الموضوع: سوبارو xv حد يعرف عنها حاجة؟

انا روحت اتفرجت عليها وبصراحة العربية جميلة
بس مشكلتها انها مش منتشرة والشنطة حجمها 330 لتر صغيرة حبتين
بس طبعا هي تكسب السبورتاج

المشاركة الأصلية كتبت بواسطة mostafa3000

انا روحت اتفرجت عليها وبصراحة العربية جميلة
بس مشكلتها انها مش منتشرة والشنطة حجمها 330 لتر صغيرة حبتين
بس طبعا هي تكسب السبورتاج

هى ممكن تكسب والصراحة انا كنت بقارن بينها وبين السبورتاج لكن الى خلانى اتراجع
موضوع اعادة البيع واقطع الغيار
ونا الصراحة بحب اغير كتير

المشاركة الأصلية كتبت بواسطة hussein_ramdan

هى ممكن تكسب والصراحة انا كنت بقارن بينها وبين السبورتاج لكن الى خلانى اتراجع
موضوع اعادة البيع واقطع الغيار
ونا الصراحة بحب اغير كتير

+1111
طبعا لوحضرتك بتغيير عربيتك كتير يبقي خليك في السبورتاج لانها اكيد اسهل في البيع

المشاركة الأصلية كتبت بواسطة shifou

أنا كمان عديت على التوكيل الموجود في الداون تاون بالإسكندرية، وعندي شوية ملاحظات:

أولاً: طبعاً الشنطة أصغر من أي عربية تانية في نفس الفئة ولكن ده لو إستخدمت الغطاء الداخلي للشنطة (وده طبعاً ضروري لو هتسيب العربية واقفة في الشارع وفيها حاجات في الشنطة) لكن لو في طريق سفر ممكن تحمل الشنط فوق بعضها، وخلاصة الموضوع: حجم الشنطة ده هو أكبر عيب فيها.

ثانياً: حجم الشنطة الصغير ده بسبب مساحة الركاب الداخلية الواسعة جداً (أنا ركبت الكيا السبورتاج، النيسان القشقاي والسوبارو إكس في) السوبارو أكبر وأوسع من ناحية فراغ الأرجل ورا وقدام وكمان مساحة الرأس (النيسان راسي خيطت في السقف لما جربت الكنبة الخلفية)، ولكن للأسف الحلو برضه ما يكملش لأن الكنبة الخلفية ضيقة بالعرض ومستحيل تاخد ثلاث أشخاص صحتهم كويسة، وده تاني عيوبها. :t_thum1[1]:
ثالثاً: الأبواب صحيح خفيفة لكنها مدعومة بقضيبين صلب لكل باب ممكن تلاحظ أطرافهم بارزة من أسفل الباب وبتدخل في فراغ خاص بيها في إطار الباب.
رابعاً: نظام الـ"vdc" أو الـ"vehicle dynamics control" وده إسم نظام الـ"esp" الخاص بسوبارو وموجود في كل سيارات سوبارو الإمبريزا والإكس في والفورستر، أنا دورت على الـ"youtube" ولقيت الفيديو ده، بصراحة دي واحدة من الحاجات اللي مجمدة قلبي على شرا العربية دي رغم كل العيوب اللي بسمعها عن التوكيل وقطع الغيار.
2011 subaru traction/stability control and symmetrical awd vs. Nissan, honda, toyota, and ford - youtube
:018a1d~146:

خامساً: نظام الدفع المستمر بجميع الإطارات المتساوي أو الـ" symmetrical all wheel drive" طبعاً معروف للجميع ومعروفة قدراته بالنسبة للتحكم في السيارة والمحافظة على الدفع أوالـ"traction" في جميع ظروف الجو والطريق، وبرضه لقيت الفيديو ده على الـ"youtube":
http://www.youtube.com/watch?feature=player_detailpage& v=ktogvbr4op4

سادساً: إستهلاك البنزين وده من الحاجات المهمة جداً: 6.3 لتر لكل 100 كم :f_eyeb1[1]:

أخيراً: موضوع الـ 8 إير باجز ده يستاهل بصراحة فرق السعر اللي بين أول فئة والهاي لاين:b4_388:

وشكلي كدة هتوكل على الله وأشتريها وربنا معايا في التعامل مع التوكيل، وربنا يستر ويبارك.:_alshmokh22[1]:

ممكن اعرف سعر اعادة البيع اخباره ايه؟ هل العفشة قوية ؟ الثبات اخباره ايه؟ الوكيل تمام و لا؟ انا شفتها في المعرض و عجبتني جدا

المشاركة الأصلية كتبت بواسطة khalid_adel

سعر اعادة البيع موعدكش دلوقتي غير لو العربية انتشرت والناس بقت بتشكر فيها جامد ساعتها اضمنلك سعر اعادة بيع
العفشة مجربتش بنفسي بس بخبرتي مع السوبارو انها عمرها ماعملت عفشة غير لما تكون بتعيش وبتستحمل البلد ال..... دي
الثبات اكيد اكيد 100% تكسب كل اللي في فئتها ودي انا اضمنها حتي لو مجربتهاش لانها غير الدفع الرباعي الدائم الموتور البوكسر (بيساعد على الثبات والجاذبية برضه) كمان نزلو في النسخة بتاعت مصر ال vdc (vehicle dynamic control) وده زي ال esp بس بمسمي سوبارو
التوكيل اقدر اقولك انه من اكثر التوكيلات المحترمين القليلين في البلد

متشكر جداً لرد حضرتك : انا شفتها أمبارح في التوكيل اللي عند روكسي ، العربية حلوة جداً و الاوبشنز معقولة جداً خصوصا موضوع ٨ ايربا ج ، ممكن اسأل حضرتك لو ناوي أجيب العربية و تقعد معايا مثلا ٧-١٠ سنين ، تفتكر حضرتك سعر اعادة البيع هيفرق و لا إيه ؟