الاعضاء المشتركين بوادي دجلة برجاء الدخول (استفسار)

**abdelaziz-waleed** · 18-03-2012 04:41 PM

المشاركة الأصلية كتبت بواسطة أبو صلاح

انا لمجرد اني شفت ليهم شو روم في مول وسالتهم من اكتر من سنة وهم مغرقني اتصالات من ساعتها

وكل مرة اقوله شيل نمتري من عندكم انا بره مصر وكده انتوا بتكلفوني مصاريف تجوال كتير على الفاضي ومش عايز بس برضه هم مصرين

هو عامة كنادي انا شايف انه كويس وخدماته حلوة

بس كان اكتر من عضو هنا شكر في نادي المقاولين العرب وبرضه ليه زي باخرة على النيل تدخلها عادي برضه

هم فعلا زي ما يكونو مشتركين في عرض من بتوع المحمول مخصوص علشان يكلموني هههههههه.
هو بصراحة فعلا انا من خلال المقارنات لاقيت انه هو والمقاولين يعتبروا افضل حاجة وخاصة ان المقاولين اشتراكه 27 الف

المشاركة الأصلية كتبت بواسطة a.saad

أبو صلاح
ممكن تفاصيل العروض اللى قالوا عليها ليك لو سمحت

+111111111111

المشاركة الأصلية كتبت بواسطة محمد المصرى

وعليك السلام

انا من المشتركين فى وادى دجلة من حوالى سنتين مع العلم انى مشترك فى اكثر من نادى
( نادى الشمس - نادى الرحاب )

بس فعلا مش بروح غير نادى وادى دجلة
وبصراحة بعد عمل مقارنات مع النوادى الاخرى وادى دجلة يكسب بمراحل
واى استفسار انا تحت امرك

وطبعا ممكن تفاصل معاهم شويه لو هتدفع كاش

الف شكر يا باش مهندس على المساعدة. جزاك الله كل خير.
يا ريت لو شوية تفاصيل او نصايح تكون مشكور؟

المشاركة الأصلية كتبت بواسطة fepsceasar

ميزته :
ممكن تدخل اكتر من فرع
وسط محترم
عائلى اكتر من النوادى التانية
مشكلته :
ابتدى يتزحم
اسعار المطاعم والكافتيريات مرتفعة شوبة مقارنة بباقى النوادى
أسعار الاشتراك فى الالعاب والانشطة مرتفع شوية مقارنة بباقى النوادى
متهيالى اسعار الاشتراكات وطرق الدفع ممكن تفاصل فيها

المشاركة الأصلية كتبت بواسطة fepsceasar

ممكن لو حد عايز يشترك يكلمني
اديلوا الموبايل ع الخاص

يا ريت يا باش مهندس لو تبعتلي رقمك ادردش مع حضرتك شوية

**moataz** · 19-03-2012 08:48 PM

هل يوجد خيل في نادي وادي دجلة؟

**mailo** · 19-03-2012 11:06 PM

فيه خيل بس المكان صغير قوي

**Dr.lancer** · 20-03-2012 12:24 AM

أنا من فترة لفيت على النوادى أخد فكرة و بصراحة شفت جميع فروعهم و كان أفضل سعر فيهم فعلا خصوصا كثرة فروعهم وده مهم فى المستقبل للأولاد. على الأقل ضامن لو سكنوا فى أى مكان حيكون ليهم فرع قريب منهم وده ميزة بينفرد فيها وادى دجلة. بالنسبة للمستوى الاجتماعى أفضلهم فرع 6 أكتوبر ثم التجمع و اخيرا المعادى يمكن علشان الأخير قديم شوية!!! أنا فى الأول قلقت من كتر مكالماتهم ليا. مش عارف ليه حسيت أنها تدبيسة بس بعد ما روحت و شفت الفروع توكلت على الله و فعلا كان أختيار موفق. على فكرة خصم الأطباء ده طلع اى كلام لأن السعر كاش 55 ألف (حيزيد بعد فتح فرع 6 أكتوبر الجديد).
أفضل حاجة أنك تروح و أطلب تقابل حد من الإدارة و إتفرج على الفروع و خد قرارك.

