على فكرة المنتدى دة ليه عيوبه ومميزاته زي اي منتدى بس هوا من احسن وانشط المنتديات الموجودة
انا عن نفسي حاطة نايل موتورز وفتكات على شريط المفضلة ولازم اول ما افتح افتح الاتنين مع بعض
دة ليه اهتمامات عندي ودة ليه اهتمامات
كل واحد فيهم ليه فايدته
عمري ما هالاقي على نايل وصفة للشعر ولا للبشرة ولا وصفة اكل
ولا هالاقي على فتكات حد يفيدني في موضوع خاص بالسيارة بتاعتي ولا مشكلة حصلت لي في العربية ولا تجربة حصلت لي في المرور هاحكيها
لما سألت على جوازات السفر نايل موتورز فادني اكتر
لما دورت على شركات سياحة عشان العمرة لقيت الاجابة في نايل موتورز
لما دورت على التجهيزات اللي الواحد بياخدها معاه عشان العمرة ويشتري ايه من هنا ويشتري ايه من هنا لقيته في فتكات
انا باخد وصفات اكل كتير منه اكتر من ممتازة وزوجي بيشيد بيها
وكل شوية يقول لي ما تدخليلنا على فتكات تشوفيلنا حاجة جديدة
بادخل على المول اعرف الحاجات اللي نازلة السوق
لو عاوزة اعمل مطبخ ولا ستاير ولا اي حاجة في شقتي هالاقيها اكتر من هنا
يعني كلاهما مهم
اما بالنسبة للمشاكل اللي مزعلاكو مالناش دعوة
الواحد لو قراها بياخد منها عظة مش اكتر
وبنحمد ربنا ان عافانا مما ابتلى به غيرنا
ايه يعني لو حكتلك مشاكل فتكات مش بدل ما تروح من الجارة دي للجارة دي ودي رايحة ودي جاية ويجيبوا في سيرة الباقيين ولا تعمل مشاكل مع سلايفها
زي ما انت بتدخل نايل موتورز من حقها هيا كمان تدخل فتكات
حتى لو قلبت لك دماغك باللي فيه لازم تسمعها
المفضلات