انا حط الكلام زي ما هوه منقول من مشاركة Ashraf_Ibrahim في الموضوع التالي
http://www.nilemotors.net/Nile/27764...post3874177098
لو الكلام دا فعلا بيحصل انا هشتري فيرنا
عرض للطباعة
انا حط الكلام زي ما هوه منقول من مشاركة Ashraf_Ibrahim في الموضوع التالي
http://www.nilemotors.net/Nile/27764...post3874177098
لو الكلام دا فعلا بيحصل انا هشتري فيرنا
تعديل بسيط المازدا كانت rx8
الرأي يتقال على الرد ككل يا عزيزي مش على جملة اتقالت ردا على تساؤلك ليس الا !
حضرتك لما قولت انك حطيت علي صف العربيات دي يعني بتقول انك افضل منهم في التسارع
:d
حضرتك موصلتش لمغزى الكلام
انا قلت ان المقارنة بين الفيرنا ال 1600 سي سي والكورولا ال 1300 سي سي دي مقارنة غير عادلة مطلقا ومش في صالح الكورولا ابدا
ولما قلت اني عديت من لانسر وسقطت رابع وطلعت ل 160 حضرتك استنكرت كلامي وسألت حطيت على عربيات ايه ؟! وقارنت الفيرنا بالفيراري والمرسيدس والبي ام والفولكس فذكرت لحضرتك العربيات اللي حطيت عليهم
وذكرت لحضرتك برده اني عشان اقارن عربيتين لابد يكونوا من نفس فئة السعة اللترية للموتور ويكونوا على تقارب في الفئة السعربية كمان لأنه مش من المنطق او العدل اني اقارن الفيرنا في التسارع بتاعها بالفيراري
من الواضح ان حضرتك موصلكش معنى كلامي كويس
كلامي كان واضح جدا
الفيرنا تقدر تبهدل أي عربية 1600 سي سي وممكن عربيات 2000 سي سي كمان بس دا مش معناه انها صاروخ مطلق
اكيد فيه عربيات تقدر تبهدلها
عادي جدا انا كنت على الصحراوي وماشي 190 وجت عربية من جنبي مقدرتش اعرف هي نوعها ايه اصلا !
كل اللي انا فاكره شكل الفوانيس الخلفية بتاعتها وطبعا كنت الساعة 1 بالليل فمعرفتش هي ايه اصلا ولا انكر اني حاولت اجيبها بس معرفتش
اللي بيسوق دايما يحط في دماغه ان دايما فيه الاحسن
الاحسن منه في العربية والاحسن منه في السواقة
دا ما يعنيه ردي توضيحا وتفصيلا واتمنى ان حضرتك متفسرش ردي بصورة لا اعنيها ولا اقصدها !
الفيرنا رعبية محترمة كده وفعلا تجمعها عااالمى ماشاء الله بس البودى شماال خاالص
انا سألت حضرتك حطيت علي عربيات ايه قولتلي كيت وكيت وكيت
انا عايز اعرف رأي الاخوه الافاضل هل الفيرنا تحط علي العربيات دي؟؟
لا مشكلة يا عزيزي
نشوف رأي الاخوة :d
استاذ اشرف حضرتك اقصي سرعه وصلت بيها كانت كام؟؟
عداد عربيتي اخره 200 وبما ان عربيتي هاف اوبشن ومعنديش عداد ار بي ام فبقف على 200 مش بزود عن كدة لأن انا معرفش امتى تدخل في الريد زون -معندي آر بي ام -
بجد اذا كان العربيه نزله في كونتكت كار اخرها 177 ك/س؟؟
انا مليش دخل بكونتاكت كار
انا عندي عداد عربيتي اللي مبكدبهوش !
