السلام عليكم
النهارده وانا في العاشر من رمضان كنت مخنوق على اخري من البني ادمين الي بتمشي عكس اتجاه مع ان فتحة الU-turn مفيش 20 متر بس دي عادة في الناس.
المهم مشيت لأخر الشارع لقيت بوكس و موتوسيكل شرطه ولقيتهم قاعدين بيتكلموا. قمت مدي إشاره و واقف على جنب وكلمتهم وهم بصراحه ماتأخروش وخدوا الموضوع بشكل جدي وراحوا على المكان الي قولتلهم عليه الي الناس بتمشي فيه عكس. وانا كملت طريقي.
أتمنى الي بيشمي عكس يبطل والي بيمشي صح يحاول يخلي الاخرين تمشي كمان صح.
تحياتي
بارك الله فيك. الناس دى بتسبب كوارث بدون داعى يعنى لو مشى فى طريقه عدل مش هياخد الموضوع معاه دقيقتين تلاته خاصه انه راكب عربيه يعنى مش ماشى على رجله بس نقول ايه فى الفهلوه و النصاحه و للأسف ما بيتعدلوش الا لما ياخدوا المخالفه المتينه :mahf(5):
فعلا مش هتاخد دقيقه كمان ومش هتفرق في استهلاك البنزين لو كانوا بيوفروا يعني !!!اقتباس:
المشاركة الأصلية كتبت بواسطة land_cruiser
انا بصراحه كنت هقفل الطريق قدام اي واحد ماشي عكس بس بعدين قولت اسيب الحكايه دي للشرطه :))
عارف...
الناس دي بيعملوا كدا مش عشان يوفروا وقت او بنزين... بس عشان يتقال عليهم مفتحين و يفتكروا ان احنا كاوركات يعني
حاجة بنت ..........
حضرتك اتصرفت مظبوط. لو قفلت عليه ممكن تدخل فى مشكله معاه و ممكن يطلع بلطجى و لا قليل الادب و لا و انتم بتتخانقوا يطلعلكوا قطاع طرق يسرقوكم انتم الاتنين . حضرتك شايف الحاله الامنيه بقت عامله ازاى و لذلك تجنب الاحتكاك بالناس افضل حاجهاقتباس:
المشاركة الأصلية كتبت بواسطة mahmoud_afifi
هههههههههههههههه, ممكن والله !اقتباس:
المشاركة الأصلية كتبت بواسطة mohdamin18
لما يتلدغوا 1300 جنيه نبقى نشوف مين الكاوركات ومين المفتحين
بالظبط كده يا فندم. انا كنت قلت اخد الموضوع من بدايته وابلغ وهما يتخذوا اللازم عشان ماتبقاش غابه :)اقتباس:
المشاركة الأصلية كتبت بواسطة land_cruiser
كله واحد صدقنى انا بتاخد مخالفة انتظار وورايا واحد ميتاخدش مخالفة وتسأل ليه يقولك ملكش دعوة
وهتتكلم فأيه بس
برافوووووووووووو و ربنا
دي مشكله فعلا عدم وجود اماكن انتظار في الشوارع. زي الي يعمل مول ومايعملش مواقف للزوار ! طب هنركن فين ؟ وفي الاخر نتاخد مخالفات !اقتباس:
المشاركة الأصلية كتبت بواسطة beshomilan
معلش ان شاء الله واحده واحده كله هيتظبط ويبقى تمام (ماقصدش العساكر هما الي يتظبطوا فلوس ههههه)
الله يخليك يا باشااقتباس:
المشاركة الأصلية كتبت بواسطة minicooper20
يا سلام عليك يا باشا نفسى اعمل زيك بس للأسف مفيش شرطة مرور واقفة فى منطقتى اصلا كانوا وقفوا شوية بعد الثورة وخلاص اختفوا
المشكلة بقا انهم طولوا الرصيف بتاع اليوترن عشان الناس ما تلفش عكسى وبرضو مفيش اى فايدة تلاقى كله بيلف عكسى اتوبيسات تريلات اى حاجة وطبعا لما الرصيف طول بدل ما كانوا بياخدوها على مرتين مثلا دلوقتى الواحد منهم يقعد يحاول فيها بتاع 5 او 6 مرات ويقفل الشارع كله وراه مع انه الفتحة الصح مفيش 10 متر قدام وهياخد فيها وقت اقل !!
