بصراحة مش عارف التهور الغريب ده اللى في الفيديو ... يافندم انت ماشاء الله متمكن بس مهما تكون المهارة أخطاء الغير ومفاجأت الطريق ليس لها كبير ...!!!
http://www.youtube.com/watch?feature=player_embedded&v=Gmt3aDPK110#!
عرض للطباعة
بصراحة مش عارف التهور الغريب ده اللى في الفيديو ... يافندم انت ماشاء الله متمكن بس مهما تكون المهارة أخطاء الغير ومفاجأت الطريق ليس لها كبير ...!!!
http://www.youtube.com/watch?feature=player_embedded&v=Gmt3aDPK110#!
دي سواقتي الطبيعية على المحور بس على سرعة اكبر كمان
على فكرة صاحب الفيديو دة عضو هنا فى المنتدى ومعروف جدا
الفيديو ده اتحط من فتره كبيره
العربيه شاهين
وصاحبها معانا هنا و معروف
يا ترى مييييين ميييييييين !!!!!!!!
هههههه متابع
مين هه؟
الحاجات دي برة أسمها جريمة
تعريض حياة الغير للخطر
اللي أتعمل ده عليه حبس و غرامة و المنع من السواقة
التعليقات هنا شايفها حاجة طبيعي ...... و علشان كدا مصر هاتفضل مصر بأهلها #$@%@#^$|&@#$@%$|@
مفيش حد عايز ييغير بأنه يتغير
بس كل واحد فالح طول النهار يعيب على غيره و هو بيعمل نفس اللي حاجة اللي بيعيب عليها
يارب الشرطة تفوق بقى من الغيبوبة اللي هي فيها
و اللي يتمسك بيعمل غرز يتحبس و تتأخد رخصته
و اللي ماسك شمال و ماشي أقل من سرعة الطريقة الرسمية يعلقوه في ميدان التحرير و يمنعوه من السواقة
لو حد هنا بيعمل كدا ما يزعلش مني ....... و محدش يزعل من أنتقاد الخطأ .
الناس اللي شايفة دي شطارة تبقى غلطانة يا جماعة
الشطارة لما حد يعمل كدا على مضمار سباق بين عربيات كلها بتسابق بعض
أنما طريق عام ......... أعذروني دي قلة وعي تام بالسلامة و الأمان (و دي كلمة محترمة لعدم الوعي بحاجة زي كدا )
بس اعتقد ان دي مش شاهين .. اولا فيها تهور جامد ودي مش شطاره خالص يعني
لأن ممكن تلميسة فرامل مع الغرزه تبوظ الدنيا و بعدين موضوع اليمين ده مبحبوش خالص لأن اخرته وحشه
وربنا يعافينا كلنا
مشاء الله سوااااقه هندسه
ايه كميه غرز اليمين دى سواق غشيم
يا رجالة ........ السواقة الصح .......... مش سواقة الغرز (دي مش شطارة )
السواقة الصح هي السواقة في الحارات و هي السواقة اللي تخليك في أمان بنسبة عالية على الطريق
زي كدا
http://image.shutterstock.com/displa...ur-4638973.jpg
طريقة الأستنصاح بتاعتنا في مصر .......... هاتخلينا نفضل على طول شعب عالم ثالث متخلف معندوش نظام
الأستنصاح بقى في كل حاجة
الطوابير اللي محدش بيطيق يقف فيها و السواقين اللي مش طايقين يمشوا ورا بعض و الناس اللي مش عايزة تلتزم
أمال ثورة أيه و بتنجان أيه بس .
