أغلب محطات البنزين في القاهرة ما فيهاش بنزين ولو ربنا كرمك هاتلاقي 95 وبالعافية، المقطم امبارح ما كانش فيها نقطة غير لما العربيات البنزين جت بعد الساعة 12 صباحا والطوابير بالكيلو، أنا مش فاهم آخرتها إيه عاوزنا نبيع العربيات يقولوا ويريحونا
عرض للطباعة
أغلب محطات البنزين في القاهرة ما فيهاش بنزين ولو ربنا كرمك هاتلاقي 95 وبالعافية، المقطم امبارح ما كانش فيها نقطة غير لما العربيات البنزين جت بعد الساعة 12 صباحا والطوابير بالكيلو، أنا مش فاهم آخرتها إيه عاوزنا نبيع العربيات يقولوا ويريحونا
حاسس انها ازمة ضمير مش بنزين
لا حول ولا قوة إلا بالله
الأزمة باقلها اسبوع بالظبط
سولار وبنزين وبتوجاز على مستوى الجمهورية
ربنا يرحمنا برحمته
حاجة تقرف جدتى تعبانة مش قادر اوديها للدكتور
وعليا ضرر فوق طاقتى
حسبى الله ونعم الوكيل
لا حول ولا قوة إلا بالله
مش عارف هيودونا على فين بالظبط
بس هي اكيد ازمة مفتعلة طبعا عشان الناس متفكرش في حاجة
دي سياسة حقيرة عشان الشعب ميفكرش في اي حاجة على طول يكون ملهي بحاجة يفكر ويتكلم فيها
شوية بنزين
شوية سولار
شوية انابيب بوتجاز
اعتقد الدور الجاي على رغيف العيش
انا مونت امبارح الحمد لله
ربنا يستر علينا جميعا يا رب
مش عارف اقلكم ايه بس انا حاسس ان الازمة دي مرتبطة ... بالاوضاع السيئة في غزة ... واحتياجهم للسولار ... فتلاقيه بيتهرب ليهم ... فيحصل عجز للسولار في مصر ... فتلاقي المصانع الي عايشة على السولار بتشتغل بالغاز فيشح الغاز ... ولأن الغاز والسولار شح في السوق ... فتلاقي الميكروبصات تنقل على البانزين فيحصل عجز في بنزين 80 و تسعين فتلاقي العربيات التانية الي عايشة على 80 و 90 تنقل على 92 ... فبالتالي يبقى عجز كبيررررررررر في الدولة . وتتلخبط المسائل وميبقاش غير بنزين 95 .
لا ينفع ... الي خلى الناس تغمز الكشري بالعيش ... ويحطو البسبوسة على الكنافة وعليهم مهلبية وفواكه ... وأي عك في اي عك ... مش هيحطو بانزين في التنك بدل السولار ... يابيه الميكروبصات ماشي تنتع في الشوارع وشكمنتها بطلع حتت دخنة ... وهيعملو ايه عاوزين يشتغلو . يقفوو يعني . ولا ايه رأيك ياباشا .
أعتقد انتاجنا من البترول ضعيف جدا بالمقارنة مع استهلاكنا
عشان كدة حاسس في المستقبل القريب هيبقي من النادر وجود بنزين أصلا
ههههههههههههههههههههههههه ههههههههههههههههههههههههه ه
و الله انتو ناس زي العسل
في الصعيد تم ضبط تريلات نقل البنزين وهي تفرغ حمولتها في الصحراء
هقول حضرتك ... دلوقتي لو جيرانك عندهم مشكلة او عزى او فرح او حتى تسريب في المجاري على شقتك ... في بالتالي المشكلة بتسمع عند حضرتك بشكل ما وتقرفك .
