اهتم بفليشيتك الجزئ الاول
انا بدور علي موتور فليشيا MPI والي انا مش عارف يعني ايه MPI بس مش مشكله
قولت افتح الكتلوج ابص شوية مش هخسر حاجه
اولا عند تشغيل العربيه - بالنسبة للعربيات الكربرتير
بندوس 3 مرات بنزين في بهدوء وبعدين بنشغل العربيه
- بالنسبة للعربيات الانجكشن (حبيبي يا انجكشن)
تشغل علي طول سيبو الدوس للبنزين للغلابه الي زينا
- نيجي نشغل بقئ :angelwings:
العربيه المفروض لما نيجي نشغل العربيه ومش اشتغلت بعد 10 ثواني من المحاوله المستمر مع المارش
نفصل العربيه خالص وننتظر 30 ثانيه ونشغل العربيه تاني وهاكذا :36_7_7[1]:
طبعا المارش تعب ناس كتيره هنا في القسم :argue2:
العربيه اشتغلت
- تسيب المفتاح يرجع من نفسه علي الوضع I عشان المرش مش يفضل شغال ويتحرق لقدر الله
- متسخنش زي ما بنعمل لا اتكل علي الله علي طول بس مش تشد علي العربيه خليك حونين عليه لحد لما توصل لدرجة حرارتها الطبيعيه الي هي 70
ابوا بقئ العريبه مش اشتغلت:help2:
معرفكش ساعتها بس هقولك تعمل ايه
- حاول تجيب بطرية تانيه وتجرب عليها
- متحولش تزقها مسافه ازيد من 50 متر ليه بقئ عشان البنزين مش يدخل في الفرن وطبعا الفرن مش شغال :majd(2):
نيجي لدرجة حرارة العربيه
العربيه حسب الي جي في الكتلوج ان درجة الحراره العاديه او المعتاده ما بين 70-110
بس لو انت بتشد بقئ ودرجة حرارة الجو مرتفع هتوصل للاحمر ودا طبعا كلنا شوفناه :F_eyeb1[1]:
تعمل ايه لو صولت للاحمر لقدر الله - تقف علي جمب بسرعه اقصي اليمين خليك ملتزم
- تسيب العربيه شغاله
- تبص علي الماية
- تبص علي المروحه شغاله ولي :majd(2):
- الماية منخفضه او المروحه مش بتشتغل حاله من الاتنين اطفي العربيه وافحص بقئ العطل
طيب المروحه بايظه والماية مظبوطه اوبا بقئ الف المروحه بايدي (انت في منتدي محترم ممنوع الشتيمه)
وتمشي بالعربيه بس بسرعه يعني متوسط 80 -100 عشان العربيه تستفيد من الهوي الي داخل مكان المروحه وتقف عن اول وكيل سكودا (هههههههههه) هو كهربائي واديله سجاره و10 جنيه
اثناء السير بالعربيه - عداد الار بي ام ميدخلش في الخط الاحمر ممنوع الحاج فيشا الكبير موصي بكا
- تغير السرعه في التوقيت المناسب عشان تحافظ علي الموتور طيب اغير امته لما تحس ان صوت العربيه علي الموتور بدأ يخشن
البنزين
نتكلم بقلب جامد بقئ الازمه عدة من زمان
- العربيه الانجكشن (حبيبي يا انجكشن) التنك بتعها 42 لتر
- العربيه الكربرتير التنك بتعها 47 لتر
- طيب اللمبة بتنور لما يكون فاضل 6 لتر في التنك
ملحوظه هامه جدا ممكن المؤشر ياخد وقت لحد لما يوصل للقيمة الصح بتعته وطبعا في الحالة دي بتنور اللمبه ولي بيحصل الكلام دا الناس دي بتخم صح!!!
اللمبات الي في الطبلون
دا احنا عندنا كمية لمبات في الطبلون بالعبيط نصها مش شغال :F_eyeb1[1]:
هنخدهم بالترتيب من الشمال
- abs
- حزام الامان
- فضيه
- لمبة المارش لو فضل شغال والعربيه شغاله
- دي بقئ لمبة زيت الفرامل (!)
- بعد كدا البطرية مش بتشحن بقي والكلام دا
- فرامل اليد
- زيت الموتور نفسه
- بعدها الاير باج
معظم اللمبات دي بتنور عن فتح الكونتاك وبعد كدا بتطفي لما العربيه تشتغل
كفايه كدا النهارده ونكمل في الجزئ التاني بقئ وعليكم خير
سلامو عليكم