قول رأيك بامانه

**mohamedkordy** · 17-03-2012 07:21 PM

بصراحه كل دا هرى ملهوش تلاتين لزمه فرنا ايه يا جدعان بس برجاء غلق الموضوع علشان الواحد لو قال رايو الهينداويه حيزعلوا منى اوى

**Ashraf_Ibrahim** · 17-03-2012 07:32 PM

المشاركة الأصلية كتبت بواسطة minicooper20

ربنا يخليك يا كبير و الله دى من زوقك

شوفتنى و انا بصدق على كلامك هات 5 جنيه با عم اشرف بقا بسرعه بسرعه

حبيبي يا ميني كوبر
بقلك ايه مفيش حتة ميني كوبر اجربها كدة :d
حاولت اشد معاه وللأسف كانت تجربة فاشلة بكل ما تحويه الكلمة من معنى :d
اما عن الخمسة جنيه اان اشوفك بس واعزمك عاللي انت عاوزه
انت حبيبي والله

**el_nahal2004** · 17-03-2012 09:21 PM

والله انا هقول راى البسيط فى الموضوع ده والى حصل معايا كتجربة واقعيا
لانى حصل وشديت اربع مرات بالضبط ادام فيرنا
مرة كنت بعربيية سيراتو 2010 مانيوال
وطلعت منى بسهولة لغاية 80

وتلت مرات تانية كنت بعربية نيو اكسنت 2010مانيوال
مرتين وانا طالع المقطم وفعلا فرقت عنها كتيير جداااا والكلام ده كان الطريق فاااضى خالص كانت الساعة 2 بليل يعنى مكنش فيه اى شيئ يقول ان الطريق الى مخلهوش يحرق او يشد
ومرة تانية كنت فى اكتوبر فى الطريق الى هو ورا ميدان جهينة ده الى فيه مطباب صناعية كتير كدة الى يوديك للحى السكنى
اربع مرات نوصل انا وهو للمطب ونشد من الطالعة الى بعد المطب وانا افرق عنه يمكن بعربيتين لغاية مانوصل للمطب الى بعده واتعمد استناها كانى باخد المطب على مهلى عشان يبقى فى سوى عربيتى ونبدا من جديد وكل المرة الفرق ملحوظ اوى بينه وبينى لغاية ما الطبات خلصت فرقت عنه كتيير

**mohamedkordy** · 17-03-2012 10:41 PM

المشاركة الأصلية كتبت بواسطة Ashraf_Ibrahim

:d
حضرتك موصلتش لمغزى الكلام

الفيرنا تقدر تبهدل أي عربية 1600 سي سي وممكن عربيات 2000 سي سي كمان بس دا مش معناه انها صاروخ مطلق
ا

لا تعليق

**ICE_MAN** · 18-03-2012 12:15 AM

المشاركة الأصلية كتبت بواسطة Ashraf_Ibrahim

بغض النظر ان فيه تعليق هنا ساءني فعلا بس مش مشكلة لا بأس
يا سادة لازم نبقا عارفين ان مفيش شيء صحيح صحة مطلقة
لكل حادثة -شداية يعني - ظروفها الخاصة من ظروف الطريق ورظروف العربية وظروف السواق نفسه
عادي جدا انا كنت على الصحراوي وماشي 190 ولقيت شبح معدي من جنبي -شبح مش مرسيدس بس حاجة عدت بسرعة اوي -
اه حاولت اني اجيبه وفضلت ثابت على سرعتي بتاع ربع ساعة بس للأسف عرفتش اجيبه !
دا اخر قدرة عربيتي متقدرش تطلع اكتر من كدة -ساعتها مع الهوا اللي كان موجود وعدد الافراد اللي في العربية -
كل حاجة ليها ظروفها
ايا ما كان ففيه ردود هنا وضحت كلامي وردت بالنيابة عني
ربنا يبارك فيكم ويكون النقاش دائما وأبدا على مستوى الحدث واللباقة في الحديث والمستوى الخلاقي :]

مؤيد تماما لكل ما قاله الاستاذ أشرف بصفتى مالك قديم للفيرنا و شديت بيها مع عربيات كتيير و دايما كانت رافعة راسى و فعلا الفيرنا تبهدل اى عربية 1600 باستثناء المينى كوبر و ال sir علشان انا عارف ان فيه ناس هتدخلهم فى المقارنة

المشاركة الأصلية كتبت بواسطة XMANX51

يا جماعه الي راكب عربيه من العربيات الي الاستاذ اشرف قال حط عليه يتفضل يرد غير كدا محدش يقولي انا شوفت ومش شوفت لان انا ممكن اكون ماشي بحرق علي غيارات والتاني ماشي ومش في دماغه واسمي بحط عليه
احط عليه امته لما اعدي منه واسمع صوت عربيته بعد تسقيط الغيار وهو بيحاول يشد معايا

استاذى انا شايف انك تجرب الفيرنا بنفسك بعيدا عن لغة الارقام لمعرفة الحقيقة .. انا كانت معايا فيرنا من 4 سنين و دلوقت معايا النترا و لانسر بومة و كمان جربت جميع السيارات الكورى و اليابانى و بعض السيارات الالمانى بحكم عملى و كمان لمسافات كبييرة (لسة راجع من سفر 3000 كيلو فى يومين بعربية سيراتو) و اقولك بكل ثقة ان الفيرنا تبهدل اى عربية 1600 و عن تجربة

**mohamedkordy** · 18-03-2012 12:27 AM

المشاركة الأصلية كتبت بواسطة ice_man

مؤيد تماما لكل ما قاله الاستاذ أشرف بصفتى مالك قديم للفيرنا و شديت بيها مع عربيات كتيير و دايما كانت رافعة راسى و فعلا الفيرنا تبهدل اى عربية 1600 باستثناء المينى كوبر و ال sir علشان انا عارف ان فيه ناس هتدخلهم فى المقارنة

استاذى انا شايف انك تجرب الفيرنا بنفسك بعيدا عن لغة الارقام لمعرفة الحقيقة .. انا كانت معايا فيرنا من 4 سنين و دلوقت معايا النترا و لانسر بومة و كمان جربت جميع السيارات الكورى و اليابانى و بعض السيارات الالمانى بحكم عملى و كمان لمسافات كبييرة (لسة راجع من سفر 3000 كيلو فى يومين بعربية سيراتو) و اقولك بكل ثقة ان الفيرنا تبهدل اى عربية 1600 و عن تجربة

طب بقولك ايه بقا علشان كدا زادت اوى قابلنى وتعالا بهدلى العربيه انا معايا فوكس ورينى شطارتك يا حلو الملامح حدد الميعاد وقولى وحبعتلك رقم تليفونى على الخاص لو حابب بس مترجعش تندم يا حلو

**Dr'AhmZZong** · 18-03-2012 12:45 AM

ليه يا جماعة الموضوع خد اكبر من حجمه ..

أنا شايف إن احنا نحترم بعض احسن عشان كده بجد ميصحش ..

مش هنخسر بعض و نقل من قيمة بعض عشان فيرنا و حرق و تف و نفففففففف .. ده ليييييييييه كده ..

مش معقول عقلنا صغر للدرجادي ..

أنا مش شايف أي داعي للكلام الفاضي ده .............

ارجوكم محدش يفهمني غلط ..