تقرير ممتاز تسلم ايدك يا معلم
رقم العضوية : 13687
تاريخ التسجيل : 27Jun2008
المشاركات : 14,730
النوع : ذكر
الاقامة : Cairo - Doha
السيارة: Optra 2008 A/T
السيارة[2]: Kia Cerato K3 TopLine
دراجة بخارية: -
الحالة :
احبائى واعزائى الكياويه وغير الكياويه
بناءا على طلب الجماهير العريضه وكبير الكياويه حبيبى ابو ليلى
إليكم تقريرى المتأخر جدا عن السيراتو
مواصفات العربيه
هاى لاين مواصفات خليجيه سعوديه متصدره لقطر ( مكان شغلى حاليا )
هاى لاين 2010 اخر دفعات قبل التعديلات , يعنى الفتيس 4 سرعات ومفيش مرايات ضم ولا كاميرا للركن ولا بلوتوث , وهنا مبتنزلش بفرش جلد ولا جى بى اس فى اى فئه
الاختلاف الاهم بينها وبين المصرى ان الباور كهربا مش زيت , باقى الكماليات معروفه للجميع ABS AirBags فتحة سقف سمارت كى جنط 17 مرايا تعتيم سى دى تشنجر باركنج سنسور ملتى فنكشن تكييف اوتوماتيك
الموتور : استجابته ممتازه , صوته بيعلى مع القرص وبيبقى مسموع جوه العربيه بالذات لو مش مشغل السى دى او فاتح الشباك , يعنى بشكل عام صوته مش هادى ومن الاسباب الكاتينه جنزير , لكن سحبه ممتاز , مجربتوش كتير فى السرعات العاليه عشان الرادارات , لكن فى حته معينه مفيهاش رادار باوصل 160 بسهوله
استهلاك البنزين : الاستهلاك عندى عالى يعنى تقريبا 160 فى الصفيحه , بس دا راجع لاسباب اهمها طريقة السواقه , فى قطر الشوارع معظمها فاضيه ومفيهاش زحمه بس كل 500 متر او 1 كم بالكتير يا هاتلاقى اشاره يا اما دوار ( ميدان صغير ) بتقف فيه , فبمجرد ما الاشاره تفتح لازم تديها كيك داون عشان تلحق الاشاره اللى بعديها قبل ما تقفل :) يعنى باختصار باقرص على العربيه علطول من 0 لحد 80 ( الرادارات فى الشوارع على 80 ) , دا غير التكييف اللى مابيتقفلش
الفتيس : فتيس تبترونيك 4 سرعات عادى , على وضع التبترونيك السحب بيبقى احسن من D عشان انت اللى بتتحكم فى النقل , بشكل عام اداءه كويس
* الفتيس الجديد اللى نزل بعد كدا 6 سرعات المفروض انه احسن فى السحب وبيريح الموتور , وبالتالى حل بعض النقط اللى قلتها الى حد ما , وهى صوت الموتور واستهلاك البنزين
الفرامل : من اهم مميزات السيراتو , سواء على السرعات القليله او السرعات العاليه ممتازه وبتؤدى المطلوب من غير حدف او غيره , العربيه طبعا ABS وفرامل ورا ديسكات , لو الفرامل مش عاجباك يبقى يا اما عندك فى المشكله فى العربيه يا اما بتقارنها بفرامل فى عربيه اضعاف تمنها
الثبات : ممتاز لحد 160 , مجربتش اكتر من كدا
العفشه : اكيد ناشفه بس مش للدرجه اللى البعض بيقولها ويبالغ فيها , على الاقل بالنسبه لى , وطبعا دى حاجه تقديريه بتختلف من شخص لاخر , انا شخصيا مش متضايق من العفشه وعاجبنى الجنط ال 17 وعرض الكاوتش , جايز لو كنت اركبها فى مصر كنت هاتضايق :)
الباور والتحكم : زى ما قولت الباور عندى كهربا خفيف على السرعات القليله بيتقل على السرعات العاليه , انا شايفه ميزه عن الزيت , بس جايز عشان مع جنط 17 , ممكن الكهربا مع جنط 15 وكاوتش مش عريض يبقى مش حلو والاحساس بالتحكم فى العربيه ميبقاش حلو
الارتفاع عن الارض : مناسب جدا ولا عاليه ولا واطيه , لو العربيه بكامل حمولتها وفى مطب رخم وارد تحك
التكييف : ممتاز وطبعا حر الخليج معروف , لو العربيه مركونه فى الضل مش هاتحس بحر , لكن لو راكن فى الشمس طبعا هاياخد وقت على ما يبرد , فتحات التكييف رخمه فى تظبيطها
السى دى والسماعات : صوت نقى وعالى وواضح
وضع القياده والرؤيه : كويسه وواضحه والكراسى مريحه بس مجربتهاش فى سفر او سواقه لفترات طويله
المساحه الداخليه والشنطه : كويسين الكنبه تشيل 3 مستريح ومساحه الراس كويسه السقف مش واطى , الشنطه واسعه وتشيل حاجات كتير
الشكل الداخلى والخارجى : ممتاز وكانت فلتة زمانها فى وقتها ولحد دلوقتى انا شايفها اجمل من عربيات كتير بتنزل هى مشكلتها انها انتشرت والعين اتعودت عليها
التقفيل : كويس والخامات كويسه مفيش مشاكل تقفيل
الاوبشنز : مش هاتحتاج اكتر من كدا فى الفئه دى والسعر دا , اللى هو من اكبر ميزه فى العربيه قيمه مقابل سعر
إنتهى التقرير واتمنى ان ينال رضاكم
اى استفسار تحت امركم , وادعولى اعملكم تقرير سيراتو 2013 الجديده ان شاء الله ان كان لينا عمر :)
.
