بسم الله الرحمن الرحيم
من أجمل ايام حياتي ...... صقور نيسان تحتفل بميلادي :))
سبحان الله ..... الموضوع الوحيد اللي قعدت افكر اكتب فيه ايه من الصدمــــــــــــــة !!!!! هاهاهاها
انا أصريت يعني ألحيـــت يكون العنوان من تأليفي واحمد مشكورا حطهولي بس خد جنيه وربع فضية :))))
انا مهما كتب ومهما قلت مش هاقدر اوصف اللي حسيته اليوم ده واللي شوفته
والله والله ...... مكنتش اعرف اي حاجة من الترتيبات ديه خالص الا وقت المقابلة ..... بس فقست حاجات
معينة كده ..... وكان نفسي مفقسهاش بسرعه كده علشان ... تبقي احلي وااحلي :)))
بما اني بني ادم فقيييير ... غلباااااان ..... محدود الدخل ... ارمل واعوووووول هاهاهاهاها
مكنتش متوقع ماشاء الله الهدايا ديه ....... انا قلت اخرها مقابله و نضرب التورتاية اللي أمي علمتها مع لتر بيبسي وخلصت :))
الموضوع او الهدايا انا هاقسمها تلات محاور
* هدية لا تقدر بثمـــــــــن ..... ويمكن ديه اللي أثرت فيها لغاية دلوقتي. (مرفق صور و 2 قاعدين جوه ) ههههههههههههه
* هدية انا كان لازم اعرفها علشان كبيررررررة اوووي و مينفعش تتلف لفة الهدايا المعتادة :) (مرفق صور)
* هدية فوجئت بيها جددددددددا و سبحان الله ..... تحفة فنية ماشاء الله (مرفق صور وفيديو)
بسم الله نبدأ باول هدية
وحقيقة اول هدية ديه ...... الله عز وجل الواحد الأحد هو اللي كرمني بيها
سبحان من ييسرلي هذا المنتدي و اخواني دوووووووول اللي شفت في عينيهم الفرحة بجد
يالله ....... والله يعني النظرات ديه استحاله انساها ...... فلله الحمد والمنة علي النعمة ديه ..... انا مش عايز اقول اصحاب لانهم اكتر من الاخوات .... ولما بكلم حد فيهم مش بكلمه وبتكسف منه ... ويمكن بقول لحد يا فلان اعملي كذا ...... وهذا ليس بأمر ... حاشا لله ولكن عشم في ما رأيته من اعز واوفي واحب اخوات الي قلبي
واقولها قداااااام الناس كلها .......... بحبكم في الله ...... ولو لفيت الدنيا بحالها وكان معايا فلوس اشتري بيهم اصحاب ... ما وُفقت اني الاقيهم الا بأمر الله.
وسامحوني مش هاذكر اسامي لان كل الصقور احب الناس الي قلبي ......بس صدقا الناس اللي جت ديه ..... معزتها زادت عندي جدا جدا و حبايبي اللي مقدروش يجوا وقدروني وكلموني وحتي بعتوا لاحمد الفلوس للهدية رقم (3) ........ وكفاية انا عارفهم شخصياً .
* الهدية التانيـــة*
هدية من شخصين عزاز جدا عليـــا ....... الحاج احمد مشعل و احمد تي في الا وهي فرش العربية (للاسف مش عارف اعمل مفاجات كله اتكشف خلاص هههههههههههه).
