الموضوع: هوه ليه قسم الأوبل كده ( موضوع للهزارر )

بحس ان احنا فى قسم الأوبل مش بنرشح العربية ديه لأى حد
لو حد جيه و سأل عن الفيكترا ايه أو بى ممكن نشكر شوية
اى حاجة تانية ابعد عنها

شوية و حاسس انى هلاقى طنانى كاتب على المنتدى من بره جنب كلمة أوبل
أوبل ( A & B ) فقط

و هنلاقى واحد طبعا هوه عارف نفسه عامل قسم تحت قسم الاوبل بتاع طنانى كاتب عليه
فيكترا C ( للبيع و مش هبيع )
و القسم ده مش هيكون فيه اى حاجة غير برضه نفس الواحد ده عمال يشتم و يلعن فى عربيته و يكتب مشاكله عنها بس و طبعا هيكون منسق القسم فيعمل اللى هوه عايزه
طبعا عشان مفيش غيره
و اتنين غلابه بيخشوا يهدوا فيه كل شوية و يطلعوا و غلتطهم كلها انهم معاهم نفس العربية و هما برضه عارفين نفسهم .

بقيت شايف ان لو حد غلط و دخل هنا و أفتكر ان العصابة هتشجعوا لما يسـأل على عربية أوبل جديدة ( بعيدة عن ال ايه و البى )

هيلاقى طنانى باشا ( منسق أوبل ايه و بى فقط )
بونيات و شلاليت فيه ويقوله ابعد عنها احسنلك و يطلعلوا العين الحمره ( ابعد عن منصور )

و طبعا اللى بيكون موجود من العصابة فى الوقت ده بيقوم بالواجب و كل واحد يخش ينغز نغزه و يطلع يجرى


و يجى ( الى ربنا يكرمه دايما و بفتكره فى الخير على طوووووول ) خالد أيمن جرى يقوم مدي روصية لصاحب الموضوع
و يقوله ابعد عن الفيكترا سى انت مش شايف كل المواضيع اللى انا كاتبها
الراجل يستغرب يقوله بس انا مش بسأل عن الفيكترا سى اصلا

فخالد يسكت و يفكر
يقوم ضارب صاحب الموضوع بشومه على راسه يخليه ينسى فكرة انه كان بيفكر يشترى عربية من أساسه و يقوله ابعد عن منصور كأن منصور ده ...................
حد من العيله

الراجل يقف مش فاهم هوه احنا ليه كده ولا هوه دخل قسم غلط و يطلع يبص هوه كتب الموضوع فين يلاقى انه كتبوا فعلا فى قسم الأوبل امال ايه الحكايه و مين منصور اللى يبعد عنه و يدخل يعتذر انه فاكر انه غلط فى حد فى القسم .

و يجى الفارس أحمد فهمى يفهموا الحكاية من الأول و مين منصور و ان الأوبل ديه عربية كويسة جدا بس المشكلة ان احنا خايفين عليه من التوكيل مش أكتر و مش عايزين نشيل ذنبه لو حصل حاجة و التوكيل محلهاش .

و أجى انا البرنس راكب الأسترا ( الايزى ترونيك ) أقف ادام خالد أيمن اتخانق معاه على الفتيس الايزى ترونيك فى لقطة ملهاش دعوه بالموضوع من اساسه بس عامل مشترك فى اى موضوع دخلت فيه انا و خالد

طبعا صاحب الموضوع يعد ادام الكمبيوتر يخبط اخماس فى اسداس من الجنان اللى فى القسم ده
و يطير على قسم الزيستافا
عشان الناس هناك كلها بتشكر فى العربيات بتعتها و ان مفيش احسن من منصورها
قصدى من توكيلها .

و توتا توتا خلصت الحدوتهههههه


الموضوع للضحك مش أكتر
و اسف على الإطالة

ههههههههههه حلو دا يا حسن
بس انا اكتر حاجه مش عاجباني في قسم الاوبل
ان ماشاء الله اعضاءه كتير بس مش كله بيشارك
لما الفتيس عندي كان فيه مشكله ماحدش رد عليا غير بعد ما غيرته لقيت فادي وطناني ردو هههههههه
لدرجه اني ساعات ببقي عايز اسأل ف حاجه بس بقول لا ياعم انا اروح للميكانيكي اسهل لسه هعمل موضوع
و رغم خبرتي القليله جدا في العربيات بس بحاول افيد اي حد ولو رد مؤقت لحد ما يرد عليه حد زي طناني او فادي
ماهو مش عشان طناني هو المنسق يبقي يشيل الليله لواحده هههههه ولا ايه !!

