مش عارف اسم الشارع انما هو جنب ابراهيم في الشارع العمودي على دمشق
عرض للطباعة
دا انا عربيتى اتهرت من الجيران وخصوصا الازار الخلفى اتكسر ولا 4 مرات
الاول بشكر كل واحد كتب مشاركة، وننتقل إلى الاخبار المهمة:-
الاسعار: من الاغلى للارخص
السبع 600 جنية وغير موجود غير تمن الكاوتش الى حوالين الزجاج
مودورن 500 جنية وغير موجود
اتو ايجيبت 450 جنية
كل دو من غير التركيب
د جريش 375 جنية بالتركيب، وحاولت اعرف اذا كان موجود فى فرع مصر الجديدة مردوش خالص على التليفون لحد الساعة 1 الظهر.
قمت واخد بعضى وعلى العاشر،
اتحركت من طريق مصر اسكندرية الصحرواى الساعة 12 ظهراً ووصلت العاشر الساعة 1 ونصف ظهراً،
الطريق سهل جداً، طريق الاسمعالية لحد العاشر تعدى اول كوبرى وتنزل من تحت التانى يمين وتعدى اول تقاطع وبعدين تخش اول شمال فى اول شمال هتلاقى مركز تغيير الزجاج على ايدك اليمين. المكان منظم ومغطى، بتقف حسب الدور وبعدين تروح تحاسب وقول رقم المكان الى انت واقف فية ونوع الزجاج وتحاسب، وترجع تستنى فى عربيتك، بيجى عامل ينظف مكان القديم وخلال نص ساعة الجديد بيكون جة على عربية سوزوكى صغيرة.
بعد ماتخلص تاخد الفاتورة وتمشى. الموضوع خلص فى ساعة فقط. والرجوع الى اكتوبر خد ساعتين.
الحمد الله على كل شئ
الاستيكر بتاع المنتدى والقسم راح فى الزبالة للأسف الشديد.
والسلام ختام
قدر الله وماشاء فعل والف مبروك علي الزجاج الجديد والحمدلله انها جت عاي اد كده انا الازاز في عربيتي القديمه الشاهين كان اتدشدش وجه في وشي وانا سايق علي حوالي 90 لما زلط كبير وقع من عربيه نقل كانت في المقابل وربنا ستر وماجاش زلطه منهم في وشي .. فالحمدلله علي كل شئ
الحمد لله إنها جت على كده
قدر الله و ما شاء فعل
الف مبروك على الزجاج الجديد
شكرآ جزيلآ على التقرير و ذكر الأسعار بالتفاصيل
قدر الله وما شاء فعل
انا كمان لسه مغير بريبريز امامي اول امبارح
علشان بيعالج أمراض الزجاج الوحشة وكمان بيعالج الشروخ والكسور وبيديها الدواء المناسب ليها كمان ولو محتاج عملية جراحية بردة بيعملها وفى كمان أستشارة علشان لو العلاج ما جبش نتيجة يغير نوع العلاج .... على فكرة أنا بتكلم بجد مش بهزر ولا بتريق .
والله الموفق والمستعان