يتجوز المصريه و لا السوريه ؟ موضوع محير

**mostafa mahmod** · 17-03-2012 02:20 PM

المشاركة الأصلية كتبت بواسطة megamoudy

انا زوجة خالي لبنانية وحلوة اوي ........... بس مفهاش الروح المصرية ف الهزار وخفة الدم ........ اجمل حاجة خفة الدم لو مش موجوده ساعتها ملكة جمال هتكون وحشة اوووووووووووووووووي

+111111111

**hosamsief** · 17-03-2012 02:35 PM

اولا يسأل نفسه مجموعه اسئله و يشوف هيحلها ازاى على اساسها يختار ..... ( الدين اولا ثم الاتى )
1- اولا البنت اللى هيتجوزها ده هتغنية عن كل نساء العالم ....
2- لما يفتح عنية الصبح و يصتبح على وش مالوف ( هل هذا الوش مالوف ولا من مخلفات الحرب ؟)
3- هل تصلح هذة الزوجه لتكون اما و مربية لاولادة و تحمل اسمه و تصونه فى عرضه و ماله .....
4- هل تتفق التقاليد الاجتماعية لبيئه الزوجه مع التقاليد و الاعراف الموجود فى محيط عائلة الزوج ...
5- هل اختبر مشاعرة ناحيتها و تأكد من ميله و حبه لها ........
6- هل لدية القدرة على التوفيق بينها و بين و الدته حتى لا يضع نفسه تحت اختبار قاسى و ضغط عائلى ...
7- هل لدية القدرة فتح بيت بكل لوازمه بسلطاطه و بابا غنوجه و ..... الخ
اذا كانت الاجابة بنعم .... فيتوكل على الله و يتجوز الاتنين .......

**Hacker5** · 17-03-2012 02:43 PM

لا دى ولا دى
المغربية عن تجربة و معرفة قديمة بمغاربة

**mohdamin18** · 17-03-2012 02:46 PM

المشاركة الأصلية كتبت بواسطة Hacker5

لا دى ولا دى
المغربية عن تجربة و معرفة قديمة بمغاربة

اه و نعيش مع السحر و الدجل بقى و تبقى ليلتنا فل

**BUNSH** · 17-03-2012 02:54 PM

المشاركة الأصلية كتبت بواسطة ahmed a rahman

هو انتوا بتختاروا بناء على الوش !!

لو كده بلاش يتجوز اصلا

ياخد اللي حتريحه, تصون عرضه, تحفظه في غيبته على نفسها وماله

المشاركة الأصلية كتبت بواسطة aif

نصيحة ..... سيبك من الشكل
جمال الزوجة بيفقد مفعوله بعد اول شهر من الزواج .... ويبقى حسن الطباع وحسن العشرة .... وقبلهم طبعا الدين
لا تختار زوجة لك فقط .... اختار ام لأولادك وده اهم
وكمان لازم يسأل عن اسباب طلاق السورية ... يمكن طبعها مش مريح او ما شابه
.....

+1111
الله ينور من الاخر ..

المشاركة الأصلية كتبت بواسطة hacker5

لا دى ولا دى
المغربية عن تجربة و معرفة قديمة بمغاربة

المشاركة الأصلية كتبت بواسطة mohdamin18

اه و نعيش مع السحر و الدجل بقى و تبقى ليلتنا فل

اللى انا اعرفة انهم بيسحرووا رجالتهم علشاااااان محدش يبص برة .

**aif** · 17-03-2012 04:08 PM

المشاركة الأصلية كتبت بواسطة hanyemad123

ده مع المصريات بس يا برنس مش مع السورى ولا اللبنانى

مع الكل يا باشا ... هما اللبنانيين والسوريين مش بشر ؟؟؟؟
بعد اول فترة من الزواج
كل من حولك ح يلاحظ جمال زوجتك الا انت
لأنك ببساطة بتشوفها كل يوم وكل ساعة وكل لحظة
يا فرحتي بزوجة جميلةوزي القمر ...... ونكدية .... او ربة منزل فاشلة .... او مربية سيئة لاولادك .... او مديرة فاشلة لحياة اسرتك ... او مغرورة ودمها يلطش ..... او باردة ورخمة .... او لسانها طويل .... او مبذرة وتخرب بيتك .... او قليلة الدين واولادك يطلعو زيها طبعا .... او طبعها زفت وتقرفك في عيشتك .... او .... او .......