وفيه ناس هنا وصلت بالفيرنا ل 220 بالجي بي اس
بس انا مقدرش اغامر المغامرة دي بدون ار بي ام :d
مش مستغني عنها الحقيقة :d
فى حاجات مش واضحه , يعنى بى ام ومرسيدس , موديل كام وانهى موديل بالظبط وكام سى سى وكام حصان
ال rx8 صعب احنا بنتكلم فى عربيه معديه ال 200 حصان
الكروزر برضه صعب
الشيروكى والبرادو معرفش التسارع بتاعهم
لكن لانسر وجيتا وباسات واوبترا والنترا كل دا عادى ممكن
نفترض ان كونتاكت كار غلط
عايز اشوف مواصفات العربيه علي الموقع الرسمي للشركه بتاعت هيونداي
الموضوع بسيط الفرنا عربية وزنها خفيف جدا جدا وموتورها 1600 او 1500 فبالتالى بداية الانطلاق بتكون سريعة واسرع من عربيات اغلها منها بسبب الوزن .....بس فى حاجة من منظور هندسى كل العربيات دى تسرعها احسن من الفرنا على السرعات العالية مثال لذلك لو واحد جاب بلونة وزقها وهى ثابتة بقوة صغيرة هتطير مسافة اكبر لو زق نفس الزقة لكرة مثلا .....لكن بقة لو زق البلونة بقوة كبيرة اوى هتتحرك بردة بس هتقف بعد شوية بس لو بنفس القوة الكبيرة دى زق كرة هتتحرك بسرعة اكبر واسرع بكتير جدا من البلونة هو دة الى بيحصل ياريت تكون الفكرة وصلت
هقول اللي عن تجارب فعليه بس عشان ميبقاش أي كلا م وخلاص ..... مؤيد أنها تحط علي الجيتا وهي سايبه إيدها .. وحصل قدامي كتير ... الألنترا أعتقد صعب .. ألنترا 2009 حطت عليها بس كانت مره واحده معرفش ده العادي بينهم ولادي حاله فرديه ...
بص يا باشا بالنسبه للبي ام لو 316 عادي جدا علشان دي عربيه بطه اساسااقتباس:
لعقل بيقول اني لما اقارن فيه مباديء واسس للمقارنة بس اقدر اقول لحضرتك اني حطيت على بي ام وحطيت على مازدا rx3 وحطيت على لانسر وجيتا وباسات واوبترا والنترا ومرسيدس وفيرنا وشيروكي ولاند كروزر وبرادو وغيرهم
ماذا ار اكس ثري ولا الهوا -- معرفش عنها اي حاجه -- :)
لانسر وجيتا وباسات ال FSi والاوبترا والنترا تحت ال 100 عادي
شيروكي موديل كام بالظبط وكام سي سي
ولاندكروز وبرادو عربيات قويه بس معرفش ازمنه التسارع بتاعتهم بالظبط
هوا الفيرنا مش اسطورة ولا العربيه اللي مجتش بس العربيه بودي خفيف علي موتور 1600 سي سي فبخلي العربيه بتجمع هوا وخصوصا تحت ال 100 لكن فوق ال 100 العمليه بتقل شويه :ilikeit:
واقدر اضيف عليهم الكورولا الجديده والصني :bye:
حضرتك احنا بنتكلم علي تسارع بصفه عامه تحت وفوق ال 100
يا جدعان والنبى بطلو هجص بقا لان بجد الكلام هنا مضحك اوى !!
فيرنا مين دى اللى تحط على الانترا و تويوتا و باسات !!! انتو بتهرجو يا جدعان !!
طيب انا معايا النترا و معايا تويوتا و معايا باسات .. عليا النعمة الفيرنا ده ما هيطلع منى الا لو انا جايب الفتيس على ال n !!!
وكمان التويوتا عندى 1300 مانيوال و بمسك الفيرنا بشطفها !!
و الانترا لما بطلع بيها جمب الفيرنا على تسلسل الفتيس l-2-3-d بحس ان الفيرنا توكتوك جمبى !!
