-
افيدونى افادكم الله
السلام عليكم و رحمة الله و بركاته
اتمنى مشاركتكم بالمعلومات القيمة و خبرتكم..... لأنى بصراحة معلوماتى ف العربيات تعبانة على الأخر
دلوقتى انا في مرحلة إنى اشتري جيتا ان شاء الله... غالبا هتكون فى حدود موديل 2006 الى 2008 ...... محتاج اسأل عن كذا حاجة
أولا: رينج الأسعار لو العربية معقولة، في حالة فابريكة بالكامل، و لو رشة خارجى ( مع العلم انها هتكون بيز لاين )
ثانيا: و دي اهم حاجة.. انا سمعت كلام كتييييييييييير عن مشاكل ف الفتيس ( ناس تقول المشاكل دى ف الفتيس بتاع 2006 و 2007 ، و ناس تانية تقول لا دي المشاكل دي كمان في 2008 ، و ناس تقول لا لا المشاكل بدأت في الفيتيس بتاع 2009 فما فوق,,,,,,,,, و ناس بقى تقول 2006 و 2007 و 2008 ليهم مشاكل معينة و تقريبا هو حساس الحرارة على حسب ما سمعت.... اما الفتيس من 2009 فما فوق ف دا ليه مشاكل تانية و مختلفة و اكتر من القديم )
بصراحة انا تهت و اتمنى النصيحة من اهل الخبرة...... أفيدونى افادكم الله
ايه الصح في الكلام اللى بتقال دا ........ و ايه رأيكم، ابعد عن الجيتا و خلاص و اريح دماغى من كل دا.... و يا ترى الأوكتافيا فيها نفس المشاكل دي... لأنى اعرف ان متور و فتيس الجيتا و الأوكتافيا زى بعض
اتمنى الرد في أسرع وقت قبل ما اروح اكشف على العربية و يكون اختيارى اصلا مش صح
لكم جزيل الشكر
السلام عليكم و رحمة الله و بركاته
-
بص أنا هقولك على قد الأعرفو, فى نوعين من الفتس, النوع الأول هو الستبترونيك العادى, و ده المشكلة الظهرت فيه هو بوظان حاجة اسمها عقل الفتيس وو السمعتو ان تصليح المشكلة ديه فى التوكيل بتكزن بتغيير العقل و تكلفتها حاجة بتاع 13000 ج, يأما تغير الفتيس بأخر استيراد و ده متوسط السعر من 15 ل 20 الف جنيه.
بردو السمعتو ان العيب ده بيظهر فى موديلات 2005 و 2006 و 2007 من جولف أو جيتا أو اوكتافيا a5, و مفترض ان العيب ده اتظبط فى موديلات بدءا من 2008
طيب هل الكل ناس ظهر عندها العيب ده, لأ فى ناس كتير مشتكتش منو, و ناس تقولك ان السبب ان ملاك العربية مبيغيروش زيت الفتيس فى مواعيدو الهو المفروض كل 60,000ك (بتوع الصيانة بيقولو من 60 ل 80 الف ك), لكن ناس تانية بيعملو الصيانة ظهر معاهم العيب.
عموما ديه المعلومات الجمعتها و أنا بدور على الموديل ده ,و نظرا ان الميزانية مكنتش تسمح انى اجيب موديل 2008, فتراجعت ن الفكرة و ربنا كرمنى بعربية بورا, بس ده ميمنعش ان ليا شوق لركوب الأوكتافيا 5 او الجيتا ممكن مستقبلا.
طيب ايه المشاكل الفى الفتيس فى موديلات 2009 او فوقيها, المفروض ان العيب فى نوع أحر من الفتيس اسمو ال DSG, و ده مفترض انه موجو فى العربيات التربو (بس مش متأكد موجود فى العربيات العادية ولا لأ) و ده بأه عليه شبه اجماع بفشله فى مصر.
عموما نصيحتى لو عاوز اشترى عربيات موديل 2009 و متكونش ماشية كتير, و اكشف عليها كويس, و يفضل فى التوكيل أو ورشة من المتعارف عليها و الليها خبرة فى التعامل مع العربيات ديه ,و ربنا يوفقك.
-
متشكر جدا على اهتمامك و معلوماتك القيمة يا باشا
-
ال dsg موجود في الباسات من 2009 وكيل و كل عربيات VW من 2010 وكيل سواء تربو او 1600 سي سي من غير تربو
-
ملخص الموضوع نويت تجيب جيتا ان شاء الله هات2008الفتيس بتاعهاالاتوماتيك6 نقلات اللي محدش اشتكى منه او2009برده في دفعه نزلت 6نقلات الاتوماتيك العادي اما dsg اللي هو 7نقلات ابعد عنه تماما وربنا يعملك الصالح ان شاء الله ولا تنسانا من دعائك
Content Relevant URLs by
vBSEO 3.6.0 PL2