تقرير بالصور للاكسنت rb مع الجنط ال16

**el_nahal2004** · 22-03-2012 12:07 AM

المشاركة الأصلية كتبت بواسطة atyam

باشا هى دى شكلها عامل ازاى لانى متهيالى مركبتهاش وهل فعلا لازم تيجى مع الجنوط؟ ولا هيدفعنى ولو هيدفعنى ممكن اجيبها من مكان تانى عشان المشوار بعيد عليا

هو ركبلى حاجه اسمها فلانشة مدورة كده بس فى العجلتين اللى قدام

هو بيبقى رينج مدور كدة ممكن يبقى بلاستيك وممكن يبقى نحاس وممكن يبقى المونيا
بس الافضل بلاستيك
وبيتحط بين الجنط والطنبورة
ومكن تجيبه من اى حد بتاع جنوط مش شرط هو
ومعتقدش ان هو حطهم
مجربتش تعدى ال 120 بعد الجنوط الجديدة؟لو عديت وحصل رعشة فى الدركسيون او عدم اتزان فى العربية يبقوا مش موجدين
لو ملقتش يبقى حاططهم
ولو ركبلك المفروض يبقى فى الاربع عجلات

**original** · 22-03-2012 06:02 PM

المشاركة الأصلية كتبت بواسطة atyam

الله يبارك فيك ياباشا والجنوط الاصلية كانت حديد وشايلها تحسبا انى ارجعلها تانى

كده تمام أوعى تفرط فيها وربنا يباركلك

**mazeen** · 22-03-2012 08:29 PM

المشاركة الأصلية كتبت بواسطة el_nahal2004

مش معقولة ياعم الكلام ده بجد
انا جايبهم منه برده ب 4500
عيسى عوض الى فى الهرم عند خزان المية
بس الراجل ده للاسف طلع مغلى علينا فى سعر الجنط عشان لقيته برة بعديها ب 2100
وضحك عليا كمان فى الرينجات بتاعته مدهمليش ولما رحتلوا تانى خلانى ادفع 40 جنيه بعد فصال ده كان عايز 80 عشان بيقولى الجنط بيجى من غير رينجات

**mazeen** · 22-03-2012 08:32 PM

للأسف يا جماعه عيسى عوض ده غالى جداً وعلى فكره أشرفكو ف السواح عنده نفس الجنط والكاوتش وأرخص لانه الوكيل بتاعهم وناس محترمه جداً فى تعاملهم يديك السعر شامل الرنجات والصواميل النيكل والنيتروجين والترصيص

**el_nahal2004** · 23-03-2012 03:19 AM

المشاركة الأصلية كتبت بواسطة mazeen

للأسف يا جماعه عيسى عوض ده غالى جداً وعلى فكره أشرفكو ف السواح عنده نفس الجنط والكاوتش وأرخص لانه الوكيل بتاعهم وناس محترمه جداً فى تعاملهم يديك السعر شامل الرنجات والصواميل النيكل والنيتروجين والترصيص

يارتنا كنا عرفناك يامستر ايمن من زمان
كنا كسبنا اخ كبير لينا واستفدنا من خبراتك وكنت تدلنا على الصح
بس يلا الحمد الله على كل شيئ

**mazeen** · 23-03-2012 11:14 AM

المشاركة الأصلية كتبت بواسطة el_nahal2004

يارتنا كنا عرفناك يامستر ايمن من زمان
كنا كسبنا اخ كبير لينا واستفدنا من خبراتك وكنت تدلنا على الصح
بس يلا الحمد الله على كل شيئ

**atyam** · 24-03-2012 02:56 PM

المشاركة الأصلية كتبت بواسطة atyam

الف شكر ياباشا ومفتكرش انو حطهم
ومتهيالى عديت ال120 وملاحظتش الموضوع ده
بس للامان برضو هروح يوم الجمعه اسال عليهم واركبهم

الحمد لله ركبت الرنجات وكلو تمام

وحسبى الله ونعم الوكيل فى عيسى عوض اللى معندوش ضمير

**sanhory** · 24-03-2012 03:23 PM

المشاركة الأصلية كتبت بواسطة moh19227

الف مبرووووك يا باشا

بس اللي انا اعرفه انك لما تكبر الجنط العزم بيزيد مش بيقل لكن ال Top Speed هوا اللي بيقل

!!

تكبر الجنط او تصغره مش فارقه المهم ما يبقاش عشوائي

المفروض اللي بيكبر الجنط دا بيكون عامل حسابه يعوض فرق الحجم بحسابات في العرض و البروفيل

عشان في الاخر يكون قطر العجل الخارجي هو هو زي الاستوك يعني لو كان 13 و ركب 17 و يجيب الفردتين جمب بعض المفروض يكونوا قد بعض في القطر و المفروض دا مياثرش على اداء العزم في اي حاجة ولا في السرعات العالية

لكن

- تعديل جنط جديد بحجم اكبر و قطر اكبر من الاصلي يؤدي لضياع عزم السيارة لكن توب سبيد اعلى
- تعديل جنط جديد بحجم اكبر بقطر اصغر من الاصلي يؤدي لزيادة عزم نوعا ما و ضياع التوب سبيد

و دا لينك لتظبيت المقاس الجديد بناءا عالمقاس الاصلي
Tire size calculator

و اللي عايز اقوله كمان ان الجنط لو راكب بالمقاسات الصح حتى لو 18 لا يؤثر في ارتفاع السيارة عن الارض و المفروض انها تكون في نفس ارتفاعها بالمقاس الاصلي