الموضوع: مشكلة في البرافو ! ؟

السلام عليكم ورحمة الله وبركاته

ليا زميلي معاه برافو T-jet 120 ! للاسف عمل بيها حادثة بعد الشر عليكم جميعا

انا مش عارف تفاصيل الحادثة بس هو تقريبا جيه ياخد غرزة قفلت عليه الفرامل ماجبتهوش يوقف راح لبس في اللى قدامه

ودى العربية التوكيل وهناك قالوله ان فيه قطعة عنده باظت من الخبطة ومحتاجة تتغير ودي مش موجودة في مصر ولازم يبعت يجيبها من برة او يستنى تجيله بعد شهرين !

وانها عاملة مشاكل في العربية

طبعا هو مش عارف هي ايه القطعة دي ! كلمني ! وورهالي قالي عندك خلفية ؟ ؟ قلتله لاء بس سيبلي الموضوع ده انا حبايبي من اصحاب الفيات كتيير وماتقلقش حط في بطنك بطيخة صيفي


دي صورة الكبوت عنده ومشاور على القطعة اللى المفروض تتغير



هي اكنها ماسورة بتدخل الهوا ؟ ؟ انا مش عارف هي ايه فايدتها بس في التوكيل قالوله انها مهمة وتقريبا ليها علاقة بالتربو ! وعملاله مشكلة ولازم تتغير وللاسف مش موجودة في مصر !

فحد عنده خلفية عن الموضوع ده ؟