و الباسات بصراحة الفيرنا ممكن تطلع منها لحد سرعة 70 .. بعد كده والله العظيم هيجيب تيلسكوب علشان يعرف يشوفنى !!!!
متحسسوناش بس ان الفيرنا دى فيرارى لان احنا مش سواقين تكاتك !!
المواقع الرسميه بتقول ارقام كل الناس بتعديها
يعنى مثلا هوندا بتقول ان السيفيك اخرها 190 , امال الناس اللى عدت ال 220 دى عملوها ازاى
اكيد بعد ال 100 حاجه تانيه بس الفيرنا مش هاتمسك كل العربيات من 0 ل 200 وتعلم عليهم واحده واحده اكيد كل شده وكان ليها ظروفها
دى انهى جيتا ؟؟؟
الجيتا 2012 تربو فى 9.8 ثانيه
الجيتا 2011 بال DSG فى 12.2
بالفتيس ال 6 سرعات Tiptronic قبل ال DSG فى 13.3
يارب محدش يزعل من كلامى اللى فوق بس بصراحة دى الحقيقة
اية ده ياجدعان هى الفيرنا جامدة كده وانا معرفش :d
خلينا نتكلم بصراحة
اول حاجة الفيرنا موتورها فعلاً عفى جداً على شاسيها
غير كدة كل شده وليها ظروفها ما انا ممكن اشد مع خروف فى السواقة وممكن اشد مع سواق بجد
انا معايا النترا 2007 اوتو
اشرف صاحب المناقشة والجدال كان معايا اول امبارح
شدينا مع بعض
انا مش هقولكم قطعنى والكلام دة انا كنت شادد معاه جامد ومخرجش منى قوى يعنى
بس دة علشان بس الطريق كان مش مساعد
الفيرنا عربية بتجمع بسرعة رهيبة وبجد بتجرى جرى غير طبيعى
انا طبيعة سواقتى مفترية وبشهادة ناس كتير انى اخرتى ميت على الدركسيون من اللى بعمله
ربنا يتوب عليا بس انا للاسف بعشق السرعة وبستمتع جداً بيها
وعلشان كدة مش قادر ابطل جرى ربنا يستر
فزى ما قولت كل تجربة وليها ظروفها
انا ممكن اشد مع جولف 5 واعمل معاه الصح
علشان هو مش سواق ومش عارف عربيته ومش عارف امتى يعمل كيكاية وامتى يدى اوفر دريف مثلا
لو كلامى غلط ياريت حد يقول
واتمنى المناقشة تبقى هادية ومنتريقش على بعض يا رجاله
تحياتى
ههههههههههههههههههههههههه هههههههههههههههه
هى علطول الفرنا عامله مشاكل
بالنسبه للفرنا ال 1600
اه العربيه دى بتجرى بس ليها حدود
اه بتحوط على الجيتا و انا كنت من ملاك الجيتا و كانت بتعقدنى فعلا
بتقول مع السيراتو عن تجربه
بتقول مع السيفك عن تجربه برضو بس لحد 80 كده بس
بتقول مع الماذدا 3 عادى
بتعدى من الكروز
الفرنا عربيه سريعه و بتجيب 200 و 220
بس فيها كام مشكله
بتغر السيقها و بتخليه يفتكر ان تحت رجلو فيرار لان كبستها حلو بس فرملها زفت
و سواقين التاكسى عملين بيها اكروبات على الطريق
و بعدين يا جماعه كل شده و ليها ظروفها
فى شده السواق فيها بيكو العامل الاول و فى شده بيكون الطريق هو البطل و فى شده بيتكون العربيه هى البطل
يعنى لما اقولك انا حطيط على الكمارو ال بتقف فى جامعه الدول الصفراء ال 1000 حصان دى
تقولى امين لانك مشفتش بعينك
لا داعى للاختلاف اصلن
و استاذ اشرف صادق فى كل كلمه قلها و انا بصدق على كلامو
الفيرنا بتطلع العزم بتاعها الأقصى على 3000 لفة
فيه عربيات بتطلع العزم بتاعها على 4000 و فيه عربيات بتطلعه على 4500
كل لما الرقم بتاع لفات الموتور يقل يعني العزم بيخرج بدري
معناها أن العربية دي تحت 100 .......... صاروخ ........ علشان عزم بيطلع بدري قوي و كمان معاه وزن خفيف
و العكس
لو العربية بتطلع العزم متأخر
دي فوق 100 أحسن من الأولى
و الموضوع و لا له علاقة بماركة العربية و لكن تصميم الموتور و الفتيس و مواعيد خروج العزم و الحصان فقط لا غير .
