الموضوع: زجاج العربية الخلفى اتكسر

الحمد لله انها جت في الازااز يا بو حميد والله
احسن لما تيجي في الصاج زي عندي وكل سهل وان شاء الله خيرا
ربنا يعوضك خير يارب العالمين :))
وتبقي طمنا عملت ايه يا احمد

المشاركة الأصلية كتبت بواسطة ahmed_rahem

السلام عليكم،

للأسف راكن العربية فى ممر بين عمارتى وعمارة الجار، الاقى الزجاج الخلفى مكسور والسبب طوبة.
العمارة الى جنبى لسة متشطة وفيها شوية شغل خفيف - بيركبوا دش - والممر من ناحية الشارع وغرفة البواب والناحية التانية باصة على جنينة صغيرة بيقى الطوبة جات منين.
اكلم صاحب العمارة يقولى مش احنا احنا بس بنركب دش ومن غير مونة وخلافة،
احاول اقنعة ان مفيش حد بيشتغل غير عندة وان الطوبة دى من عندة مش ضرورى تكون عن قصد، برضة مصمم العكس، الغريبة يقولى احلف انها من عندى وانا اصلحلك، اديتة ضهرى ومشيت وفى نيتى بعد ماركب اطلعلة بالفاتورة وادفعة النص وياخد الحلفان الى هو عايزة.
بعديها بساعة بعتلى البواب انى اروح اصلح الازاز على حسابة - الساعة 8 باليل - قلتلة الدنا ليل وانا الصبح هصلحة.

الى مدايقنى جداً نسبة العند الغير طبيعية الى فى الناس، يقولى السطح مفيهوش طوبة واطلع معاة الاقى مفيش اصلاً حتة من السطح نظيفة كلة مليان ركام وطوب.

المهم بكرة هطلع على د/جريتش العاشر وربنا يسهل.

والسلام ختام

الله المستعان

النهارده كنت في شارع دمشق وجنب ابراهيم بتاع الستيكر في فرع جديد لدكتور جريتش

لو اقربلك ممكن تعدي عليه


تحياتي