والله راجل
تسلم
انا لاحظت الموضوع ده فعلا في كذا مكان. والناس بتمشي عكس في وقت الذروه وعيني عينك.اقتباس:
المشاركة الأصلية كتبت بواسطة airforces
انا لو منك هقف قصادهم بس محتاج تأييد من باقي الناس عشان مابقاش لوحدي :))
الله يكرمك يا باشا :)اقتباس:
المشاركة الأصلية كتبت بواسطة medododo
صح كده .. احييييك بشدة وياريت والله اى حد يشوف حاجة من دى يروح ويبلغ ويعمل اللى عليه حتى لو الشرطة مش بتعمل حاجة .. احييييك مرة تانية
واللهى كويس انهم عبروك لانهم فى معظم الاوقات مكبرين دماغهم وكانهم مش من هنا
ربنا يخليك يا باشا, وان شاء الله هحاول اعمل نفس الموضوع في أي شئ غلط اشوفهاقتباس:
المشاركة الأصلية كتبت بواسطة zangry
تحياتي لحضرتك
ازيدك من الشعر بيت, كانوا بيكلموني باحترام مع اني لا أنا راجل كبير ولا حاجه. بالعكس انا لسه شاب وكانوا محترمين لأقصى درجه في الكلام معايا.اقتباس:
المشاركة الأصلية كتبت بواسطة mo3tazanas
عشرة على عشرة
وعقبال مالناس تكون ايجابية للخير كدة ان شاء الله
لان السلبية زادت اوى
من إسبوعين بالظبط
مدخل الزقازيق..إتجاه واااااااااااااااااااحد وزحمة بغباء
مرسيدس عتيقة ماشية مخالف عكس إتجاه الناس
وأمين الشرطة بتاع المرور واقف.. سواق المرسيدس راح مشاورله عادي
والطريق زحمة بغباء بسبب الحمار الي ماشي عكس في مدخل البلد...
وقفت العربية في وسط الطريق..ونزلت (لابس نظارة الشمس ههههههههههه)
وقولت للأمين
" ده يتعمله مخالفه عكس إتجاه "
قالي معلش يابيه...الراجل غريب ومش عارف الطريق
انا قولت اشجع الناس عشان تعمل كده وان شاء الله لو كل واحد عمل كده البلد هتنضف مش بس في السواقهاقتباس:
المشاركة الأصلية كتبت بواسطة el_nahal2004
(عايش في دور الظابط ها يا فارما ؟ ههههههه )اقتباس:
المشاركة الأصلية كتبت بواسطة a7med_pharma
طب وعملت ايه بعد كده ؟ الأمين ثبتك بكلامه
الله ينور عليك
انا اللي بشوفه جي في وشي عكس بصدرله عربيتي في وشه وانزل اقعدله علي الكابوت مانتش ماشي النهارده ماهو احنا دلوقتي في زمن قلة الادب ولازم تعلم الناس دي احترام الطريق
الله ينور عليك يا حوده يا رب بس الناس تبطل الخصله المنيله دي وتحترم الطريق
وعليك يا باشا :)اقتباس:
المشاركة الأصلية كتبت بواسطة elawany13
بص , انا ممكن اعمل زيك كده ولو حد حب يبلطج عليا الحمدلله معايا electric واقدر ادافع عن نفسي كويس الحمدلله بس مش عاوز نبقى في غابه :dاقتباس:
المشاركة الأصلية كتبت بواسطة corsair
ان شاء الله قريب نخلص بقى من الانفلات المروري ده
الله ينور
و الله دة اللي بإذن الله تعالى هيصلح البلد
مش نقعد نتخانق على رئيس مش عارف ايه و حكومة عاملة ازاي
فكرتني في يوم كنت راكب مع ابن خالتي في عربيته و دخلنا في شارع رئيسي عكس اتجاه و نتلاقي في وشنا عربيه المرور ههههههههههههههههههههه طبعا ابن خالتي اداهم الرخص زي الزبون
تمام كده يا ريس
تصرف محترم من رجل محترم
احييك
ال يعنى الشرطة قاعدين ومش واخدين بالهم من اللى بيمشى عكسى ده ماشاء الله عليهم حافظين كل شبر فى مصر
