استفسار ضروري بخصوص فترة تغيير الزيت

**Eng.Mina** · 05-06-2008 06:28 PM

في الاول احب اقول اني بثق في رأيكوا جدا واللي حاتقولوا عليه حاعمله
انا عندي عربية فيرنا 1600 موديل 2007 وفي صيانة ال 1000 حطيت زيت شيل هيلكس الترا اللي بيعد 10000 كيلو والكلام ده كان يوم 28/8/2007 ودلوقتي العربية عاملة 6200 كيلو وفي الكاتالوج مكتوب ان الزيت يتغير كل 10000 كيلو او 6 شهور (ايهما اقرب) فانا دلوقتي مش عارف استني لحد مالعربية تعمل ال 10000 كيلو بس كده ممكن الزيت يعد في الموتور 5 شهور او اكتر كمان(لان انا استعمالي للعربية بسيط جدا ) يعني تقريبا ممكن الزيت يعد في الموتور سنة فانا مش عارف اعمل ايه اسمع كلام الكاتالوج واغير الزيت كل 6 شهور بس بصراحة حرام اكون جايب زيت تمنه 225 جنيه واخليه يعد في العربية 5000 كيلو بس في نفس الوقت انا خايف من الكلام اللي مكتوب في الكاتالوج وخايف ان ممكن موتور العربية ينضر بطول فترة الزيت فيه اتمني انكوا ماتبخلوش عليا بالنصيحة لاني فعلا محتار جدا

**MMamdouh** · 05-06-2008 11:54 PM

oil is cheaper than engines

الزيت مركب كميائى بيتغير تركيبة مع مرور الوقت... غير طالما عديت 6 شهور

MMamdouh

**Eng.Mina** · 06-06-2008 12:02 AM

متشكر اوي ياجماعة علي سرعة الرد ربنا يخليكوا ليا انتوا فعلا ونعم الناس انا خلاص حامشي مع الكاتالوج واغير كل 6 شهور

**SEATLOVER** · 06-06-2008 12:07 AM

غير الزييت عند تحقق احد هذة العوامل :
1-بتمشى جوة البلد كتير (يعنى وقوف فى اشارات و زحمة كتير).... تغير بعد 8 الف كم
2-بتمشى بانتظام ما بين جوة البلد و خارج البلد (سفريات ) ...... تغير بعد 10 الف كم
3-عند القياس لو لاحظت (لون الزيت بقى اسود قاتم جداً - او وجود شوائب اواى ترسبات - درجة اللزوجة قليلة ) ... تغير زيت و فلتر فوراً
4-عند ملاحظة ارتفاع درجة حرارة العربية ارتفاع طفيف ... و بيكون ميعاد تغيير الزيت قرب ..... تغير زيت فوراً ايضاً
5-بعد مرور 6 شهور من وضع الزيت ...... يفضل تغييرة ..او قوم برؤية مقياس الزيت ولاحظ اللون و درجة اللزوجة (حسب خبرتك ) اذا كان مازل جيد ..فلا احتياج لتغيرة

**Eng.Mina** · 06-06-2008 12:11 AM

انا استخدامي بيكون غالبا في السفر ودايما لما بقيس الزيت بلاقيه واصل عند ال full وحاليا لونه غامق سنه بسيطة بس بصراحة انا ماشفتش اللزوجة بتاعته

**tamim** · 06-06-2008 12:15 AM

هو ينفع الواحد يجيب الزيت بتاع العربيات الكبيرة زى الدبابة والجامبو
يعنى زيوت الخدمة الشاقة ويحطه للعربية ولا فيه ضرر

**Eng.Mina** · 06-06-2008 12:17 AM

متهيألي العربيات اللي بتشتغل بالسولار بيكون ليها انواع زيت تانية زي (mobil delvac)

**Dr_Smart** · 07-06-2008 04:22 PM

المشاركة الأصلية كتبت بواسطة mina87

(لان انا استعمالي للعربية بسيط جدا ) يعني تقريبا ممكن الزيت يعد في الموتور سنة فانا مش عارف اعمل ايه اسمع كلام الكاتالوج واغير الزيت كل 6 شهور بس بصراحة حرام اكون جايب زيت تمنه 225 جنيه واخليه يعد في العربية 5000 كيلو بس في نفس الوقت انا خايف من الكلام اللي مكتوب في الكاتالوج وخايف ان ممكن موتور العربية ينضر بطول فترة الزيت فيه اتمني انكوا ماتبخلوش عليا بالنصيحة لاني فعلا محتار جدا

عشان تبقى في السليم قدامك حل من اتنين

انك تحط شل الترا و تغيره كل 10 الاف كيلو او 6 شهور

او انك تستخدم شل سوبر وتغيره كل 3 الاف كيلو او 6 شهور

والحل التاني اعتقد انه احسن لك عشان بتقول انك استخدامك قليل يعني لما تحط زيت سوبر ب 80 جنيه هتوفر اكتر من 140 جنيه كل 6 شهور

**zicooo2008** · 24-07-2008 12:59 PM

[الزيت مركب كميائى بيتغير تركيبة مع مرور الوقت... غير طالما عديت 6 شهور

اخى العزيز محمد السلام عليكم ورحمة الله وبركاته
ارجو افادتك فى نوع الزيت المناسب للاادا 2107 موديل 2008 مصرى و افضل الاوقات لتغير الزيت مع العلم ان السارة قطعت حوالى الى الان 600 كيلوا