الموضوع: قهوة هيونداي

المشاركة الأصلية كتبت بواسطة mahmoud_afifi

هو ركب معاه بصراحه واتأخروا يعني مش لفه صغيره زينا هههههههه. بس انا ماكنتش معاهم
و اه ركب التيدا وعجبته (وعجبتني شخصيا) ناعمه في السواقه ماشاء الله والعفشه انعم من الالنترا.

وبرضه كتر خيري ان بقالي 4 سنين ماسوقتش مانيوال واسوق كده :d
بس كان نفسي اجربها على طريق سريع واشوف الفيرنا الي بتقولوا عليها دي :d (ربنا يباركلك فيها يا بومبو)



امييييييييييييين. ياعم انت لو بتشتغل حرامي مش هتتعب التعب ده كله هههههه
ربنا معاك ان شاء الله وتفوق للجواز ونخلص منك بقىىىىىىىىى :d

يارب يا ولدي
بص تقلي مسوقتش معملتش ملكش حجة
انا قعدت 6 سنين منقطع عن السواقة تماما وروحت استلمت العربية من المعرض وطلعت بيها زي الفل ووصلت بيها البيت كمان فمتهرجش يعني دا مش سبب :d

المشاركة الأصلية كتبت بواسطة se_coralsea

هو ركب العربية بس ماطلعش بيها
دور الموتور و جرب العزل و الباور بتاع الدريكسيون فقط

و حكمه عليها كالتالي :
1- الباور : جيد جدا
2- العزل : جيد جدا
3- الفتيس : تقيل شوية (بس يمكن علشان العربية كانت علي مطلع و مريحة علي التروس) لكن بالنسبة لي في الطبيعي بيكون خفيف
4- أتساع الصالون : تعليقه أنه ضيق و عكس ماكان هو متوقع
5- الرؤية : صعبة و خاصة الخلفية و أنا شرحت له أنه لازم يظبط الكرسي مع مراية الصالون و المرايات الجانبية أما الرؤية الامامية فهي واضحة لكن من الصعب تحديد أبعاد العربية و هي طبعا مسألة وقت و تعتاد عليها

ان كان كدة ماشي
كنت هشك فيك يا بشمهندس لو سبتهاله :d

المشاركة الأصلية كتبت بواسطة kareem fawzy

انتا بتقول اية ياض انتا
بشمهندس سمير سابله العربية بجد
مستحييييييييل
انا عايز من دة يا حزومبل انا عايز من دة :)) هههههه

وانا كمان يا حزونبل
هههههههههههههههههههههههه

المشاركة الأصلية كتبت بواسطة dolly13

المشاريب النهاردة على حسابى بمناسبة انى بقيت عضو فضى
الدعوة مفتوحة شوفو هاتشربو ايه قبل مارجع فى كلامى

مبروك يا دولي
عقبالي الذهبي يا رب

المشاركة الأصلية كتبت بواسطة dolly13

ده مشروب والا دوا شرب ؟
بص انت روح صيدلية المنتدى واطلب اللى انت عاوزه وابعت الحساب على القهوة

ايوة يابني اصرف الروشتة وتعالالي او اقلك هاتهالي قبل ما تصرفها اجبهالك بخصم الصيدلي
هههههههههههههههههههههههه

المشاركة الأصلية كتبت بواسطة dolly13

يامحمود احلام سيادتك اوامر انا عاملة محشى النهاردة وعنوانى معروف تعالى العبور واسال اى عيل صغير يدلك على طول
وبعيدن عيب بقى اوى كدة انى لحد دلوقتى مش باعرف اعمل الاقتباس المتعدد
ينوبكو فية ثواب حد يقولى اعمله ازاى
الحقيقة اشرف حاول يفهمنى قبل كدة بس برده معرفتش اعمله مش عارفة بقى هل ده غباء مزمن والا الانتخابات تسببت فيه الله اعلم

انا حاولت بس يظهر اني فشلت :d
غالبا المشكلة في الثيم بتاع المنتدى اللي بتستعمليه
انتي بتستعملي انهي ثيم فيهم؟!

المشاركة الأصلية كتبت بواسطة dolly13

مش باقولك بافكر من اول الثورة !
يعنى اكيد عندى وجهة نظر مختلفة شوية عن الكثيرين واحتمال اقولهالك لكن بعد الانتخابات وقبل النتيجة

لا انا عاوز اعرف وجهة نظرك حاليا
يعني ولا حمدين ولا مرسي ولا ابو الفتوح !؟
محدش من دول عاجبك خالص يا دولي!؟