نفس المشكلة في فغزة أزمة في الوقود بصفة عامة ... والمصريين المخلصين لبلدهم ... والي بيحبو الفلوس بيسحبو السلع من السوق ويقوموا ضخينها على غزة علشان تتباع في السوق السودة بأسعار خيالية ... فبالتالي بيحصل عندك نوع من الفجوة الاقتصادية ... والازمة في الوقود .
غير كده وكده اساساً من شهر يناير وفبراير من كل سنة بيحصل ازمة في الغاز ... بسبب ان الغاز بتاع الانابيب بيتجمد من البرد ... المهم أن انا واحد بستخدم بانزين 90 ملقيتش هعمل ايه أقوم واخد 92 ... طيب وملقتش 92 ... أقوم داخل على بانزين 95 وهكذا ... فبيحصل خلل في طبقات العرض والطلب في السوق ... مما يسبب أزمة في كل الانواع .. يعني بالبلدي كده ازمة بتسمع على ازمة ... أو أزمة بتصنع أزمة أخرى .... أنشالله يكون وضحت وجهت نظري وتحياتي .
حضرتك مواتير الميكروبصات ... او عربيات النص نقل الدبابة متفرقش معاها بانزين ولا سولر ... المهم تحطلها حاجة بتولع نار وتديك طاقه ... ههههههههههه ولو طالو يحطلوها شوية فحم ويشغلوها هيحطولها فحم وولعة ... المهم المتور يشتغل وميقفش لأن وقفت الميكروباص بخسارة عليه ... وبعد كده بيقوم فاكك الكربريتر ينضفوو ... ويرجع أخر حلاوة وبدليل زميلي عندو بيجو 405 ... كان بيحطلها 92 ... وبأه يحطلها بانزين 80 وماشية واخر حلاوة ومبتقولش لأ .
وهتلاقي الميكروبصات بقوو يوقفو في البانزينة عند قسم البانزين 95 دلوقتي ولاحظ الموضوع ده .
مواتير تويوتا بتستحمل اي هباب اسود يتحط فيها . وتحياتي .
نفس المواااااااااال هناااا فى الشرقية.... والله منااظر بجد تحزن كل العربيات واقفة طواااااااااابير واللى يلاقى 90 تبقى امه داعية ليه دعاااا مافيش زيه...وغير كده فعلا ازمة البوتجازات حاجة غريبة.. عايزين يموتوا ويجوعوا الشعب بالبطىء..
الواحد يعمل ايه يعنى مش عارفة..
ربنا يسهل الامور ياااااااااارب :(
ياباشا ... لو حطيت سولر في اليارس هتزغرط وترقص عشرة بلدي قدام البانزينة كمان .
بس لأنها فيها تكونلوجية وأنجكشن بس انا بكلمك على عربيات وحوش الاسفلت النص نقل والميكروبصات تويوتا القديمة ... مش فارقة معاها بانزين ولا جاز ولا شوية سولر ..
يعني ميكروباص تويوتا بتاع السولر لو حطيتلو بانزين فكأنك بتدلع العربية وبدل ماشتربها قزازة حاجة سقعة كأنك بتسقيها كوبيات فخفخينة او كوبيات منجا من عند فرغلي ... وتلاقي الميركوباص عاوز يفتح الباب للسواق تحية وتقدير ليه وان طالت العربية توطي تبوس جزمتو عتعملها ... لأنو سقاها حاجة نظيفة هيا مش متعوده عليها ومحرمة منها بقالها سنين .
