تمنه 69 فقط
واكيد الفرق دة جمارك ووزن
لأن exxon mobil احد موزعينه فبالتالي مفيش ارباح لمستورد او تاجر جملة او ما شابه
وفي منتجات stp تمنها 22 جنيه فقط
اعتقد انهم مش مغليين في ثمنه ولا حاجة
شكرا علي مرورك
والله المستعان
،
،
عرض للطباعة
للعلم يا هندسة
الفرق اللي انت شايفه ده مش سببه المنظف لواحده ابدا مستحيييييييييييييل وده شيء انا متأكد منه و لكن
انت عربيتك كانت قرفاك و بتدور كل فين و فين و محاولات و قصص و حوارات انت عارفها و أسبراتير و طلمبة و ووووو كل دي حالات يستحيل معها حساب معدل استهلاك بنزين مضبوط تمام كده كان المفروض ان بعد ضبط العربية و اعادتها للتشغيل الطبيعي يعني تدور بشكل طبيعي من غير مشاكل و تمشي متبطلش و مضبوطة و وو هكذا ساعتها كنت تبدأ تحسب الاستهلاك و بعدها تستخدم المنظف و تحسب تاني عشان تكون الدنيا واضحة و مافيش فيها لبس و لكن انت عندك فيه عوامل كتيييييييير اتغيرت و اتظبطت مع بعضها و مع استخدام المنظف خلاك تتخيل ان كل ده تأثير ال stp ........... فهمني ...... واخد بالي من اللي في دماغي ...
انا فقط عايز نعطي كل شيء حجمه و كمان ثمن ال stp مش رخيص يعني تقريبا قد ثمن 43 لتر بنزين 92 يعني تفويلة كاملة يعني اقتصاديا مش رخيص بالمرة فكل واحد يحسب حساباته و يشوف يناسبه استخدامه امتي و ليه
و بالتوفيق للجميع ان شاء الله
-مبروك يا باشمهندس محمد,انا هجيب سيات علشان اقعد معاكم شرعي مش عرفي...
- خلي بالك مش هتعرف تفك غطا الطرنبه تاني ,البنزين اللي وقع عليه نظف التراب و بيخليه حديد في حديد ,حازل تهوي منه لفتين وتحط (لحسه) شحم او دبليو دي فور ..
-في اجراء امني مهم لازم تعمله قبل فك الطرنبه او فلتر البنزين , هتدور العربيه واثناء الدواره تشيل كتاوت الطرمبه الرئيسي علشان تفضي ضغط الطرمبه من البنزين وكذلك تمنع الكهربا عن الطرنبه علشان لا قدر الله لو حصل شرز من الفيشه او اللوامس ماتعملش كارثه..
-بالنسبه لمنتج stp جربته قبل كده والرخيص منه ب22ج ممتاز وفعلا بياثر علي السحب والاستهلاك ومؤشر قرايه التانك بيظبته(ازاي ماعرفش) بس يفضل تغير فلتر البنزين او حتي تنظفه بالهوا قبل وضع المنظف لانه لو متسخ جدا هيودي الاوساخ دي علي البوجيهات ووش الصبابات
-لو عاوز تنظف الرشاشات تنظيفه ترجع بيها جديده زيرو , فكهم وتمسك كل واحد وتلبسه خرطوم من مدخل البنزين بتاعه (خرطوم شفاف رفيع زي بتاع الجلوكوز) والطرف التاني لبسه في طرف سرنجه كبيره مملؤه بمنظف الرشاشات stpووصل الرشاش بالكهربا وانت بتضغط علي الحقنه ( الضغط مماثل لضغط الطرنبه)
وحط طبق تحت الرشاش واتفرج علس اللي هينزل منه شاي صعيدي ..ربنا يوفقك ,تحياتي
تم الرد في موضوع أخر من باب وضع الأمور في نصابها
الف شكر ليك يا باشمهندس
انا فهمت قصدك
وربنا مايحرمناش منك
http://www.nilemotors.net/Nile/27788...post3874189536
والله المستعان
،
،
الله يبارك فيك يا استاذ فادي
احنا يشرفنا وجودك معانا في القسم سواء معاك سيات او مش معاك
وان جيت للحق انا مش عايز افك الطرمبة تاني الا لو لزم الأمر
انا فعلا كنت قلقان جدا من موضوع الكهرباء بتاعتها بس الي طمني نوعا ما ان ترامل الفيش بتاعتها غطسان وسط البنزين سواء الفيشتين بتوع الطرمبة او الترملتين بتوع الشريحة بتاعة العوامة - بس هذا لا يمنع ان الأحتياط واجب
فعلا أثر معايا كدة في مؤشر مستوي البنزين
وانا اعتقد ان المنظف هينظف اي اتساخ موجود علي البوجيه او وش الصبابات
انت تقصد اني اطلع المنظف من الناحية التانية منه - بالعكس ؟؟؟
زي بالظبط لما قولتلي اشغل الطرمبة بالعكس عشان اطرد الأتساخ الي جواها
بس انا مش عارف ازاي هلبس الطرف بتاعها في سرنجة ؟؟؟؟
انا للأسف مش عارف ارفع صور عشان انا في الشغل وقافلين موقع الصور عندنا
لما اروح انشاء الله هحاول ارفع الصور
علي كل الأحوال
شكرا جدا يا استاذ فادي علي الأرشادات
والله المستعان
،
،
ماشاء الله على كلامك هو فرق انا اللى جربته اسبراى البوابة وفرق شوية بالذات فى استجابة العربية
ربنا يكرمك يا باشمهندس...
انا قصدي فعلا زي ماعملت في الطرمبه وتعكس الاقطاب وهكذا...
-في طريقه تانيه اسهل شويه .بص ياباشا..
-هتجيب سرنجه تخينه شويه وتشيل المكبس بتاعها خالص
-هتحشر طرف الرشاش فيها من تحت بدل الكباس
-هتركب الشاليموه اللي بتيجي مع منظف الانجكشن (الاسبراي اللي بيستخدم في تنظيف البوابه)
في طرف السرنجه (مكان السن ) وطرف الشاليموه التاني يركب في منظف الانجكشن مكانه عادي خالص
-هتوصل الرشاش علي بطاريه 12 فولت عن طريق فيشه قديمه للرشاش او باي طريقه
-اضغط علي السبراي ..هينزل في الحقنه ...وصل الدايره ....الرشاش هينزل البلاوي اللي جواه.
-ابدا في العمليه دي بالعكس (خلي in هو out) في الرشاش علشان تنظف المصفه الداخليه اللي جوه الرشاش
وبعد كده غير وضع السرنجه بالنسبه لفتحه الرشاش (ارجع للطبيعي)
-لو لقيت فتحه السرنجه اوسع من الرشاش ممكن تحط علي جوان كاوتش رفيع زي اللي بيبقي جوه الايديال كونترول كده او تخلع اللي في طرف الرشاش وتركبه الناحيه التانيه ..
-الطريقه دي تنفع للي عربيته MPI اللي فيها 4 رشاشات ومسطره ...انما اللي عربيته SPI زي حاله العبد لله فماينفعش لان الرشاش الواحد بياخد تغذيته من مانفولد السحب نفسه من الجنب
مش عارف حاسس ان شرحي صعب شويه حد فاهم حاجه ؟؟ بالتوفيق ان شاء الله ..
والله المستعان...