الموضوع: قهوة هيونداي

المشاركة الأصلية كتبت بواسطة friendship7897

والله يا بشمهندس سمير أنا عارفة إنك تعبت معايا - بس أنت عارف أنا كنت دايماً بتوه منك في التقطعات أو بعد البوابات أو حملة ، بس أنت فعلاً نعم الأخ اللي كان خايف على الجميع ومن أولهم أنا ، وجزاكم الله خير كلكم لأني شوفت أنكم كنتوا خايفين على بعض ، وأنا كمان طول الطريق بدعي إننا نرجع لبيوتنا على خير .
حمد الله على سلامة الجميع
بس أنا فرحانة أوي لأن الصفحتيين اللي فاتوا تم ذكر كلمة لانوس أكتير من هيونداي في كل الصفحات اللي قبل كدا
أد كدة اللانوس مأثرة في أحساسيكم
اللانوس تكسب

أختي الفاضلة ..

حقيقي أنا كنت خايف علي حضرتك و علي الجميع مش بس من أن عربية تضل الطريق و لكن كمان خوفي كله كان من طريق السويس / القاهرة و اللي بيحصل عليه من سواقين النقل علشان كده كان عامل لي ضغط شوية و خلي تركيزي كله يكون معاكوا مع التقليل من التركيز علي العربيات اللي امامي معتمدا علي أني حافظ الطريق ده شبر شبر (تقريبا بأسافر عليه كل يوم) و أعتمادي كمان علي الجي بي اس اللي كنت مشغله علشان يكشف لي الملفات بمسافة كافيه لأني في الطرق ذات الاتجاهين بأراعي العربيات اللي قدامي و بأخفض الاضائة و بامشي معظم الوقت علي الفوجات بس

عموما هيا تجربة حلوة انا شخصيا أستفدت منها كتير و بأشكر أخويا كريم العربي أنه كان مصحصح و قدر يحلل المنظومة كلها و يطلع لنا الاخطاء دي علشان نتداركها في المستقبل


اما بالنسبة لذكر اللانوس أكثر من الهيونداي فده طبيعي
حضرتك ماتنسيش أن اللانوس هي البداية الطبيعية لأي حد بيسوق في مصر يعني هيا دائما بتكون العربية الاولي اللي لها ذكريات علشان كده كله بيحب يجيب سيرتها بكل الخير و اللي مالوش خير في قديمه (اللانوس) مالوش خير في جديده
حضرتك نورتي قسم هيونداي و ياريت نشوف مشاركات لكي علي طول معانا


ربنا يديم المعروف بيننا جميعا و نفضل كده علي طول متجمعين علي الخير و في الخير