الموضوع: قول رأيك بامانه

الموضوع بيعتمد ع السائق في المقام الاول ثم العربية

ع سبيل المثل
هات فيرنا و خليها تشد مع الالنترا الفيرنا لو السواق تمام هيكسبها هتقولي ليه هقولك لأن وزن الفيرنا و البودي نفسه خفيف مع موتور كبيير و بالتالي تقطع الالنترا اللي مليانة و وزنها تقيل

لو جيت مثلا ماروتي و فيرنا الماروتي هتكسب و تشد مع الفيرنا لغاية 100-120 لكن بعد كده الفيرنا تكسب في السرعات برده لأن وزن الماروتي اخف من الفيرنا و الموتور مية مية عليها طبعا غير السواق

انا شوفت في القاهرة الجديدة عربية سوزوكي التو بتشد مع رينو ميجان الالتو كانت بتبص ع الميجان في المراية مع العلم ان الالتو 800 و 1100 و اخرها 180 و بتوصل لــ160 ع الخامس و معندناش ار بي ام كمان ههههههه

انت ممكن يكون معاك بي ام و تيجي جين توو تقطعك و تفرج الشارع عليك شوف الفرق

فزي مقولت الموضوع بيعتمد ع السائق في المقام الاول اللي عارف ازاي يسوق و فاهم عربيته و امكانياتها و امكانيات اللي قدامه و عربيته نقط الضعف و القوة..ألخ...ألخ
و في المقام الثاني العربية و امكانياتها

يا جماعة الفيرنا ماتور شديد على بودي خفيف ! فال power : weigh ratio عندها عالية اوي ! بالتالي طبيعي انها تفرتك اغلبية ال 1600

انا عن نفسي ماصدقش ان عربية تطلع من الفيرنا ال 1600 الا لو كانت

اما كورولا 1600 الشيب القديم مانويل ! او الشيب الجديد MMT ! ال 1300 الفيرنا هتعلم عليها
هوندا سيفيك فوق ال 100 !
النترا مانويل
جيتز 1600

غير كدة هيبقى الموضوع صعب ! ! او هيبقى نتيجة ان سواق الفيرنا مش عارف يجريها كويس !

عموما بالنسبة للعربيات اللى تم ذكرها في الموضوع اغلبها انا شديت معاها بالياريس ومعايا فيرنا 1500 تعتبر اقوى منها بشكل ملحوظ تحت ال 100 وفوق ال 120 بيبقى الفرق بسيط بس برضوا لصالح الفيرنا

وهرد عن تجارب فعلية على الطريق

المشاركة الأصلية كتبت بواسطة Taiwo

هقول اللي عن تجارب فعليه بس عشان ميبقاش أي كلا م وخلاص ..... مؤيد أنها تحط علي الجيتا وهي سايبه إيدها .. وحصل قدامي كتير ... الألنترا أعتقد صعب .. ألنترا 2009 حطت عليها بس كانت مره واحده معرفش ده العادي بينهم ولادي حاله فرديه ...

الفيرنا تطلع من الالنترا الاتوماتيك عااااااااادي جدا وتبهدلها كمان !

بالنسبة للالنترا المانويل اعتقد هيقولو مع بعض ! لو حد طلع هيبقى التاني في ديله !

المشاركة الأصلية كتبت بواسطة moh19227

بص يا باشا بالنسبه للبي ام لو 316 عادي جدا علشان دي عربيه بطه اساسا
ماذا ار اكس ثري ولا الهوا -- معرفش عنها اي حاجه -- :)
لانسر وجيتا وباسات ال FSi والاوبترا والنترا تحت ال 100 عادي

تحت وفوق ال 100 وبفرق كمان وده عن تجربة مع "الانسر - جيتا - الباسات ال FSI دي طلعها برة خالص عشان دي الواحد لما يشد معاها بيحس انه بيشد مع نفسه - الالنترا " كل دول مش عايز اقولك اني علمت عليهم بالياريس

الانسر طالع منها من 80 ل 120 بفرق نص كبوت بعدها فرق عني نص كبوت "عشان بيحصل Drop في ال Acceleration بتاع الياريس عند ال 120 بعدها بترجع تفوق تاني" عند ال 130 جبته وبقيت فارق عنه حوالي نص عربية ! بعد ال 165 عداني بفرق بسيط !