و أدي طبق كشري مصري جميل ميعملوش إلا الشعب المصري الأصيل
http://www.travellingtony.com/wp-con...pt-traffic.jpg
هو محدش عارف مين البيسوق فى الفيديو دة ؟
ياباشا انا معااااك قلبا وقالباا والمشكلة ان اللى بيسوق مفكر ان لو حصل وعربية حدفت علية ولا حاجة والغرزة قفلت هيدوس فرامل وهيقدر يلم نفسة بكل بساطة ودى مش الحقيقة ومعظم الكوارث على الدائرى بتيجى من اسلوب السواقة دة وللاسف بيبقى فية ضحايا ملهومش اى ذنب
وانا كان فى واحد عاوز ياخد غرزة من قدامى عافية وكان هيقلبنى
وبصراحة انا لما بشوف حد جاى فى المراية واسلوبه كدة وانا راكب النصف نقل بكل بساطة بقفل علية الغرزة وبصدرلة الصندوق الحديد والاكصدام الصلب واشعر الفرامل ...............واسمع احلى فرامل ورا وشتيمة وكلاكسااااااااااااااااااا ااااااااااااااااااااااااا ااااااااااااااااااااااااا ت
من المرات القليله اللي خدت فيها غرز من علي اليمين لما بنتي كانت تعبانه ورايح اوديها المستشفي
خدتها من جمب نقل تابع للجيش كسر عليه مره واحده خلاني طلعت فوق الرصيف
الحمدلله بعدها حرمت الغرز اليمين
يمكن اللي سايق محترف بس انا مش زيه يمكن لما اشوف جي كده اتلخبط ومعرفش اجي يمين ولا شمال والبس فيه او البس في عمود نور
ديه حصلت قدام عيني شاب فايق بجيتا علي مصر اسكندريه الصحرواي خد غرز من قدامي مابيني(كنت راكب فيكترا 99) ومابين أوبترا
معرفش يلمها كويس وسواق الاوبترا اتخض ومال عليه لبس في شنطه الاوبترا وطلعها فوق الرصيف لبست في عامود نور
العربيه كان راكبها اب وام وطفلين
ياريت اللي بيعمل كده لو مش همه نفسه يتخيل مشهد الاب والام وهما بيبصوا علي الطفلين المقتلوين علي الكنبه وهو هيعرف غلطه واحده بس ممكن تعمل ايه
يارب مايحط حد في موقف زي ده ابدا ابدا ابدا ويعفينا جميعا ويستر طريقنا يا رب
بغض النظر عن اي حاجة
بس غرز يمين اخرها وحش جدا
يا جدعان أنا لو حد خد غرزة أدامي من عاليمين زي الراجل ده 99% هموتو !!!
ربنا يهدى
طبعا متفق مع الجميع ان الاسلوب ده في تهور
لكن للاسف
طول ما مفيش احترام للحارات و الخطوط الارضيه و الابقاء علي الحارة الشمال للسرعه و التخطي
الغرز هتبقي شيء حتمي
الغرزه اليمين اسوأ حاجه ممكن يعملها اي سويق
و عمري ما هانسى التجربه
كنت انا و واحد قريبي في فيرنا
و طاير في شارع 3 حارات و ماشي على الشمال
العربيه اللي قدامه هدت بدل ما يهدي قام واخد يمينه
فجأه نلاقي في وشنا بوكس شرطه راكن في الحاره اللي في النص
فرامل كتييييييييير زحلقه كتيييييييييييير طرااااااااااااااااخ لبسه كبيره
الخساير الحمد لله راسنا اتخبطت بس خبطه بسيطه
العربيه : مش هاقول اكتر من ان تصليحها اتكلف 5000 جنيه
البوكس : الاكصدام الحديد الوراني اتكسر و وقع و الامين نزل يصوت عليه
كان هيلبس كذا مرة ربنا يستر طريقنا جميعا وياريت حد يقوله العربية محتاجة ترصيص :)
هو انا كنت فاكر اني هشوف واحد خرافي ولا حاجه
اكتشفت بقا ان انا كده استاهل الاعدام!!
انا عربيتي صغيره وبطبيعتي بجري من زمان لان والدي الله يحفظه طول عمره بيجري وكان عنده عربيات تساعده واتعلمت منه لدرجة ان لما كنت في الثانويه وانا رايح المدرسه العيال يقولو بنعرفك لما نلاقي سواق رالي وصل للمكان
ههههههههههههههههههه
الشاهد ان كل حاجه ليها اصول
التجاوز من اليمين ممنوع
وبلاش مبالغات والحاجاه اللي مش مطمنلها متغامرش
مفيش حاجه تستاهل المغامرة
ولو مش كاشف الطريق صح صح مش هقولك غير هدي وانت ساكت عشان ارواح الناس مش بايدك
وفي دايما حاجه بحب اقولها...
