الموضوع: الي مالكي الفنتازيا

المشاركة الأصلية كتبت بواسطة mostafa3000

انا عندي اوكتافيا موديل 2003 مانيوال وبفكر اغير اليومين الجايين ان شاء الله
بس محتار اني اجيب اوكتافيا تاني لاني حاسس ان سعرها مبالغ فية اووي ( انا كنت جايب عربيتي زيروب 100500 )
وفكرت في السوبيرب بس اللي قالقني انها مش منتشرة
السؤال للاخوة مالكي الفنتازيا هل هحس بتغيير من a4 الي الفنتازيا والا اخليني في السوبيرب

لا علاقة بين الـ a4 والفانتازيا
لو هنتكلم في مقارنة فالفانتازيا أكثرهم كماليات وإعتمادية,,والكلام ده في حالة لو بنتكلم عن السوبيرب الـ 1400 سي سي tsi المنوال......لكن لو بنتكلم عن الـ 1800 tfsi tiptronic يبقي مات الكلام :) ( سعرها 495 ألف جنيه وعربية فلوسها فيها )

الـ a4 عربية جميلة وقعدت معايا سنتين ونص تقريبا وكنت بحبها جدا..ولما بيعتها وجيبت الفانتازيا....شرق فاسع بين العربيتين :) طبعا لصالح الفانتازيا ( تكنولوجياً أحدث كتير ) عفشة أحسن وأقوي..فخامة جدا طبعا..وبردو عربية فلوسها فيها...ومش عارف حضرتك مستكتر تمنها إزاي..هو حضرتك كنت عاوزها بكام ؟
ده من عوامل نجاحها في مصر سعرها اللي مش مغطي مواصفتها.

المشاركة الأصلية كتبت بواسطة osha966

الفنتازيا سعرها مش مبالغ فيه ..بس أنا لا أفضل الأتوماتيك منها ..مشاكله كتير

ممكن تقولي بمعني إيه مشاكله كتير!!!!!!!!!!!!!!!!!!!!!!!!!!!!!!!!!!!! لأن من الواضح حاجة من الإتنين..إن حضرتك واخد الموضوع سماعي من حد مسوأ سمعة العربية دي..أو إن عربية حضرتك منوال ومجربتش الأوتوماتيك

يا عزيزي فتيس الفانتازيا أو a5 لا يوجد به أي مشكلة.والعربية مع ناس معارف ليا كتييير عدوا بيها الـ 150000كم وماشية زي الفل