجاه اللي مش مطمنلها متغامرش
مفيش حاجه تستاهل المغامرة
ولو مش كاشف الطريق صح صح مش هقولك غير هدي وانت ساكت عشان ارواح الناس مش بايدك

وفي دايما حاجه بحب اقولها...
خخطر السواقه المتهوره متعدي للغير وهنا تكمن المشكله لانه لو قاصر عليك يبقى دي روحك وربنا هيحاسبك عليها
انما غيرك ذنبه ايه؟؟ وهل انت على استعداد ربنا يحايبك على ارواح وممتلكات الغير؟؟

ربنا يحمينا جميعا من شر الطريق

تحياتي

كنت بأعمل كده أيام الكليه و هديت دلوقتي ...... نسبياااا

و الاهم أرواح الناس !

**تامر.محمد** · 25-04-2012 07:10 PM

جري على اليمين + غرز ضيقة كتير + غرز يمين من غير ما يكون شايف هو رايح فين

يا ريت الحارة الشمال تتفتح , ماحدش ساعتها هايضطر يعمل غرز
انما لما اتنين لامؤاخذة تيوس يصدروا عربياتهم جنب بعض و يمشوا بطيء و يقفلوا الشارع الناس تعمل ايه ؟

**kar!m** · 25-04-2012 07:30 PM

يعنى .. مبلومش أوي على اللى بيعمل كده .. هو غلطان طبعا مفيش كلام .. بس محدش أولا علمه اداب القياده .. و فى نفس الوقت محدش طلب منه الالتزام بيها و كانت مطلب أساسي انه يعرفها عشان يحصل على الرخصه.

ربنا يصلح الحال

**horas3000** · 26-04-2012 02:08 AM

المشاركة الأصلية كتبت بواسطة mahmoud_elbeh

الواحد كل يوم بيتعرض فى الطريق لنفس طريقة القياده انا بسميها ( الأستهتار بالغير مش بالنفس ) .
لازم اللى بيسوق كده يفهم ان الطريق مش معمول علشانه لواحده . انا لما حد يكون كابس ورايا و انا على الطريق مش بخليه يعدى و بدوس سنه فرامل علشان يكون عنده احساس و يطلع من ورايا و فعلا التجربة بتخلى الناس ديه تتخنق و ممكن يشتمك .
ربنا يرحمنا و يهدى

بصراحه قعدت كتييير افكر في رد علي تعليقك ده من غير ما افقد اعصابي

من الاخر تصرفك ده غلط غلط غلط
خصوصا لو ماشي في الحاره الشمال و مش من حقك تعمل كده
و لعلمك انت اللي بتعرض حياه الاخرين للخطر بتصرفك ده لانك بتجبره ياخد منك غرزة و يعمل زي الراجل اللي في الفيديو
الحاره الشمال هي حاره السرعه و التخطي و لو حد جاي من وراك بسرعه اكبر انت ملزم توسعله سواء كاسر السرعه القانونية او لا لان مش من مسئوليتك انك تجازيه او تعاقبه

يا اخي تخيل ان معاه مريض او رايح يلحق مصيبة و حط نفسك في الموقف ده و شوف شعورك تجاه واحد عمل معاك نفس الحركة

**yoko** · 26-04-2012 02:30 AM

المشاركة الأصلية كتبت بواسطة horas3000

بصراحه قعدت كتييير افكر في رد علي تعليقك ده من غير ما افقد اعصابي

من الاخر تصرفك ده غلط غلط غلط
خصوصا لو ماشي في الحاره الشمال و مش من حقك تعمل كده
و لعلمك انت اللي بتعرض حياه الاخرين للخطر بتصرفك ده لانك بتجبره ياخد منك غرزة و يعمل زي الراجل اللي في الفيديو
الحاره الشمال هي حاره السرعه و التخطي و لو حد جاي من وراك بسرعه اكبر انت ملزم توسعله سواء كاسر السرعه القانونية او لا لان مش من مسئوليتك انك تجازيه او تعاقبه

يا اخي تخيل ان معاه مريض او رايح يلحق مصيبة و حط نفسك في الموقف ده و شوف شعورك تجاه واحد عمل معاك نفس الحركة

+1
وهتلاقي ناس تقولك ده شاب ولوحده فبرخم
هو إيش عرفة مش يمكن يكون عنده إمتحان وحصل حاجة ومتأخر (حصلت معايا وكنت ماشي 200 على الدائري عشان الحق)
أو رايح لحد من قرايبه تعبان ولازم يروح المستشفى أو أي حاجة تانيه

أنا مره في السعوديه وكنت رايح الحق واحد قريبي إيده إتبهدلت في مفرمة وكنت مش كاسر سرعة بس لأ كنت طاير وقدامي بوليس قلبتله نور وسعلي مع إني كنت كاسر ال200 في طريق ممنوع فيه أكتر من 80

-

الموضوع: غرزجي على الدائري ...!!!

LinkBack

أدوات الموضوع

عرض

-

-

-

-

-

-

-

-

المواضيع المتشابهه

شلل علي الدائري

شلل علي الدائري

لعنة الطريق الدائري مازالت تطاردنا ، حادث جديد على الدائري.القطامية

فين طلعة الدائري من الرماية للمعادي بدون طلوع الدائري من المريوطية ولا من المنصورية

كيا سول على الدائري

الكلمات الدلالية لهذا الموضوع

المفضلات

المفضلات

ضوابط المشاركة