الحاج احمد ...... مش عارف اقول عليه ايه ولا ايييييه ........ الراجل ده احسبه علي خير اعتقد مفيش حد كده زيه ماشاء الله ولما بتكلم علي الحاج احمد مشعل ..... بتكلم عليه كأخ كبير ليا والله مش مجرد مالك لشركة فرش سيارات اطلاقــــــا والله ....... يعني هو حكالي علي حاجات سبحان الله ..... أثرت في انتاج اكبر مصانع مصر ماشاء الله. راجل محترم وتفكيرة طيب جدا و ده منعكس علي شغله و وولاده و اختراعاته و كل حاجة ماشاء الله انا ببقي سعيد وفرحان جدا اني رايح اقضي اليوم عنده ...... وهو نفسه اللي بيرحب بينا عنده يقولنا المكان مكانكم و بدل ما تروحوا فتقعدوا في مكان بره ... اقعدوا هنا لاني بفرح لما بكون قاعد معاكم. وكفاية استضافته لينا في يوم جميل زي ده ...... وتعبنا الناس اللي معانا وتعبناه هو شخصيا .. بحبه في الله والله . وفي يوم من الايام الجميلة ديه ...... وقاعد مع الحاج احمد بليل قالي كل سنة وانت طيب ..... وفكرت انا واحمد تي في ان احنا نعملك فرش الصني وهاعمل انا الفرش والارضية واحمد مصطفى قال انا اللي هاعمل الابواب ...... !!!!! بالظبط اللي حصلي زي اللي في الصوره ديه (معرفش مين اللي صورها) ...... ههههههههههههه :)) معرفتش اقول ايه ...... انتوا بتهرجوا يا جدعان ولا ده كتيييييييييير عليا ولا انتوا بتتكلموا جد ولا ايه بس الحمد لله فوقت من الصدمة و الحاج احمد قالي اختار الالوان ....... والحمد لله الجمعه وديت العربية والحاج احمد فك الكرسي والكنبة و روحت تاني يوم وخلصت باقي العربية. وديه صور بسيطة للفرش بعد ما خلص ...... ماشاء الله تبارك الله :))
* الهدية التالتة*
الهدية التالتة بقي ....... وديه هديتي من صقوووووور نيسان كلهم
ماشاء الله تبارك الله .... جميلة جميلة جميلة لدرجة تهبل ماشاء الله :)))
ومكنتش اتوقعها في يوم من الايام بصراحة ........ ولا ولما شوفت الهدية داخلة عليا في كرتونة قد شنطة العربية ....... اتخضيييييييت هههههههههههه
قلت في عقل بالي اييييه ده ....... اتاخدت يعني كده وبلمت و بفتحوا الكرتونة لقيت غطا كرتون
بيشيلوا غطا الكارتون ... لقيت كيس بلاستيك ....... بيشيلوا الكيس البلاستيك بقي .... وعينكم ماتشوف الا النور ...... فليين ههههههههههه ....... بيشيلوا الفليين ..... لقيت الهدية
الا وهي " فوانيس خلفية معدلة لنيسان صني ....... !!! "
والحمد لله ركبتها امبارح مخصوص علشان انزلها في الموضوع
وديه صور ليها ماشاء الله
وده فيديو علشان يبين الفوانيس اكتر ماشاء الله :))
اخيرا وليس اخرا ........ واللي بحب اختم بيه دايما
قصيدة شعر وغزل في صديقي واخي وحبيبي في الله ...... Ahmed TV
" حوبيكو حبي حبيكووووووا ....... شيييربخ شيييييربخ زررررررررر"
ههههههههههههه
القصيدة التانية بتاعة كرهتك يا حبيبي من ريحة رجليك ..... في الموسم اللي جاي ان شاء الله هاهاهاها :))
يعني يا احمد والله ربنا وحده الي يعلم كل اللي انا فيه ده بفضل الله .... ثم انت
وكل الخير والحب اللي بشوف منك ......... ومش بعرف ارده ليك بنفس القدر والله
ربنا يعزك ويكرمك ويبارك في عمرك يابو حميد ويرزقك خيري الدنيا والاخرة و يباركل لك في اهلم و زوجك ومالك و عملك ويرزقك بالذرية التي تقر عينك وربنا يجعلك سبب لادخال السرور علي مسلم و فك كربه بحول الله وقوته
بحبك في الله يابو حميد ...... ولو كان ليا اخ مكنش اكيد اكييييييد هايعزني ويقدرني كده
ربنا يديم المعروف يارب و يقدرني ويجعلني عن حسن ظن التقدير ده ياااااارب :))
وفي النهاية
احب اشكر كل اخواني و حبايبي اللي نورني في اليوم الجميل ده ....واللي ساعدوا ان اليوم ده يخرج بالصورة الجميلة ديه وتعب احمد ووليد وتامر انهم يجبوا الهدية بنفسهم وعمرو انه يتابع الناس .......... وربنا عالم بظروف كل واحد فيهم
ده غير اسامة حبيبي اللي جيه من اسكندرية .... و اصحابي اللي جايين من اكتوبر و الهرم و علي سفر
ده غير حبايبي اللي كلموني في التليفون واطمنوا عليا ومعرفوش يجيوا .... كفاية المكالمات الطيبة والله
وغير تجهيز الكل للتحضير لعيد الميلاد قبل ما اجى فى تعليق الزينة واللذى منه .. لان احمد قالى الكل تعب وجهز فى اخر لحظة والكل كان اعصابه بايظة .. وعاوزين يخلصوا قبل ما انا اجى واكبس عليهم
كل المحبة الطيبة اللى فى قلوبكم دى بتزيدنى تحمل للمسئولية .. وربنا يقدرنى وارد جمايلكم
وربنا يقدرنى ان افيد الجميع داخل القسم .. واخدم الكل فى عام جديد مليان بصقور جدد
واتمني اشوفكم بكل خير يارب العالمين واسعدني وجودكم والله و كنت حاسس اني وسط اخواتي ...... ياااااااااه والله كان يوم روعة و ربنا يجمعنا في جنته ويظلنا في ظله يوم لا ظل الا ظلــه سبحانه وتعالي .
بحبكم في الله
اخوكم حسين جمال
واقعدوووووا بالعافية :))
المفضلات