خخطر السواقه المتهوره متعدي للغير وهنا تكمن المشكله لانه لو قاصر عليك يبقى دي روحك وربنا هيحاسبك عليها
انما غيرك ذنبه ايه؟؟ وهل انت على استعداد ربنا يحايبك على ارواح وممتلكات الغير؟؟
ربنا يحمينا جميعا من شر الطريق
تحياتي
الفيديو ده كان اتحط من فتره على المنتدى و كان معظم الاعضاء مش عاجبهم لان نص جريه او يمكن اكتر يمين و ده فى حد ذاته غلط و مش حرفنه انك تاخد غرزه من اليمين لانك ممكن تتفاجىء بأى حاجه ... ربنا يستر علينا كلنا
الواحد كل يوم بيتعرض فى الطريق لنفس طريقة القياده انا بسميها ( الأستهتار بالغير مش بالنفس ) .
لازم اللى بيسوق كده يفهم ان الطريق مش معمول علشانه لواحده . انا لما حد يكون كابس ورايا و انا على الطريق مش بخليه يعدى و بدوس سنه فرامل علشان يكون عنده احساس و يطلع من ورايا و فعلا التجربة بتخلى الناس ديه تتخنق و ممكن يشتمك .
ربنا يرحمنا و يهدى
الجرى من اليمين ده مصيبة وخطر جدا لان اغلب السواقين هنا مش بيشوف يمينه وهو ماشى واساسا فى كتير جدا عمرهم ما بيبصو فى المرايا اليمين
يعنى خليك متأكد وانتا بتكل حد بالسرعه دي من يمينه انه نسبة 80 % مش شايفك وممكن يحدف عليك بسهولة من غير ما ياخد باله
امن نفسك ولو بتعدى مضطر بالشكل خلى ايدك على الكلاكس ولو بليل قلب النور العالى لحد ما تعدى وربنا يسترها علينا
جري على اليمين + غرز ضيقة كتير + غرز يمين من غير ما يكون شايف هو رايح فين
يا ريت الحارة الشمال تتفتح , ماحدش ساعتها هايضطر يعمل غرز
انما لما اتنين لامؤاخذة تيوس يصدروا عربياتهم جنب بعض و يمشوا بطيء و يقفلوا الشارع الناس تعمل ايه ؟
انا بأعمله فرح بالكلاكس و النور و بأبقي محرص منه و انا بأطلع منه جدا !و الاهم في غرز اليمين تاخد بالك من اليمين قدامك مش تاخدها عمياني من ورا أوتوبيس أو ميكروباص أو عربيه مش سايف منها و هوب تفاجيء بواحد قافلك حارتك مالوش ذنب غير انه يمشي بطيء و في حارهته الصح كمان !
أقولك ايه بس اطلع طريق السويس و انت تشوف مهازل !
يعنى .. مبلومش أوي على اللى بيعمل كده .. هو غلطان طبعا مفيش كلام .. بس محدش أولا علمه اداب القياده .. و فى نفس الوقت محدش طلب منه الالتزام بيها و كانت مطلب أساسي انه يعرفها عشان يحصل على الرخصه.
ربنا يصلح الحال
بصراحه قعدت كتييير افكر في رد علي تعليقك ده من غير ما افقد اعصابي
من الاخر تصرفك ده غلط غلط غلط
خصوصا لو ماشي في الحاره الشمال و مش من حقك تعمل كده
و لعلمك انت اللي بتعرض حياه الاخرين للخطر بتصرفك ده لانك بتجبره ياخد منك غرزة و يعمل زي الراجل اللي في الفيديو
الحاره الشمال هي حاره السرعه و التخطي و لو حد جاي من وراك بسرعه اكبر انت ملزم توسعله سواء كاسر السرعه القانونية او لا لان مش من مسئوليتك انك تجازيه او تعاقبه
يا اخي تخيل ان معاه مريض او رايح يلحق مصيبة و حط نفسك في الموقف ده و شوف شعورك تجاه واحد عمل معاك نفس الحركة
+1
وهتلاقي ناس تقولك ده شاب ولوحده فبرخم
هو إيش عرفة مش يمكن يكون عنده إمتحان وحصل حاجة ومتأخر (حصلت معايا وكنت ماشي 200 على الدائري عشان الحق)
أو رايح لحد من قرايبه تعبان ولازم يروح المستشفى أو أي حاجة تانيه
أنا مره في السعوديه وكنت رايح الحق واحد قريبي إيده إتبهدلت في مفرمة وكنت مش كاسر سرعة بس لأ كنت طاير وقدامي بوليس قلبتله نور وسعلي مع إني كنت كاسر ال200 في طريق ممنوع فيه أكتر من 80