أزمة البنزين في القاهرة عادت من جديد

**me_medoo** · 21-03-2012 02:15 AM

ياباشا ... لو حطيت سولر في اليارس هتزغرط وترقص عشرة بلدي قدام البانزينة كمان .

بس لأنها فيها تكونلوجية وأنجكشن بس انا بكلمك على عربيات وحوش الاسفلت النص نقل والميكروبصات تويوتا القديمة ... مش فارقة معاها بانزين ولا جاز ولا شوية سولر ..
يعني ميكروباص تويوتا بتاع السولر لو حطيتلو بانزين فكأنك بتدلع العربية وبدل ماشتربها قزازة حاجة سقعة كأنك بتسقيها كوبيات فخفخينة او كوبيات منجا من عند فرغلي ... وتلاقي الميركوباص عاوز يفتح الباب للسواق تحية وتقدير ليه وان طالت العربية توطي تبوس جزمتو عتعملها ... لأنو سقاها حاجة نظيفة هيا مش متعوده عليها ومحرمة منها بقالها سنين .

**Hondawy_2008** · 21-03-2012 03:12 AM

مش لافي نقطة بنزين غير اني انهردة نزلت لاقيت المرايا مسروقة البلد دي خلاص ميتعش فيها بلد كلها حرامية لا فيها شرطة ولا حكومة ولا رئيس اللي أمه داعياله يخرج ميرجعش تاني البلد ............ دي

**Elawany13** · 21-03-2012 07:57 AM

المشاركة الأصلية كتبت بواسطة me_medoo

ياباشا ... لو حطيت سولر في اليارس هتزغرط وترقص عشرة بلدي قدام البانزينة كمان .

بس لأنها فيها تكونلوجية وأنجكشن بس انا بكلمك على عربيات وحوش الاسفلت النص نقل والميكروبصات تويوتا القديمة ... مش فارقة معاها بانزين ولا جاز ولا شوية سولر ..
يعني ميكروباص تويوتا بتاع السولر لو حطيتلو بانزين فكأنك بتدلع العربية وبدل ماشتربها قزازة حاجة سقعة كأنك بتسقيها كوبيات فخفخينة او كوبيات منجا من عند فرغلي ... وتلاقي الميركوباص عاوز يفتح الباب للسواق تحية وتقدير ليه وان طالت العربية توطي تبوس جزمتو عتعملها ... لأنو سقاها حاجة نظيفة هيا مش متعوده عليها ومحرمة منها بقالها سنين .

ميدو باشا صاحب أجمل حس فكاهى فى المنتدى
موضوع انك تحط بنزين فى محركات السولار خيالى شوية

بالنسبة للميكروباصات اللى بتحط بنزين
فعلا فيه ميكروباصات وعربيات نصف نقل محركاتها بنزين مش سولار وعادى انها تحط بنزين

**amdd** · 21-03-2012 10:50 AM

حسبى الله ونعم الوكيل البلد بقت مهلبية
انا عن نفسى حاسس اننا قاعدين فى طاسة كبيرة وكل شوية حد يقلبنا فى بعض لغاية منستوى وريحتنا تطلع حتى من غير شوية زيت يلينوا معانا
وكل حاجة متزحلقة فى اى حاجه كاننا مثلا كنا فى 2012 ومره واحده قالولنا انتو فى سنة 1012 وعيشوا فيها ولا بنزين ولا شرطة ولا عيش ولا عدل ولا جيش ولا بوتاجاز ولا احترام ..الحاجة الوحيده اللى موجوده هى الشعب ..وهما هيخلصوا عليه فى ظرف 3 سنين وهيموتوه ومش هتلاقوا حتى التموين الصحى اللى بييعالج الناس بالكدب

**abdalah_hashem** · 21-03-2012 10:52 AM

كان فى جلسة فى مجلس الشعب امبارح شوفتها على قناة اون تى فى تقريبا وزير البترول بيقولهم الحاجة موجودة ومتوفرة بس المشكلة فى نقلها وتوصيلها لمحطات التوزيع .... وسمع احلى كلام
... فربنا يسهل بقى وتتحل بسرعة

**mesaharaty** · 21-03-2012 12:45 PM

كنتو تعالو شوفوا الفرجة اللى على أصولها النهارده الصبح الساعة 9 تقريبا عند محطة التعاون اللى فى الزهراء على الكورنيش (قريبة من محطة مترو أنفاق الزهراء) وشوفو السولار خارج ازاى بالجراكن ومافيش بنزين نهائى والدنيا زحام رهيب وخربانة والشرطة بتنظم المرور وواقفين عند البنزينة لأن الدنيا بايظة هناك .

لنا الله

**hosar** · 21-03-2012 12:51 PM

ربنا يستر على اليوميين الجايين طالما أفتربنا من الانتخابات

**me_medoo** · 21-03-2012 01:44 PM

حبايب قلبي واللهي ... بس تفتكرو الازمة دي كلها علشان المواطن يشتري البانزين من السوق السودة ... علشان يعودوه على السعر الجديد ... طيب ما رجعنا برضو يا عبدالمعين للنقطة الاولى منين المواطن هيجيب فلوس يدفع فيه بانزين اذا الفلوس الي بياخودها يادوبك تكفيه اكلو وشربو ومصاريفو بالعافية .

يعني هو احنا معنا ... بس بندعي الفقر ... ولا مخبين فلوسنا في بنوك سويسرا بره علشان محدش ياخودها ، ماهو المفروض الحكومة عارفة البير وغطاه ... وعارفه الشعب بتعها فقران ازاي ومدمر ... مشكلة الحكومة : عدم تبني مشروع قومي لتشغيل الناس وحركة سوق العمل ... والنقطة التانية كمية موظفين لمهمش لازم ... عالة على الحكومة .

الموضوع: أزمة البنزين في القاهرة عادت من جديد

LinkBack

أدوات الموضوع

عرض

-

-

-

-

-

-

المواضيع المتشابهه

أزمة البنزين ومؤشر البنزين لعربيتى الكورولا 2003 مانيوال

تطوير النقل النهري لتخفيف أزمة المرور في القاهرة

البنزين بقي يتشفط من بعد أزمة البنزين .. أستهلاك عالي ... حد بيحصل عنده كدة ؟

مبروك للجميع إنفراج أزمة البنزين بأنواعه

الكلمات الدلالية لهذا الموضوع

المفضلات

المفضلات

ضوابط المشاركة