الموضوع: بخصوص المخالفات :(

انا مش عارف ايه الموضة فى المخالفة اللى ب 500 جنيه دى ، اتخدت مخالفة عند جامعة القاهرة كسر اشارة و بصراحة انا كنت جاى من اليمين و سرحان خالص ، فلقيته كتب النمرة و قلت خلاص الحمد لله على كده ، بعد كده لقيت مخالفتين عدم احترام اشارة المرور ب 100 جنيه و التانية تعطيل المرور ب 500 جنيه و دى بقه مش عارف عمل كده ليه و للأسف ده الحد الادنى للمخالفتين :(

المشاركة الأصلية كتبت بواسطة abouelmaggd

انا مش عارف ايه الموضة فى المخالفة اللى ب 500 جنيه دى ، اتخدت مخالفة عند جامعة القاهرة كسر اشارة و بصراحة انا كنت جاى من اليمين و سرحان خالص ، فلقيته كتب النمرة و قلت خلاص الحمد لله على كده ، بعد كده لقيت مخالفتين عدم احترام اشارة المرور ب 100 جنيه و التانية تعطيل المرور ب 500 جنيه و دى بقه مش عارف عمل كده ليه و للأسف ده الحد الادنى للمخالفتين :(

انه النصب يا صديقى .. يبدو ان ال 500 جنيه دى ضريبة اضافية على التجديد :)))

انا شاء الله انا هروح بكرة وادعولى ربنا يسترها ولما اجى هعرفكم ايه اللى حصل ان شاء الله :)

احب اعرفكم اخر الاخبار :)

انا بالفعل رحت امبارح مرور الدراسة وللاسف طلع مالوش لزمة انى اروح لان عمى سحب ورقة التظلمات وملاها هو وحط صورة الرخصة والورق بتاعها واكتشفنا انهم بيجمعوا التظلمات دى وهيعرضوها على وكيل النيابة بس انا مش هقابله
وقالوا نروح يوم الاربع مرور النزهة بقى اللى العربية تبعه عشان نشوف عملوا ايه فى المخالفة :)

من ضمن المفارقات الظريفة واحد عنده موتوسيكل وجايله مخالفة تفتكروا بقى ايه هى
انه مش راابط الحزام

المشاركة الأصلية كتبت بواسطة mahmoud_afifi

خير ان شاء الله والمخالفات تقل او تتشال. و برضه تقوليلنا عملوا ايه في التظلم بكره بإذن الله.

بالنسبه لبتاع الموتوسيكل اكيد كان قصدهم انه مش رابط حزام البنطلون ههههههههه

ان شاء الله بكرة هعرفكم الاخبار :) وربنا يستر

بخصوص بتاع الموتوسيكل انا قلت كده برضه :) ههههههههههههههههه