الموضوع: التقييم المبدئى للكيا سول FaceLeft 2012 اعلى فئة

المشاركة الأصلية كتبت بواسطة ashouhdy

العربية فيها انذار ... اقفل بالريموت و استنى دقيقة و افتح بالمفتاح او بأيدك ... انا ركبت وحدات رفع للكارينز عندى برة التوكيل والحمد لله مفيش اى مشاكل ... بالعكس مهمة جدا

تصدق بالله انا كنت شاكك فى الموضوع ده لأن فى سنسور كبير جدا فى وسط التابلوه من الأمام
فى حين أتصل بمهندس الصيانة الكهربائية فى التوكيل اليوم eit العامرية م / محمد عبد الرازق و اكد ان مفيهاش انذار و ان وحدات الرفع ممنوع تتركب فى التوكيل بأمر من kia كوريا و لو ركبتها يبقى ماكينات الزجاج خارج الضمان.،،، طبعا انا عارف ان وحدات الرفع مهمة لأنى عندى فى الهيونداى بأقفل و امشى و انا مطمن..


ربنا يسهل و نبحث فى الموضوع اكثر و ممكن بعد الضغط عليهم فى التوكيل يركبوها. المهم الضمان.

المشاركة الأصلية كتبت بواسطة Ahmed R08

الف مبروك وربنا يديك خيرها ويكفيك شرها واللون جميل ما شاء الله

المشاركة الأصلية كتبت بواسطة DarkMagician

الف مبروك يا اخي الكريم كانت من احد اختيارات الحج قبل ما يشتري عربية :)

مش عارف حاسس اني شفتها النهاردة في جراج سان ستيفانو :d

الله يبارك فيكم و يكفينا جميع شرور الطريق و يسترها معانا جميعا

لأسف مش هي يا اخى الفاضل ،،، العربية لسه مرخصتش انا بمشى بيها فى الشوارع المستخبية بعيدا عن المرور

على العموم طارق اسماعيل شغال الأسبوع ده تسليم فى السول و الأسبورتاج يوم ما استلمت كان فى 4 سول غيرى و كمان حوالى 8 اسبورتاج ،،، ربنا يزيدهم و يبارك لهم

بسم الله ما شاء الله عليها
ربنا يحفظهالك يارب من كل شر وتاخد خيرها
بجد مش عارف اقول لحضرتك ايه علي ردودك الجميلة واهتمامك
واتمني ان طولي يكون مناسب ليها يمكن قصير شوية حوالي 171 سم يارب اشوف ابعادها من قدام لاني عندي فالكورولا علشان التصميم مش بشوف حتي طرف الكبوت
ربنا يبارك فيك وليك علي تعبك

ماشاء الله ولا حول ولا قوة الا با الله
ربنا يباركلك فيها ياراب
ليا عندك كام سؤال يا ريت تجاوبني اكون شاكر ليك

ان شاء الله نويت على السول اول فئة الي ب 123 لو جبت الفئة دي ممكن اندم واقول يارتني جبت الكاملة ولا دي كويسة ؟
الفوانيس الامامية العدسات فيها زينون ولا لا ؟
وعايز اعرف هل هيا ممتعة في السواقة ولا لا علشان انا جربت عربية بومة بتاعت واحد صحبي وعجبتني جدا فا عايز اعرف بما انك كان معاك قبل كدا لانسر بومة
اسف جدا اني طولت على حضرتك ويااااارب يباركلك فيها ويديك خيرها ويكفيك شرها