الموضوع: بيجو 407 بتحط سولار - قلبي هيقف

انا واحد صاحبي معاه اوبل استرا Gtc تيربو ديزيل ١٩٠٠ بركب معاه كتير بحس ان سحبها احسن من البنزين والصوت تقريبا مفيش

معلش انا عارف ان موضوع الالف او الالفين ده فاجيء ناس كتير وانا منهم
بس انا اصل انا شوفت الاعلان من زمان والارقام كلها فاكرها بالتقريب.
هي تانكها حوالي 75 لتر (برضه تقريبا) و اللتر السولار بيعمل حوالي 30 كيلو يبقى المجموع حوالي 2200 لتر (تقريبا تقريبا)

بس تخيل عربية تفولها مرة واحدة في الشهر او كل شهر و نص

برضه حاجة كويسة :)

المشاركة الأصلية كتبت بواسطة medo_msmsa

مش عارف ايه اللي خلاني اقراها (الفحم) قلت هو في ايه هي وصلت للدرجة دي؟؟؟ لوووووول

عادي ولا يهمك بتحصل معايا كتيييييير

المشاركة الأصلية كتبت بواسطة axel

ايه الحاجات الغريبة اللي بسمعها ديه ههههههههه طب قول 100-200 انما الف الفين اعتقد كتيير

الجاز فعلا يعمل يعمل المسافة دى
فى محركات البنزين لتر البنزين بيتفاعل مع 14 لتر هواء وفى محركات الديزل 1لتر الديزل بيتفاعل مع حوالى 25 لتر هواء

المشاركة الأصلية كتبت بواسطة merosss

فعلا كانت بتنزل زمان بس حصل فيها مشاكل كتير بسبب سوء السولار الى موجود فى مصر والشوائب الى فية...وفى بعض العربيات منها فى مصر غيروا الموتور لبنزين ...واتبقى عربيات قليلة جدا من الى اتباعوا فى ممصر الى لسة ديزل

فعلا الموضوع دة شوفتوا كتير ايام مكنت بنزل تدريب فى توكيل بيجو كانت من اكتر المشاكل اللى بتيجلنا ان يكون فى نسبة مياة كتير على السولار بيخلى العربية فى مشيها بطة وبرجلة كانوا بيجوا نغير الفلاتر ونفضى التنك ونغسلو واحيان كمان المياة كانت بتبوظ الرشاشات

المشاركة الأصلية كتبت بواسطة mzeid

bmw 3er limousine : Datenblatt

ال bmw 320d efficient dynamics بتعمل إستهلاك جوة البلد 5.2 ليتر ديزل لكل 100 كيلو

على 90 كلم/ساعة بتعمل 3.5 ليتر

مختلط بتعمل 4.1 ليتر

تانكها 57 ليتر
يعني قول فولت و استهلكت 55 ليتر هتعمل جوة البلد 1057.69 كيلو

على السريع نفس الكمية هتعمل حوالي 1571.42 كيلو

الله ينور عليك

المشاركة الأصلية كتبت بواسطة mido353235

نفس اللى حصل معايا اما شوفت ستروين c5 2011 زيرو بتحط سولار انا قولت لو معايا وبيتحطلها سولار والله ماهحط غير 92

مينفعش يكون موتور ديزل وتمون العربية بنزين حتى لوكان بنزين 98 ونفس الكلام لو عربية بنزين مينفعش تحط لها سولار
لا موتور البنزين بيحرق البنزين بالشرارة انما محركات السولار الحرق فيها بيتم عن طريق الضغط وارتفاع كبير فى درجات الحرارة

المشاركة الأصلية كتبت بواسطة mzeid

مش دي كمان النقطة

فيه كمان صوت المحرك . اكيد فيه ناس فكرت و قالت هو انا هجيب عربية صوت موتورها عامل زي الشيفروليه الدبابة ؟؟؟؟؟؟؟؟؟؟؟؟!!!!!!!!!!!1

مشكلة الصوت العالى فى عربيات الجاز دة بيكون بسبب طرمبة حقن الوقود كانت ومان بيتشتغل بطريقة ميكانيكية

معظم الديزل دلوقتى بقى نظام الحقن عن طريق طلمبة كهرباء فالصوت بقى اهدىىىى كتير جدا عن زمان