العربيات اللوتس وزنها 850 كيلوجرام (مصنوعة من الكربون فيبر ) و مواتيرها 1800 سي سي بس و بتقطع عربيات أغلى منها في الثمن ثلاث و أربع مرات
علشان وزن العربية مقابل القوة اللي بتطلعها أفضل من عربيات تانية
الفيرنا من العربيات اللي بتخرج عزم بدري و وزنها خفيف نسبيا و بالتالي بتلاقي تسارعها حلو تحت 100
و لكن مع أي عربية تاني عزمها بيطلع متأخر هاتلاقي أن فوق 100 الفيرنا هاتكون أقل شوية .
أحنا بنتكلم على تقارب القوة (يعني ما بين 100 إلى 115 حصان ) مع أختلاف الأوزان .
الفيرنا بتطلع العزم بتاعها الأقصى على 3000 لفة
فيه عربيات بتطلع العزم بتاعها على 4000 و فيه عربيات بتطلعه على 4500
كل لما الرقم بتاع لفات الموتور يقل يعني العزم بيخرج بدري
معناها أن العربية دي تحت 100 .......... صاروخ ........ علشان عزم بيطلع بدري قوي و كمان معاه وزن خفيف
و العكس
لو العربية بتطلع العزم متأخر
دي فوق 100 أحسن من الأولى
و الموضوع و لا له علاقة بماركة العربية و لكن تصميم الموتور و الفتيس و مواعيد خروج العزم و الحصان فقط لا غير .
العربيات اللوتس وزنها 850 كيلوجرام (مصنوعة من الكربون فيبر ) و مواتيرها 1800 سي سي بس و بتقطع عربيات أغلى منها في الثمن ثلاث و أربع مرات
علشان وزن العربية مقابل القوة اللي بتطلعها أفضل من عربيات تانية
الفيرنا من العربيات اللي بتخرج عزم بدري و وزنها خفيف نسبيا و بالتالي بتلاقي تسارعها حلو تحت 100
و لكن مع أي عربية تاني عزمها بيطلع متأخر هاتلاقي أن فوق 100 الفيرنا هاتكون أقل شوية .
أحنا بنتكلم على تقارب القوة (يعني ما بين 100 إلى 115 حصان ) مع أختلاف الأوزان .