لو قعدت تاكل كباب كل يوم ح تتبسط اوي ... وبعد شهر مش ح تطيق الكباب ولا ريحته ... وح يصبح مجرد اكل بيشبعك وخلاص

**SYD** · 17-03-2012 06:01 PM

المشاركة الأصلية كتبت بواسطة aif

مع الكل يا باشا ... هما اللبنانيين والسوريين مش بشر ؟؟؟؟
بعد اول فترة من الزواج
كل من حولك ح يلاحظ جمال زوجتك الا انت
لأنك ببساطة بتشوفها كل يوم وكل ساعة وكل لحظة
يا فرحتي بزوجة جميلةوزي القمر ...... ونكدية .... او ربة منزل فاشلة .... او مربية سيئة لاولادك .... او مديرة فاشلة لحياة اسرتك ... او مغرورة ودمها يلطش ..... او باردة ورخمة .... او لسانها طويل .... او مبذرة وتخرب بيتك .... او قليلة الدين واولادك يطلعو زيها طبعا .... او طبعها زفت وتقرفك في عيشتك .... او .... او .......

لو قعدت تاكل كباب كل يوم ح تتبسط اوي ... وبعد شهر مش ح تطيق الكباب ولا ريحته ... وح يصبح مجرد اكل بيشبعك وخلاص

1+

كلام الحاج احمد سليم 100%

انا قريت كل التعليقات

منهم الي بيتكلم عن الجمال وان دمها تقيل - مين الي قالك ؟؟؟ هو لازم صفة واحدة من الأتنين ماينفعش الأتنين سوا ؟؟؟
منهم الي قالك الدين والتدين - ليه افترضت ان المصرية مش بتسيب السبحة وسجادة الصلاة
منهم الي قالك نكد وعذاب ووشها يقطع الخميرة من البيت - هو كل المصريات كدة ؟؟؟ بالعكس انا شايف ان نسبة الجمال في مصر بدأت نوعا ما ترتفع
منهم الي قالك والدتك ولازم ترضيها - دي بصراحة اة - ودي اعتبارها فوق الكل

انا رأيي الشخصي

الواحد مش بيتجوز غير مراته
مين عارف ؟ يمكن ربنا كاتبله واحدة تالتة لسه ماقبلهاش وهي دي مراته الي ربنا كاتبهاله

معايير الجواز مختلفة تماما عن العزوبية والصداقة وحب الجامعة

انت بنفسك لاحظها

اول لما تتعين زميلة جديدة في الشغل وياسلام لو حلوة
هتلاقي نفسك معجب جدا بجمالها - وبعد شهر او اتنين او تلاتة اوحتي سنة (لو عينيك فارغة علي الأخر) وهتلاقي نفسك تألفها او وشها بقي مألوف وجمالها عادي ومش مبهرة ويمكن تطلع عيوبها وتكتشف ان دمها تقيل كمان

مابالك بزوجتك ؟؟؟؟!!!

انا مش بقول كدة عشان انصحك بعدم الجواز

ولكن لو المبدأ في الجمال وفقط
يبقي خليك كدة راقب الجميلات من بعيد ومتع ناظريك (بالحرام) لأن مهما كان جمالها بردو هتتعود عليه ومش هتلاحظه فيما بعد

لكن بجد سبحان الله في الزوجة الحلال الي ربنا محللهالك
لا يمكن تمل من جمالها - جمال روحها وليس الوجه
مهما تتخانقوا - سبحان الله نفسك تصفي وتسامحها
لو عملت الأكل بالتي هي ايه - طز بكرة انشاء الله الأكل يتظبط

فكر بعقلك شوية وبلاش الأندفاع وراء المسميات
انا مش بقول بلاش السورية
بالعكس جمال الوجه مطلوب
بس اعتقد انه معجب بيها اكتر من كونه عايزها زوجة
ولو علي الجمال
يووووووووووووه
في بنات مصريات كتير جدا يجمعن الصفات كلها
الأدب والأخلاق والأسرة والجمال والتدين وحسن العشرة والتعليم والفن والذوق والمطبخ والتوفير وخفة الدم

وكلها مش صفات صعبة اوي يعني عشان يستحيل تتوجد في واحدة

وانشاء الله اختيار الأم انشاء الله اكيد في محله

والأهم رضا الأم

وموضوع مطلقة يجب التفكير فيه

اسف للأطالة

والله المستعان
،
،