الجيتا بسيبه يمشي وبدوس بنزين اطلع منه ! وعلى اي سرعة من 0 لحد 180 !

الالنترا الاتوماتيك طالع منه على الصحراوي لحد 180 ! بس للامانة كان معاه وزن زيادة عني حبتين بعد ال 180 طلع مني !

كل دول اتعلم عليهم من الياريس والفيرنا ال 1500 اللى معايا اقوى من الياريس بشكل ملحوظ تحت ال 100 وبيبدا فرق القوة يقل خصوصا بعد ال 120 بس برضوا بتفضل اقوى حتى ولو بفرق بسيط ! ! يبقى الفيرنا ال 1600 هتعمل فيهم ايه ؟ ؟

شيروكي موديل كام بالظبط وكام سي سي
ولاندكروز وبرادو عربيات قويه بس معرفش ازمنه التسارع بتاعتهم بالظبط

معنديش خلفية عن العربيات ال 4*4 لاني ماسبقش ليا جريت مع ولا واحدة فيهم

هوا الفيرنا مش اسطورة ولا العربيه اللي مجتش بس العربيه بودي خفيف علي موتور 1600 سي سي فبخلي العربيه بتجمع هوا وخصوصا تحت ال 100 لكن فوق ال 100 العمليه بتقل شويه
واقدر اضيف عليهم الكورولا الجديده والصني

محدش قال انها اسطورة ولا حاجة بس هي تجميعها ممتاز نظرا لوزنها الخفيف

الكورولا الجديدة Dual VVTi 121 حصان ! هتقول مع الفيرنا ووارد انها تطلع الله واعلم ! لو مانويل شيب قديم او MMT كنت هقولك هتطلع هتطلع مافيش كلام ! انما الاتو مش عارف

الصني بعلم عليها بالياريس تعليمة وحشة اوي ! بالذات فوق في ال Mid range !

120-160 ! بتتبهدل ! وعن تجربة شد مع اكتر من صني !

المشاركة الأصلية كتبت بواسطة XMANX51

احب اقولك تسارع الجيتا من 0-100 11,4 ثانيه

اسمحلي يا باشا بس مافيش الكلام ده ! الجيتا الفتيس ال 6 سرعات لو جمعت بيه من 0-100 في اقل من 13 ثانية يبقى انت بطل !

المشاركة الأصلية كتبت بواسطة Ashraf_Ibrahim

:d
حضرتك موصلتش لمغزى الكلام
انا قلت ان المقارنة بين الفيرنا ال 1600 سي سي والكورولا ال 1300 سي سي دي مقارنة غير عادلة مطلقا ومش في صالح الكورولا ابدا

طبيعي وكلام منطقي ! الفيرنا تطلع من الكورولا ال 1300

ولما قلت اني عديت من لانسر وسقطت رابع وطلعت ل 160 حضرتك استنكرت كلامي وسألت

وتطلع برضوا من الانسر لان اصلا الانسر في ال Mid range acceleration التسارع بتاعها في الكفتة ومش بتاعة جري

حطيت على عربيات ايه ؟! وقارنت الفيرنا بالفيراري والمرسيدس والبي ام والفولكس فذكرت لحضرتك العربيات اللي حطيت عليهم
وذكرت لحضرتك برده اني عشان اقارن عربيتين لابد يكونوا من نفس فئة السعة اللترية للموتور

مش شرط نفس السعة اللترية لان برضوا ماتنساش فرق القوة مقارنة بوزن العربية ! فوارد تلاقي عربية 1600 على وزن تقيل وعربية تانية 1300 على وزن خفيف تقطعها !