و الفيرنا بتجمع بسرعة مش علشان هي حاجة محصلتطش
لأن عزمها بيطلع بدري ووزنها قليل من عربيات كتير في فئة 1600
عذرا للتكرار
بالنسبة للسرعات القصوى المعلنة من شركات تصنيع السيارات هي السرعات اللي الموتور ممكن يوصلها بسهولة في الظروف القياسية
الجين 2 سرعتها القصوى حسب الكتالوج هي 190 كم - س
و لكن ناس جايبة بها 220 كم - س
مجانين طبعا ......... مالها 100 كم - س ؟
بالنسبة للسرعات القصوى المعلنة من شركات تصنيع السيارات هي السرعات اللي الموتور ممكن يوصلها بسهولة في الظروف القياسية
الجين 2 سرعتها القصوى حسب الكتالوج هي 190 كم - س
و لكن ناس جايبة بها 220 كم - س
مجانين طبعا ......... مالها 100 كم - س ؟
======================
يا جماعه الي راكب عربيه من العربيات الي الاستاذ اشرف قال حط عليه يتفضل يرد غير كدا محدش يقولي انا شوفت ومش شوفت لان انا ممكن اكون ماشي بحرق علي غيارات والتاني ماشي ومش في دماغه واسمي بحط عليه
احط عليه امته لما اعدي منه واسمع صوت عربيته بعد تسقيط الغيار وهو بيحاول يشد معايا
السلام عليكم ورحمة الله وبركاته
اخواني الكرام مع احترامي الشديد لكل الاراء اللي اتقالت, بس المشكلة ان كل واحد بيشوف الموضوع من وجهه نظره
بالنسبة لموضوع الشد دة بيختلف في نقط كتيرة: الطريق, العربية, السواق نفسة, ظروف وقت الشد نفسة
يعني اي حد ممكن يسقط مثلا موتور 2000 سي سي في عربية 127 توب ويطلع من اي بي ام مثلا, دة نظرا لانك بتتكلم علي شد عربية 3000 سي سي ووزنها 2 طن مع عربية موتورها 2000 سي سي ووزنها 450 كيلو
بالنسبة للفيرنا في عربية جراية فعلا ووزنها خفيف, الاساس انها كانت مصممة لموتور 1300 وبعدين الهند نزلتها 1500 وبعض اسواق العالم التالت نزلوها 1600 اسوة بامريكا لانها كانت بتنزل هناك كدة, بس مع مرعاة تدجيجها بكل وسائل الامان (abs. Ebd pd) لكن للاسف هي هنا بتنزل بموتور بس :)
انا عن نفسي معايا فيرنا اتوماتيك 1600بوصل بيها ل 200 كم في الساعة بس في طريق فاضي ومفيهوش اي مناورات , وممكن اطلع من اي عربية بس لحد 100 كم, لكن بعد كدة الكلام ممكن يختلف, يعني الاخ اللي بيقول انه ممكن يطلع من ماذدا 3 وجيتا الخ, ايوة دي حقيقة بس بعد ال 100 كم يبقي دخل في مخاطرة لان العربية مفيهاش اي عوامل امان والفرامل المصممة ل 1300 سي سي مش حتسد او حتسعف علي السرعات الكبيرة والمواقف المفاجئة, واكبر دليل انة لو خيرت صاحب الفيرنا اللي بيعدي من الجيتا, انة يقتني الفيرنا ولا الجيتا, اظن مش محتاجة رد اكيد حيختار الجيتا بدون مجادلة طبعا لفروقات كتييييير (اداء, ثبات ,اعتمادية ,وسائل امان ,خامات ,تصميم, راحة ركوب, الخ ,الخ), ومش حيختار الفيرنا لمجرد انة بيطلع من عربيات في السرعات الواطية نسبيا
يارب مكنش طولت عليكم, وربنا يسترها معانا جميعا
بغض النظر ان فيه تعليق هنا ساءني فعلا بس مش مشكلة لا بأس
يا سادة لازم نبقا عارفين ان مفيش شيء صحيح صحة مطلقة
لكل حادثة -شداية يعني - ظروفها الخاصة من ظروف الطريق ورظروف العربية وظروف السواق نفسه
عادي جدا انا كنت على الصحراوي وماشي 190 ولقيت شبح معدي من جنبي -شبح مش مرسيدس بس حاجة عدت بسرعة اوي -
اه حاولت اني اجيبه وفضلت ثابت على سرعتي بتاع ربع ساعة بس للأسف عرفتش اجيبه !
دا اخر قدرة عربيتي متقدرش تطلع اكتر من كدة -ساعتها مع الهوا اللي كان موجود وعدد الافراد اللي في العربية -
كل حاجة ليها ظروفها
ايا ما كان ففيه ردود هنا وضحت كلامي وردت بالنيابة عني
ربنا يبارك فيكم ويكون النقاش دائما وأبدا على مستوى الحدث واللباقة في الحديث والمستوى الخلاقي :]