آخر اخبار الوكيل
اتصلت بفرع القطاميه وكلمت مهندس في قسم قطع الغيار واكتشفت ان قطمة الدريكسيون موجوده من شهر ونص بس مفيش حد كلمني
لأن المهندس صلاح عيد اللي كان بيتابع معايا يمر بأزمه صحيه شفاه الله وعافاه
والحقيقه انه كان متعاون جدا آخر مره كنت موجوده للصيانه برغم السلبيات الأخرى
وسألته تاني على مفتاح الفصل او كتاوت الفصل على الإنذار اكد انهم مش بيعملوه ومفتاح الفصل في ابورواش فقط علشان الفني المختص الوحيد هناك بس !!!
طيب هل ممكن اركب قطمة الدريكسيون في ابو رواش مع مفتاح الفصل .... ممكن بس اتأكدي الأول من وجود فني تركيب القطمه في فرع ابو رواش !
ولو هيركب في القطاميه لازم يوم غير السبت علشان تركيب القطمه بياخد وقت طويييييل لغاية الساعه 6
وكده كفااااااااايه مع القطاميه
نرجع لأبو رواش اتصلت بيهم اسأل هل ممكن اركب قطمة الدريكسيون ...... لأ مش ممكن اللي اكتشف حاجه هو اللي بيركبها ..... حتى لو جبت تقرير ... لأ لازم نعيد التقيم من جديد
وسألته تاني على مفتاح الفصل وكالمعتاد الكلام طلع مختلف عن كلام اللي رد عليا امبارح لكنه مطابق لكلام فرع القطاميه وهو انه مفتاح لفصل طرمبة البنزين
رغم ان المراكز المعتمده زي السبع والهندسيه الدوليه في المعادي بيركبوه مع الإنذار
وكده غالبا هعمله في اي مركز منهم وخلاص والقطمه يوم تاني وامري لله
آسفه طولت عليكم
المفضلات