الموضوع: *** المعرض و مشاعر انسانية (بالصور) ***

مقدمة

عندما قررنا عمل هذا الموضوع لم يكن القصد التغطية التقنية و الاخبارية بقدر ماهو تعبير عن بعض المشاعر ((العنيفة)) التي اجتاحتنا في زيارة دنيا الجمال و القوة و الصنعة المحترفة ..

لقد ضم المعرض بين جنباته كل أنواع السيارات و كل أنواع المصنعين , فهنا ترى الصانع الألماني العريق (اقصد الرجل البافاري بالطبع) و قد شمر عن ساعدية ليظهر جمال خطوطه و تألق انتاجه و قوه محركاته و خلاصة فكره

و هناك رأينا ابن العم (ابو مرسيدس) و هو يحط بثقل على مدرج الفخامة و القوة و الخطوط التصميمية العريقة فاردا جناحيه ليلقي بظله المتألق على كل جنبات المعرض متصدرا جولاته ليجعل مهمة اثارة الاعجاب صعبة على باقي الشركات التي ستليه في الجولة

ثم تويوتا التي انبهرت شخصيا (ولست منفردا) بتقنية الماكيت الذي يشرح تقنية المحركات الهجينة

و ظهرت الفاتنة الصغيرة عبر المتوسط , صغيرة فيات (او كبيرتها ان شئتم) انها ال Fiat 500 . منافس قوي للميني بالفعل

وان كان الشعور داخل الـــMini Cooper S شعورا لا يوصف كما سترون في الصور

بالطبع هنالك الكثير و الكثير ولكن لم يكن هناك اكثر من الفيراري و البنتلي و المازيراتى بجانب بعضهم .....يستفزون مشاعر الناس و يؤلبون مواجع المحبين
كما سترون تأثيرهم علينا في الصور

وهناك المزيد ......... في الصور برضه

ـــــــــــــــــــــــــ ــ الصور بقى ــــــــــــــــــــــــــــــــــــــــــــ

ده كريم وهو بيجرب ال BMW 135i

وهنا اكتشفنا ان العربية لايقة على الكرافت





وهنا ترون تابلوه العربية دي (فعلا شعور هايل و لو لثواني )
وعلى فكرة هو أفخم مما يبدو بكثير و اللي داق مش زي اللي شم :)






وده كيمو باشا بجوار السيارة السيدان ذات المحرك القوي





تعرف انا بقى راكب ايه ؟؟؟؟؟؟؟






اوعى وشك ..........................









ايييييييييييييييون X6

اتفرج شويه ........على فكرة دي بمليون و تمنمييييت الف و فكة كده (والله ماحاولتش افتكر الفكة كام )






الصورة دي بقى أنا (القميص الطاهر ده مش هايتغسل أبدا)






ده الصالون بس الكنبة اللي ورا
ليه بقى ماصورتش اللي قداااااااااام ؟؟؟؟

لأنه يا هاتشوف و تلعب يا اما تصور

ولأنكم عارفين ان الضنى غالى

و الفرصة بتيجي مرة في العمر

ماصورتش قدام (بس هي قريبة من ال X5)



المهم بصو ورا كده :
الحتة ال LCD
مع الكونسول التحفة في الوسط
انا كنت فاكره تواليت في الأول (ترفيه بقى)
بس طلع حامل اكواب عادي :)





منظر عن قرب لأتأكد أنه مش تواليت






هذه المقدمة المتوحشة
هي غرة ال BMW X5 بالطبع



الراجل ده كان بيقنع الست الحاجة اللي جوا انها تجيب X5 وبلاش X6
(يمكن علشان لسة ماحدش جربها تكون خفيفة وللا حاجة او فتيسها بيفوت)

اه طبعا ...ليه لأ زي ما الناس دول عملو كوكا من غير سكر ممكن X6 تطلع اي كلام
المهم ان الحاجة شكلها هاترضى بقليلها و تاخد الX5 (هي دي الست اللي تعمر و الله)




نشد خط بقى علشان اللي جااي
====================================

Ferrari 430

أولا : الموتور
بص على جوز المدافع دي

بص كده كمان
امسك نفسك بالله عليك

كويس انت سليم و لسه بتقرا
نجربك تاني

ده كان جنط فيراري ولو بصيت بعمق هاتشوف أحلى طمبورة في الدنيا
لا تضاهيها الا طنابير ال Nissan GT

المهم انت هنا ماسك نفسك لأننا قلنا (اللي شم مش زي اللي داق)
و لما قررنا نتصور معاها رجلينا ماشلتناش فكلنا ياعيني انحنينا (نبقى احنا فوق و الفيراري تحت !!!!!

