السلام عليكم ورحمة الله وبركاته

من أجمل ايام حياتي ...... صقور نيسان تحتفل بميلادي :))

بداية عنوان الموضوع مش خاص بيا ........ خاص بنصي التاني
لو عرفتوا خاص بمين ...... اكيد كلمة نص ديه هاتبقي مجازا واستعارة وكناية وكل حاجة




كان يوم ولا اروع منه
يوم عيد ميلاد اخونا وحبيبنا حسين جمال



حسين منذ اشتراكه فى قسم نيسان .. وهو مفعم بالنشاط والحب لكل اعضاء القسم .. شارك بكل حيوية وحب وقدم خدمات للاعضاء سواء بموضوعاته المفيدة او بالرد على كل الاستفسارات لكل الاعضاء .. غير نشاطه مع الاعضاء فى التواصل الاجتماعى وتواصل الود على المنتدى او بره المنتدى
وغير مساعدته فى النهوض بيه الى افضل حال وافضل تميز .. واصبح من الصقور الاصيلة لقسم نيسان
يحلق بنا بجناحاته بكل حب اخوى فى الله ..
فكان لابد من تقدير حسين جمال على اصالته وحبه الجارف لنا .. وجاء لحظة التقدير فى يوم عيد ميلاده ..




بداية المفاجاءت


حسين كان عند احمد مشعل من حوالى شهر.. وكان والدة حسين معاه .. وكنت معاهم عشان بنركب عازل الارضية لحسين .. واتكلمنا فى على يوم عيد ميلاد حسين حنعمله فين .. فالحاج احمد مشعل اقترح ..ان نعمله اسرى على الضيق فى المحل الجديد للاكسسورات العربيات
وحيكون هو معانا وبحضورى وحضور المدام بتعتى .. وبحضور حسين جمال ووالدته واخت حسين
فبعد كدا جاءت الايام وقربت على يوم العيد ميلاد .. وابتدينا نمخ مخ انا والحاج احمد .. حنعمل ايه ونجيب ايه هدية لحسين
فالحاج احمد مشعل قالى انه حيعمل فرش السيارة لحسين هدية عيد ميلاده .. عشان الحاج احمد بيعز حسين جدا.
لان حسين يستاهل كل خير .. وبيخلى الناس كلها تحبه .. نظرا لروحه الصافية .. وحبه للجميع فى الله

فقولت للحاج احمد وانا حعمل لحسين فرش الابواب .. هدية شخصية منى الى حسين حبيبى قلبى عشان نكمل الطقم

فقولنا حناخد العربية من حسين قبل يوم الاتنين .. وفعلا اتعملت وكله كان تمام ..






وده كان تقديرى لحسين على المستوى الشخصى والاخوى
ولكن هناك تقدير وتكريم اخر
تكريم الجماعة .. تكريم الروح .. تكريم تعب سنة من العطاء
داخل قسم نيسان .. تعب صقر اصيل
اجتهد بحبه معنا فى افادة الجميع بكل طاقته
فكرت فى اننا كاسرة قسم نيسان نكرم حسين جمال

وبالفعل .. تم التواصل مع الاعضاء فى رسائل خاصة .. ولقيتهم مرحبين كلهم .. ولا واحد ابدى اى تقصير او رفض
وزى ما توقعت وجدت روح التقدير والاصالة والمحبة موجودة بين الاعضاء .. ولا واحد ابدى اى اعتراض
وكلهم كانوا عاوزين يجوا معايا ونلف وابدوا استعدادهم للمساعدة فى اى شى


الهدية


دايما لما بنفكر فى تقديم هدية .. او تكريم لاى عضو فى القسم قدموا خدمات لينا بنديبله الهدية اللى بيفكر فيها .. وكنت عارف ان حسين نفسه فى فانوس ليدات من فترة
وبالفعل .. وقد كانت الهدية فانوس ليدات .. ورحنا جبنا الفانوس .. وشلته ليوم المقابلة لحين تقديمه لحسين فى يوم عيد ميلاده


يوم عيد الميلاد وملابســـاته


وابتديت فى اتصالات مع الاعضاء والكل على اهبة الاستعداد على المعاد
وبدا الكامين يتنصب على حسين ..
حسين قالى حخلص شغل وحروح اجيب ماما .. قولت حلو اوى .. فقولتله خلاص اتاخر يا حسين على قد ما تقدر .. عشان لسه انا فى الشغل
وحتاخر شوية .. انا قولت اخره عشان يجى على 7 او 7:30
المهم كنا روحنا على احمد مشعل .. والاعضاء اتجمعت .. وعلى اخر لحظة كنا بننصب الزينة والبلالين .. وحسين كان جى فى الطريق
والكل كان بيشتغل بايده .. وكانت روح جميلة جدا من الاعضاء بجد .. حتى اخى الجميل وحبيب قلبى كريم فوزى المنسق المساعد لهيواندى
كان متواجد بالصدفة عند احمد مشعل .. ولما عرف .. وقف معانا .. وكان بيساعد معايا يدا بيد .. ونعم الاخ .. ونعم الروح .. انسان اصيل جدا
وباذن الله .. دايما معانا ياكيمو
الكل بصراحة اشتغل .. اللى بيعلق الزينة .. واللى بيصلح الاستاند بتاع الصقور .. اللى عليه الشعار .. وطبعا محمد عفيفى ووليد عادل اطحنوا
فى تركيبه .. وفعلا بجد تعبوا فيه .. وانا عمال ابوظ اعصبهم عشان حسين جى فى الطريق
وكل الاعضاء اللى حضروا والله ما قصروا .. وكنت حاسس انى وسط اخوانى بجد
عمرى ما شوفت روح بالطريقة دى .. وحب بالطريقة دى .. لحظة تجهيز عيد الميلاد .. كانت متعة كبيرة جدا ولحظة عمرى ما حنساها بجد
والله فعلا انتوا بتخلوا الواحد فعلا عاوز يقدركم جميعا .. وعايز يعمل الكثير والكثير لقسم نيسان .. لان اعضائه كلهم يستاهلوا كل خير فعلا


















حسين كلمنى ..
وكان خلاص داخل على احمد مشعل ..





واتارى البيه عدى على محل الكماليات وشاف منشتراوى بره هو وهيما
وعربيات الاعضاء كلهم .. فشك ان فى حاجة
فقومت طاير من المحل .. وروحت اقابله بره
وعرفت انه رجع بظهره بالعربية فقولت الحق ما يمكن انقاذه
واحاول اعطله قدر الامكان عقبال ما نكمل الفنش
وفعلا حجزته بره شوية .. واخدته على المحل





.. وكنا مطفين النور ..

الكل يستخبى .. بيتك بيتك .. هوسسسسس









وفجاءة


النور اتفتح








ويلاقى قدامه حوالى 16 اخ ..
بيشاركوه اليوم الجميل ده
بكل محبة وود وتقدير وفرحة من القلب















واحتلفنا مع بعض .. فى احلى عيد ميلاد حضرته بصراحة واحلى مناسبة تقدير
وقدمنا هدية اسرة نيسان الى حسين ..
وهنا كان انبهار حسين بين الفرحة والصدمة
لالالالالا مش معقول .. بالله عليكم .. لالالالالا

وهوببببببببببببب