ويكونوا على تقارب في الفئة السعربية كمان لأنه مش من المنطق او العدل اني اقارن الفيرنا في التسارع بتاعها بالفيراري
من الواضح ان حضرتك موصلكش معنى كلامي كويس
كلامي كان واضح جدا
الفيرنا تقدر تبهدل أي عربية 1600 سي سي وممكن عربيات 2000 سي سي كمان بس دا مش معناه انها صاروخ مطلق
اكيد فيه عربيات تقدر تبهدلها
عادي جدا انا كنت على الصحراوي وماشي 190 وجت عربية من جنبي مقدرتش اعرف هي نوعها ايه اصلا !
كل اللي انا فاكره شكل الفوانيس الخلفية بتاعتها وطبعا كنت الساعة 1 بالليل فمعرفتش هي ايه اصلا ولا انكر اني حاولت اجيبها بس معرفتش
اللي بيسوق دايما يحط في دماغه ان دايما فيه الاحسن
الاحسن منه في العربية والاحسن منه في السواقة
دا ما يعنيه ردي توضيحا وتفصيلا واتمنى ان حضرتك متفسرش ردي بصورة لا اعنيها ولا اقصدها !

حبيبي اشرف باشا

المشاركة الأصلية كتبت بواسطة Amrgamal1

اصل يا باشا كلمه فيرنا حطت علي مش عارف ايه دي بتنرفز اوي بصراحه هههههه
دي فيرنا يا جدعان و كوري و 1600
دا حتي لما تروح تشتري عربيه محترمه موديل قديم ب 50 او 60 الف وتقوله ليه يعني دي تسعينات
يقولك خلاص حضرتك روح اشتري فيرنا 2010 احسن ههههههه يعني بيتريق ع الفيرنا م الاخر
ايه بقي !!

مش معنى انها حطت على عربية يبقى هي احسن منها ! انا عن نفسي بالفيرنا قلبي ماطوعنيش اجيب اكتر من 130/140 وكنت حاسس اني بطير مع الرياح !

احنا بس بنتكلم عن قوة الماتور والتسارع مش بنقارن عربية بعربية

المشاركة الأصلية كتبت بواسطة XMANX51

اظن يا جماعه كفاية مجامله في الفيرنا اكتر من كدا
الاستاذ اشرف ليه منا كل تقدير واحترام وحضرته قالت ان حطيت بالفيرنا علي عربيات كتيره
بس انا هقوله اتفرج بس علي الكام فيديو
تسارع الفيرنا من 0-220
HYUNDAI VERNA TOP SPEED!!! 0-200 or 210 km/h - Mohamed Safrouta - YouTube
اظن الفيديو واضح جدا انها استغرقت دقيقه و 18 ثانيه للوصول للسرعه القصوي
ودا تسارع RX8
RX 8 0-200 KM/H - YouTube
My RX8 0 - 200 kph 27.2 sec. on 1 Km!! (stock,manual 231hp) - YouTube
وهنا الفيديو اوضح شوية ان العربيه وصل لسرعه 200 في اقل من دقيقه اظن الفرق شاسع
ودا تسارع جيتا
VW Jetta 2.0TSI 2011 0-238km/h - YouTube
الجيتا وصلت ل 100ك/س في 7 ثواني ووصلت 200 ك/س 30 ثانيه

باشا حضرتك جايب تسارع جيتا 2.0 TSI ! ! وعايز الفيرنا تسد معاها ؟ ؟ ياراجل حرام عليك

مكنة 2000 تربو ؟ ؟ الفيرنا هتعمل ايه بس ؟ ؟

طيب نيجي للحته الشمال (الفيكترا)
نبتدي بال 16
opel vectra 0 - 200.mp4 - YouTube
Vectra A 2.0i 8v 0-200 - YouTube

الفكترا دي 8 سلندر ! ! ؟

اظن كدا كفايه انا سبت شغلي وفضبت للفيرنا اشوف تسارعها ايه وجبت عربيات كتيره من الي حضرتك قولت عليه ودي امثله بيسيطه يا ريت تتعظو
الفيرنا عربيه محترمه بس داخل المدينه علي اي طريق مفتوح اقل فئه في الالماني تسففها التراب
بشرط التسارع من الصفر لحد السرعه القصوي

شوف يا كبير فيديوهات اليو تيوب دي حاجة والكلام على الطريق حاجة تانية !

التسارع والشد على الطريق عمره مابيبدأ من ال 0 !

تاني حاجة الفيديوهات دي انت ماتضمنش العربيات دي متعدل فيها ايه ولا حالتها عاملة ازاي ؟ ؟ فبرضوا ماينفعش تبقى مرجع