الموضوع: استخدام البولش لعلاج اثار الاحتكاك فى شوارعنا الجميله

المشاركة الأصلية كتبت بواسطة alking_2006

السلام عليكم

امبارح و لله الحمد تاكس شاهين حك فى عربيتى اللى لسه راششها و النتيجة شرخ بالأكصدام الخلفى و الدهان اللى عند تنك البنزين عايز يتلمع علشان فيه اثار من الاحتكاك

فكنت عايز اعرف ايه احسن انواع البولش (الملمع) و بيبقى بكام و اجيبه منين و المع ازاى اثار الخبطة

و لو حد يعرف اى محل بيلحم اكصدامات يا ريت يقوللى علشان المحل اللى انا اعرفه بعيد (فى باسوس طريق القناطر)

و شكرا و ربنا يكفينا شر الطريق

الحكة اللي نتج عنها لون التاكس طبع ع العربية ؟؟ و لا اللون بتاع عربيتك اتشال ؟؟
لو لون التاكس طبع هي حتة قطنة و شممها تنر و شيل اللون
اما لو اللون في عربيتك اتشال لكن خدوش خفيفة
فيه بولش اسمه سيمونز و ده هتلاقيه بلون العربية يعني احمر او ازرق او ..او..الخ بيداري الخدوش الخفيفة و ده بـ30-40 جنيه
و فيه انواع بولش تانية عادية للتلميع بس فيه الغالي و فيه الرخيص انا عن نفسي بستخدم بولش كريم بتجيبه من عند اي موان او بويات قوله بولش عربية هيديك علبة صفرا غطاها احمر بـ 6 -7 جنيه
و فيه انواع تانية زي فورميلا او ترتل برده في نفس سعر السيمونز و اي نوع من الانواع ديه ادخل جيبه من سمايل اللي في وطنية معادا اللي قولتلك عليه من عند الموان
و البولش كفاية مرة كل 6 شهور او سنة عشان الدهان

فيه حاجة للخدوش الأكبر شوية و هو قلم دوكو سعره تقريبا 25 جنيه بتمشي بيه ع الخدش بس بصراحة مجربتوش