[aldl]http://s17.postimg.org/ygne2hebj/F2000045710.jpg[/aldl]
رقم العضوية : 58100
تاريخ التسجيل : 06Jan2010
المشاركات : 5,727
النوع : ذكر
الاقامة : السعوديه
السيارة: not yet
السيارة[2]: ..
دراجة بخارية: no
الحالة :
تقرير ممتاز تسلم ايدك يا معلم
إنا لله وإنا إليه راجعون
ولا تحسبن الذين قتلوا في سبيل الله أمواتا بل أحياء عند ربهم يرزقون
رقم العضوية : 117109
تاريخ التسجيل : 26Nov2011
المشاركات : 44
النوع : ذكر
الاقامة : القناطر الخيرية
السيارة: ............
السيارة[2]: يا مسهل يارب
الحالة :
شكرا على التقرير الرائع
رقم العضوية : 9524
تاريخ التسجيل : 24Apr2008
المشاركات : 6,381
النوع : ذكر
الاقامة : Cairo
السيارة: Tempra_1996
السيارة[2]: Cerato _2008_Auto
دراجة بخارية: NO
الحالة :
الله ينور يا حسام
تقرير مميز كالمعتاد - مبروك عليك
بس قطر كنت اعملنا تقرير عن قطعة من اللى بنشوفهم فى الصور بس هههههههه :-)
Eng.Ahmed Ismail
You Can't Never Ever to Keep a Nice Car in This Country....!!! S.O.S
[sor2]http://www.wasit.net/alrowad/images/hit.gif[/sor2]
كل شيء عن السيراتو
_______________
اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..
اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..
اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك
______________________
[shfaf2]http://www7.0zz0.com/2011/11/29/23/575740455.gif[/shfaf2]
رقم العضوية : 16471
تاريخ التسجيل : 16Aug2008
المشاركات : 4,166
النوع : ذكر
الاقامة : Shoubra Masr
السيارة: N/A
السيارة[2]: Elantra 2012 A/T
دراجة بخارية: N/A
الحالة :
رقم العضوية : 117109
تاريخ التسجيل : 26Nov2011
المشاركات : 44
النوع : ذكر
الاقامة : القناطر الخيرية
السيارة: ............
السيارة[2]: يا مسهل يارب
الحالة :
بس دى 2010 للاسف عايزين نشوف ال2012
رقم العضوية : 61530
تاريخ التسجيل : 09Feb2010
المشاركات : 5,916
النوع : ذكر
الاقامة : EL Haram
السيارة: no
السيارة[2]: kia new cerato 2010
دراجة بخارية: no
الحالة :
حبيبى يا حسام شكرا للتقرير المتميز
ياجماعة انا اصريت على حسام انه يعمل التقرير لانى بثق جدا فى رائيه
وصعب واحد زى حسام فى خبرته فى مجال السيارات القسم ميستفدش بيه
كده بقيت رسمى يا فنان من نمور كيا .
وطول ما انت فى قطر يبقى هنا قسمك ولما تكون فى مصر يبقى شيفروليه قسمك
رقم العضوية : 119308
تاريخ التسجيل : 18Jan2012
المشاركات : 272
النوع : ذكر
الاقامة : mind ur business
السيارة: Coming soon isA
السيارة[2]: best in class
دراجة بخارية: isa
الحالة :
تسلم على التقرير الجميل :)
رقم العضوية : 13687
تاريخ التسجيل : 27Jun2008
المشاركات : 14,730
النوع : ذكر
الاقامة : Cairo - Doha
السيارة: Optra 2008 A/T
السيارة[2]: Kia Cerato K3 TopLine
دراجة بخارية: -
الحالة :
الله يسلمك ياباشا
العفو
الله يبارك فيك يابشمهندس ربنا يخليك
انت تؤمر ياهندسه اى قطعه عايزها قوللى :)
الله يسلمك
2010 هى 2012 بس الفرق الفتيس يعنى 2012 افضل وكمان كماليات اكتر
ربنا يخليك يابوليلى , انا كياوى من زمان من غير سيراتو ولا غيره وانت عارف
بس ايه حكاية مصر دى يعنى اما انزل مصر مادخلش عندكوا ولا ايه , هى بقت كدا :)
الله يسلمك
[aldl]http://s17.postimg.org/ygne2hebj/F2000045710.jpg[/aldl]
رقم العضوية : 93462
تاريخ التسجيل : 04Apr2011
المشاركات : 1,484
النوع : ذكر
الاقامة : alexandria
السيارة[2]: spark
دراجة بخارية: no
الحالة :
تقييم ممتاز جدا والله وفيه حيادية عالية جدا
جزاك الله خير
تعليقي على نقطة العفشة الطرق هناك في قطر والامارات"كنت عايش فيها" مش مجال لاختبار العفشة
الطرق هناك اكبر حاجة تقدر تختبرها كوباية الشاي حتتهز ولا لا هههههههههه
DarkMagician
المفضلات