ربنا يخليك يا باشا, والله لو كل واحد ركز على انه يصلح حاجه البلد كلها حالها هيتصلح ان شاء الله.اقتباس:
المشاركة الأصلية كتبت بواسطة Mzeid
ههههههههههههههههههه, اهو عشان تعرفوا ان الناس الي زيي مش بس السبب :dاقتباس:
المشاركة الأصلية كتبت بواسطة Screenplays
:wink14:اقتباس:
المشاركة الأصلية كتبت بواسطة moh19227
متشكر يا باشا ده من ذوق حضرتك والله ^_^اقتباس:
المشاركة الأصلية كتبت بواسطة amrico
هم مستنيين الشراره بس. يعني لما يلاقوا ان الناس هي الي عاوزاهم ترجع يبقى ليهم حق لما يظبطوا الي بيمشي عكس والي بيقطع الاشاره و و و ....اقتباس:
المشاركة الأصلية كتبت بواسطة koshary
ربنا يصلح حال البلد عشان الواحد قرف :S
تمام يا باشا، ياريت الناس كلها تعمل زيك
حضرتك اتصرفت صح من باب من راى منكم منكرا لان الموضوع ده انا بقابله لما اكون طالع الدائرى من عند طلعة الطالبية (الكونيسة) مش عارف اسمها ايه المهم الطلعة بتاخد عربية بالعافية وفجاة تلاقى اللى نازل فى وشك مع انها للطلوع بس ربنا معانا
والله يا باشا أحسن حاجة عملتها أحسن موضوع الناس اللي بتمشي مخالف ده بقى زيادة بطريقة مستفزة يعني ... و تلاقي اللي ماشي عكسي ده لو قفلت عليه يبصلك ببجاحة قوي زي مايكون طريقة وانت اللي غلطان ... حاجة فعلا الواحد بيبقى عايز ينزل يضربهم بالنار ...
والناس اللي بترجع من التجمع لمدينة نصر من عند حتة المقابر اللي قبل مسجد السلام هتعرف المعاناة دي ... أول مالناس تلاقي الطريق وقف كله يقوم داخل عكسي والدنيا تتقفل خالص وبدل ما كنا هنقف 10 دقائق نقف نص ساعة ... حاجة تخلف بجد
متشكر يا باشا :)اقتباس:
المشاركة الأصلية كتبت بواسطة sehsss
ربنا يصبرك على الي بتشوفه ده ولو لقيت شرطه حاول تنبههم على الموضوع ده يمكن ربنا يكرم ويوقفوا المهزله دياقتباس:
المشاركة الأصلية كتبت بواسطة mr_megahed
اه والله معاك حق وانا بطبيعتي عصبي ولو حد قالي كلمه ممكن انزل اكسرله عربيته. طب وعلى ايه ! انا ابلغ الشرطه والحمدلله لقيتهم على طول زي مايكونوا مستنييني.اقتباس:
المشاركة الأصلية كتبت بواسطة omar_h
دي طبيعة المصريين اول لما يلاقوا الطريق مقفول يعملوا زي قطرات المياه الي بتحاول تدور على مخرج حتى لو طريق عكس والناس تولع (مش الكل طبعا) .
ربنا يكرمنا بقى ونبقى زي الشعوب المتحضره :)
اقتباس:
المشاركة الأصلية كتبت بواسطة mahmoud_afifi
ههههههههههههههههههه انا معايا 3 اليكتريك واسبراي شطه واسبراي يخلي اعصاب الواحد بخ مفيش انهيار وقتي ههههههههههههههه يعني امه داعيه عليه اللي يكون بيعمل غلط وينزل يبجح معايا
ههههههههه ماشي بترسانة اسلحه يا عم احمد ؟اقتباس:
المشاركة الأصلية كتبت بواسطة corsair
ربنا يستر ولو في لجنة ما تتفتش :d
متقلقش يا حوده كله علي حساب الشركة هيه اللي مسلحانا مش انا واي لجنة هشيلها لصاحب الشركة عندي
ههههههههههه استاااااذاقتباس:
المشاركة الأصلية كتبت بواسطة corsair