المشاركة الأصلية كتبت بواسطة tananybasha

ههههههههههههههههه
بس والله ظالمنى
انا معرفشى فى السى و لا الأسترا
و مش باحب افتى
و سايباها لخالد ايمن و احمد فهمى

و انا هتشيلينى الليله ليه يا عمرو
انا شايف قدامى

لا انا معاك يا كبير بقول مش عشان انت المنسق يبقي تشيل الليله لواحدك يعني هههههه

المشاركة الأصلية كتبت بواسطة alnmr79

يا مزاجك العالىىىىىىىىىىىىىىىىىىىى ىى ههههههههههههههههه

انت لسه شفتوا حاجة

المشاركة الأصلية كتبت بواسطة medo111

هههههههههههههههههه واللهي هو دا فعلا حال القسم دامن حال عربياتو سعات تبقي تمام وحلوه وسعات تبقي مش طايقها

+11111111

يا طنانى يا كبير انا بجد و اللهى بهرج معاك اكيد اكيد انت فوق راسنا كلنا و من قال لا أعلم فقد أفتى
و كفاية بجد انك بتاخد بأيد كل واحد عنده مشكلة فى العربية لحد ما تتحل

و اكيد كفاية على الفيكترا سى خالد مخلص عليها باقى فى القسم 3 بالضبط و بكده مش هنشيل هم ان حد يسأل على العربية ديه

انا بس عملت الموضوع ده لأنى حسيت انى بقيت غريب
فجأة قلت يعنى انا لو كنت دخلت على المنتدى ده قبل ما اجيب عربيتى هل كنت هجبها برده و لا كنت هلاقى ردود الناس مش مشجعة فالموضوع هيتقفل بالنسبه ليا للعربية بتاعتى .
و بصراحة انا شايف انه لو كان حصل كده كان زمانى بندم على اى حاجة تانية انا جبتها لأنى شايف ان العربية اللى معايا و الحمد لله هايلة و مش كنت هلاقى حاجة زيها
.
و طبعا من اول ما انا وعيت على القسم و بدأت أقرا بتركيز ألاقى منصور عامل مشترك و ان الناس كلها لازم تبعد عنه ( عشان قريب خالد أيمن )
و لقيت نفسى بدأت اقول نفس الكلام ده برضه ابعد عن منصور
ابعد عن منصور
ابعد عن منصور
لاااااااااااا منصور لاااااااااااااااا
لحد ما لقيت نفسى سبته و مبتعملش معاه مع انى مشفتيش من التوكيل اى حاجة وحشة بس لقيت نفسى بقول زى ما جيت و لقيت الناس كلها بتقول .
عشان بدأت احس ان معظم التوكيلات فى نفس مستوى منصور بس محدش بيعمل اللى احنا بنعمله

انا عايز اعرف هوه فيه حد مر بالأنا بتكلم فيه ده و لا كله جربه و لا كله على السمع ؟؟؟؟؟؟؟؟؟؟؟؟؟؟؟!!!!!!!!!!!!!!!!!!!! !!!!!!

يا عمرو يا جمال انا معاك فى اللى انت بتقوله بس المشكلة ان عددنا مش قليل بس الناس اللى عندهم خبرة مش كتير خالص
زى انا مثلا بطيخه فى الميكانيكه تقولى سليكتور ضرب ايدل بيولع وش سلندر و اللهى ولا أعرف مكان اى حاجة من الحاجت ديه و لا حتى بيعملوا ايه فى العربية
ده انا النهاردة عجلة العربية اتقطعت مكنتش عارف احط الكوريك فين عشان ارفع العربية

انا أوقات بحس نفسىى و انا فى القسم ده بفيلم الكيف
حضرتك جاى تعزى و لا جاى تهرج
لا انا جاى اهرج
اهوه ده انا


كفاية تسقيف يا جماعة انا عارف انى قصرت عليكم