**M.Mosaad** · 20-03-2012 10:21 AM

انا مشترك من حوالي سنه و نص بروح فرع التجمع اكتر حاجة

النادي كويس جدااااااااا بس الشكاوي من المعادي كتيرة انه زحمه علطول و فعلا اسعار الالعاب اكتر من النوادي التانيه بس مش بكتير اسعار الاكل و الشرب زيها زي كل النوادي يعني ممكن تتغدي بيتزا او ساندويتشات او مكرونات بحوالي 15 جنيه الطبق معرفشي لو في نوادي ارخص من كدة

التجمع محترم جداااااا و عائلي و مساحته كويسة و فعلا موضوع الفروع الكتير فارق جداااااااااا و كمان علشان في سيوله ماديه نظرا لانه ملك رجل اعمال فالانشاءات شغاله كويس و الدعم المادي موجود علي عكس انديه كتير و في ضغظ جامد من الاعضاء لرفع سعر الاشتراك علشان الحد من الزحمه مش عارف الادارة هتستجيب و لا لا

**abdelaziz-waleed** · 21-03-2012 01:57 AM

المشاركة الأصلية كتبت بواسطة د-شريف

أنا من فترة لفيت على النوادى أخد فكرة و بصراحة شفت جميع فروعهم و كان أفضل سعر فيهم فعلا خصوصا كثرة فروعهم وده مهم فى المستقبل للأولاد. على الأقل ضامن لو سكنوا فى أى مكان حيكون ليهم فرع قريب منهم وده ميزة بينفرد فيها وادى دجلة. بالنسبة للمستوى الاجتماعى أفضلهم فرع 6 أكتوبر ثم التجمع و اخيرا المعادى يمكن علشان الأخير قديم شوية!!! أنا فى الأول قلقت من كتر مكالماتهم ليا. مش عارف ليه حسيت أنها تدبيسة بس بعد ما روحت و شفت الفروع توكلت على الله و فعلا كان أختيار موفق. على فكرة خصم الأطباء ده طلع اى كلام لأن السعر كاش 55 ألف (حيزيد بعد فتح فرع 6 أكتوبر الجديد).
أفضل حاجة أنك تروح و أطلب تقابل حد من الإدارة و إتفرج على الفروع و خد قرارك.

المشاركة الأصلية كتبت بواسطة m.mosaad

انا مشترك من حوالي سنه و نص بروح فرع التجمع اكتر حاجة

النادي كويس جدااااااااا بس الشكاوي من المعادي كتيرة انه زحمه علطول و فعلا اسعار الالعاب اكتر من النوادي التانيه بس مش بكتير اسعار الاكل و الشرب زيها زي كل النوادي يعني ممكن تتغدي بيتزا او ساندويتشات او مكرونات بحوالي 15 جنيه الطبق معرفشي لو في نوادي ارخص من كدة

التجمع محترم جداااااا و عائلي و مساحته كويسة و فعلا موضوع الفروع الكتير فارق جداااااااااا و كمان علشان في سيوله ماديه نظرا لانه ملك رجل اعمال فالانشاءات شغاله كويس و الدعم المادي موجود علي عكس انديه كتير و في ضغظ جامد من الاعضاء لرفع سعر الاشتراك علشان الحد من الزحمه مش عارف الادارة هتستجيب و لا لا

الف شكر يا جماعة على التفاصيل الممتازة
طب وايه اخبار الرسوم السنوية؟
وتقريبا ايه اسعار اللعبات؟

**Dr.lancer** · 24-03-2012 09:29 AM

المشاركة الأصلية كتبت بواسطة abdelaziz-waleed

الف شكر يا جماعة على التفاصيل الممتازة
طب وايه اخبار الرسوم السنوية؟
وتقريبا ايه اسعار اللعبات؟

الرسوم عالية شوية بسبب تعدد الفروع . سنويا 800 جنية بعد التعاقد بسنة. أما بالنسبة لأسعار الألعاب فهو عادى زى باقى الأندية أنا مثلا مشترك لابنى فى كرة القدم (الارسنال على ما أظن) 200 جنية و لابنتى اشتراك السباحة 180 جنية شهريا. وأنا شخصيا بلعب تنس و حجز الملعب 20 جنيه و لو عايز مدرب خاص 60 جنية فى الساعة. باقى الأنشطة العادية زى السلة و الطايرة و القدم و الجيم بدون فلوس. أرجو أن اكون افدتك.

**amribrahim** · 24-03-2012 09:41 AM

مفيش أحسن من النادي الأهلي فرع مدينة نصر .. الأكل هناك رخيص جداً و المكان حلوة أوي و الجيم مثلاً بخمسة جنيه في المرة لو إنت عاوز مدرب بس أنا سمعت إن دلوقتي الإشتراك ب-150,000 أو حاجة زي كدا .. أنا جبت الإستمارة زمان أوي ب-3,000 جنيه أيام الرخص ههههه