الموضوع: غرزجي على الدائري ...!!!

الكلام ده بصباع رجلى الصغير و انا نايم
بس ما شاء الله عليه ربنا يسترها علينا و عليه
^_^

المشاركة الأصلية كتبت بواسطة horas3000

بصراحه قعدت كتييير افكر في رد علي تعليقك ده من غير ما افقد اعصابي

من الاخر تصرفك ده غلط غلط غلط
خصوصا لو ماشي في الحاره الشمال و مش من حقك تعمل كده
و لعلمك انت اللي بتعرض حياه الاخرين للخطر بتصرفك ده لانك بتجبره ياخد منك غرزة و يعمل زي الراجل اللي في الفيديو
الحاره الشمال هي حاره السرعه و التخطي و لو حد جاي من وراك بسرعه اكبر انت ملزم توسعله سواء كاسر السرعه القانونية او لا لان مش من مسئوليتك انك تجازيه او تعاقبه

يا اخي تخيل ان معاه مريض او رايح يلحق مصيبة و حط نفسك في الموقف ده و شوف شعورك تجاه واحد عمل معاك نفس الحركة

المشاركة الأصلية كتبت بواسطة horas3000

ما هو انت يا زعيم موضحتش ده في كلامك
و انا برضه كنت واضح و كنت بتكلم عن اللي بيلبدوا في الحارة الشمال و يعملوا فيها عبط
لكن لو زي ما انت بتقول يبقي عداك العيب بصراحه
بس. برضه خليك كريم الاخلاق و وسع لو يمينك فاضي طبعا
ما انت عارف وقت القدر بيعمي البصر و حتي لو الشمال فاضي المستعجل ممكن ميشوفوش

+11111
انا معاك فى كلامك و بالاخص
الناس اللى بتبقى ماشيه شمال و منفضه للدنيا و الدين
مره ماشى على الدائرى
عربيه نقل تانى حاره من الشمال و واحد قدامى فى الحاره الشمال مش راضى يعدى النقل
و ماشى و مشغل التكييف و بيتكلم فى التليفون و الحياه لذيذه تخيل انا و هو و ورانا مكروباص
و كان فيه عربيتين نقل ورا بعض يعنى ملزم انت تعدى من هنا يعنى هتعدى من هنا
كلاكس مفيش نور مفيش قام مدينا اشاره شمال زى ما انت قلت كده اخبطوا دماغكوا فى الحيطه
بتاع النقل لاحظ الكلام قام مديله سرينه اتسورت انا لانى كنت فاتح الازاز و هو فاق من الغيبوبه و عرف انه ممشى وراه طابور عربيات
اليوم ده انا مخليتوش يعدى منى خاااااااااااااالص لحد ما مشينا سرعه 30 انا و هو على اليمين و انا راسى و الف جزمه ما انا معديه النهارده لحد ما ركن قمت مدى كيك داون و سلاملى على خالتك بقا
و انتهت قصه الناس اللى بتستلوح على الشمال
افرض لا قدر الله العربيه النقل عامت من ورا ولا حصل حاجه
لا قدر الله هيموت الناس اللى فى المكروباص و انا طبعا
و هو هيعدى ولا كأنه فيه حاجه
لانه بنى ادم مستهتر بأرواح الناس
زى ما بنقول غرز يمين غلط و انا معاكوا فى ده دول بردو اكبر غلط
و اكبر غلط كمان تلاقى واحد بييجى من وراك ياخد غرزه تشعرله فرامل
انت كده بنى ادم بتستهتر بأرواح الناس و بقابلها كتيييييييييييير جدااااا
بس نعمل ايه ولا حاجه لازم نخاف على بعض و نقدر ان ده لا قدر الله عنده حاله وفاه او حد تعبان
بس انا مش منهم و بعترف انا على طول جرى ورايا مواريش ادينى بجرى
و مش عايز هجوم من حد
خلى ربنا يسترها علينا و عليكما
تحياتى
^_^

المشاركة الأصلية كتبت بواسطة toola

بصراحة الناس ديه بيبقى هاين عليا اقلبها اساسا من كتر الاستفزاز و التخلف, و خصوصا لما يكون بيتكلم فى الموبايل ,و مرة واحد زى حالاتو و موقفنا كلنا وراه, و اخيرا لما النقل هوا الفتحلنا الطريق, من غيظى رحت و انا بعدى من جنبو لزقت فيه و خبطت مرايتى فى مرايتو (انا عارف انو غلط بس ده كان معدى حدود الاستفزاز العادية), و بالعكس مرة كام مرة سواق نقل تلاقيه بياخد غرز بمقطورة مش محملة كان هيطير بشر معاه, ده بروح جارى و جى قدامه و افضل اهدى السرعة لما انزل على 60 و يفضل يحاول يهرب يمين ولا شمال و افضل اجبره انه يهدى السرعة لغاية مازنوقه فى عربة نقل ولا اوتوبيس واروح جارى و سايبه.

بالنسبة للأخ صاحب الفيديو, المشكلة ان الواحد ربنا بيسترها معاه لغاية مايتخيل ان مهارته ماتسمحلهوش انه هيعمل حوادث (انا كنت واحد من الناس ديه و على مستوى اكثر تهور من صاحب الفيديو و على سرعات 180 و 200) و خصوصا لما بتكون متعلم السواقة و انت عيل صغير فى ثالثة اعدادى و ندكميل للجرى خلقة, و الفكرة انى كنت متأكد ان اخرتى حادثة مدوية ممكن تؤدى للوفاة بس كنت فاكرها هتتأخر حبتين, بس هيا متأخرتش أوى يعنى حصلت و انا لسه تامم 27 سنة و بعد جوازى ب 6 شهور و بداية حمل زوجتى و بعد شرائى لسيارة بورا مباشرة ب 4 شهور, و الغريب ان ساعة الحادثة مكنتش معدى 120 تقريبا, و لكن ساعة النصيب يعمى البصر, و عشان اهرب من عربية فرملت دخلت يمين, لقيت عربية تانية بتفرمل رحت رامى يمين تانى, لقيت فى وشى مباشرة عربية ربع نقل راجعة مارشدير على طريق العاشر و محمل انابيب بوتجاز, و حتى الفرامل ملحقتش اكبسها تقريبا, و محستش بحاجة بعديها, غير ان ربنا ناجانى من حادثة موت بشهادة كل الشافها و الشاف العربية بما فيهم اخوة المنتدى (الموضوع انا عاملو هنا بالصور من صنتين تقريبا).

ساعتها تعرف ان اى تعدية من اليمين هيا خطر كبير جدا ولو اضريط للتعدية لازم تعدى براحة و تبقى كاشف الطريق كويس و تعدى بفرح من كلاكسات و تقليب نور.

و صحيح يموت الزمار و بقه بيلعب, الجلالة بتاخد الواحد للجرى من و غرز على بسيط من فترة للتانية بس فجأه بفتكر الحادثة تروح رجلى مهدية السرعة لواحدها او على الاقل اجرى و الطريق مفتوح و من غير غرز.

و للعلم انا حاطط ان معايا عربية بورا دلوقتى و الحمد لله, و ديه مغير الكانت معايا من سنتين لأن التانية مبقتش عربية اساسا و بعتها حوادث بربع ثمنها تقريبا, بس انا شلتلها الجميلة انها كانت سبب من ربنا انى خرجت سليم تقريبا فربنا وفقنى و جبت بورا تانى الحمد لله.