دي كانت مكالمة بجد مش منظرة (منظرة ايه بقى جنب الفيرراري)

شوفوا ابتسامة الرضا اللي على وش كريم .........
و كل تقاطيع وشه بتنطق (الحمد لله على الستر)

وبعدين ماقدرتش و بدأت أحضن العربية وأطبطب عليها وسط نظرات الحضور اللي برضه كان نفسه يطبطب معايا

و الأن

أيها الجمع

MASERATI

خد دي

خدت بالك من الطنابير (كان فيه حد عايز يخرم طنابيره زمان) هاتوهولي :)

المهم بص على تخانة الباب أكتر من 35 سم و داخل على النص متر

بتبص على رجل الست ليييييييييييييييييييييييه
مش غلط كده ؟؟؟؟؟
ركز في الباب
اه الفضول
ماشي ....
ادي الهانم كلها
بس حفناوي بقى طمس معالمها

طبعا ركبنا العربية احنا كمان
VIP بقى ;)

بس كريم كان بيجري جامد حتى شوف الحماس على وشي :)

و بعدين نزلنا
وواجهنا الحقيقة المرة
........
...........
...........
...........

وانهار كريم

و قعد جنب الحلم الضائع

و حاولنا نقومه لحسن لو حد دورها ممكن (يتشفط) من الفتحة اللي وراه دي و يكون وقود (حيوي) :)

بس هو أصر أنه لازم يحقق حلمه
و يركبها في يوم
بس مرتبه طبعا مش هايكفي
فقرر يشتغل بعد الظهر
وبدأ الشغلانة الجديدة

و حفناوي رفع شعار
(اتبرع ولو بجنيه)

استنى استنى
بص جوه كده علشان تعرف احنا كنا حاسسين بإيه

حاجة تانية بقى
انا اللي اكتشفتها
قوللي كده ده شبه فانوس ايه ؟؟؟؟

ايوة ايوة
Megane القديمة I
ياه مازيراتي طلعت بتسرق من رينو

كفاية كده
أصلي تعبت من الذكريات

طبعا في حاجات تانية حفناوي مصورها بس لسة في طور التحميض :)

ارجوا اني اكون تعبتكو و نقلتلكو احسساسنا كاملا

مهم :
الموضوع ده شارك فيه كريم منير بالتصوير و الاعداد و الاخراج
و شارك فيه محمود حفناوي بدعم فني مخلص
و اسمي على الموضوع يعبر عن دوري المتواضع في التعليق على الموضوع

الجزء التاني

دي الفيراري السودا

كنا مش عارفين ناخد بوز مناسب

يعني نقف كده ....و للا كده .... طب كده

المهم حفناوي لقط الصورة دي و كأننا نعاني من آلآم في المفاصل






أما دول بقى ..........
عفاريت الدايهاتسو بيلفوا بالمركبات المريخية دي و كل واحد فوق راسه شاشة بتلف فيها صور و كليبات لمنتجات و أعلام دايهاتسو







حاولنا نتصور معاهم و هما ماشيين بس الكل فشل لأنهم ماشيين في تشكيل كده و مفيش حاجة بتوقفهم

المهم رصدناهم وعرفنا نقطة الضعف في المخلوقات دي

السلم

استنيناهم عند السلم و تك ........ تك





الشاشة الل فوق دي بقى تلاقي فيها صورة تيريوس - مصنع الشركة - صور جماعية للمهندسين - صورة ماتيريا - صورة أبوعبدالله:) - صورة الشاريد ... و كده يعني

أعلام وتاريخ الشركة :)

و دي حته من جناح أوبل

دي العربية ال ميريفا MERIVA
وكان كريم في أخر العربية
أهو ....هناك أهو





ودي بقى التحفة
ASTRA GTC Panorama
شعور بالثقة تعطيه لك هذه السيارة و خصوصا السقف الزجاجى









بس على فكرة الثقة و الكلام ده قدام بس

في الكنبة اللي ورا بقى ............حبسة
أشوف وشكو بخير






أما المينيهات و يا عيني على المينيهات

ده كريم وهو في الكابريوليه



ما انا بقول كده برضه

لايقه عليه فعلا (ربنا يكرمك يا كيمو وتجيب واحدة و تدي كل واحد لفة ..لأ لفتين)





أنا بقى ركبت من هنا و جاتلنا حالة من الضحك الهيستيري
حتى الصورة اتهزت من الضحك ....أصل العربية تشرح القلب
قوي
قوي
قوي









و أخيرا
لاقيت الصورة عاجباني تنفع icon كده




-----------------------------------
تم الدمج بمعرفتي
مشرف القســـــــــــــــــــم العــــــــــــــــــــــ ام

جامد جدا
و سيناريو رائع