مش لافي نقطة بنزين غير اني انهردة نزلت لاقيت المرايا مسروقة البلد دي خلاص ميتعش فيها بلد كلها حرامية لا فيها شرطة ولا حكومة ولا رئيس اللي أمه داعياله يخرج ميرجعش تاني البلد ............ دي
السلام عليكم ورحمة الله وبركاته
أظن إن الأزمات دى (البنزين والسولار والغاز) الغرض الأخير منها هو سحب الدعم ورفع الأسعار رسميا. لو فضلت الناس ترفض شيل الدعم حاتسنمر وتزيد الأزمات لغاية ما الناس هى اللى تبوس إيد الحكومة عشان يشيلوا الدعم
حسبى الله ونعم الوكيل البلد بقت مهلبية
انا عن نفسى حاسس اننا قاعدين فى طاسة كبيرة وكل شوية حد يقلبنا فى بعض لغاية منستوى وريحتنا تطلع حتى من غير شوية زيت يلينوا معانا
وكل حاجة متزحلقة فى اى حاجه كاننا مثلا كنا فى 2012 ومره واحده قالولنا انتو فى سنة 1012 وعيشوا فيها ولا بنزين ولا شرطة ولا عيش ولا عدل ولا جيش ولا بوتاجاز ولا احترام ..الحاجة الوحيده اللى موجوده هى الشعب ..وهما هيخلصوا عليه فى ظرف 3 سنين وهيموتوه ومش هتلاقوا حتى التموين الصحى اللى بييعالج الناس بالكدب
كان فى جلسة فى مجلس الشعب امبارح شوفتها على قناة اون تى فى تقريبا وزير البترول بيقولهم الحاجة موجودة ومتوفرة بس المشكلة فى نقلها وتوصيلها لمحطات التوزيع .... وسمع احلى كلام
... فربنا يسهل بقى وتتحل بسرعة
كنتو تعالو شوفوا الفرجة اللى على أصولها النهارده الصبح الساعة 9 تقريبا عند محطة التعاون اللى فى الزهراء على الكورنيش (قريبة من محطة مترو أنفاق الزهراء) وشوفو السولار خارج ازاى بالجراكن ومافيش بنزين نهائى والدنيا زحام رهيب وخربانة والشرطة بتنظم المرور وواقفين عند البنزينة لأن الدنيا بايظة هناك .
لنا الله
بجد بقت حاجه تخنق عمرنا ما سمعنا عن ازمات بنزين فى الدول التانيه رغم انهم مستوردين ليه
لابد من الرقابه على المحطات حراااااااااااااام بجد
اتقوا الله فى البلد بقه
ربنا يستر على اليوميين الجايين طالما أفتربنا من الانتخابات
حبايب قلبي واللهي ... بس تفتكرو الازمة دي كلها علشان المواطن يشتري البانزين من السوق السودة ... علشان يعودوه على السعر الجديد ... طيب ما رجعنا برضو يا عبدالمعين للنقطة الاولى منين المواطن هيجيب فلوس يدفع فيه بانزين اذا الفلوس الي بياخودها يادوبك تكفيه اكلو وشربو ومصاريفو بالعافية .
يعني هو احنا معنا ... بس بندعي الفقر ... ولا مخبين فلوسنا في بنوك سويسرا بره علشان محدش ياخودها ، ماهو المفروض الحكومة عارفة البير وغطاه ... وعارفه الشعب بتعها فقران ازاي ومدمر ... مشكلة الحكومة : عدم تبني مشروع قومي لتشغيل الناس وحركة سوق العمل ... والنقطة التانية كمية موظفين لمهمش لازم ... عالة على الحكومة .
انا مفول امبارح 95 من موبيل صلاح سالم
يا جماعه حد يفيدني لو معدي على الرحاب او الدائري ... بنزينة موبيل الرحاب او موبيل الدائري اللي عند ميراج سيتي فيهم بنزين ولا لأ دلوقتي؟
كله زحمه يا باشا امبارح ساعة عشان نمون انا وواحد صاحبي امارات التجمع
بجد مجلس الشعب بطيخ وربنا بجد حسبي الله ونعمه الوكيل في الاخوان والسلفين ولا اصلحه شيئ من البلد وكل مرة بتسؤ اكثر
بجد اي كنتاكي ده عمال هما وشله ابو دقن عمالين يكلمو وخلاص مقضينها حكاوي القهاوي
ليه كده بس ياباشا ... هما الاخوان ولا السلفين هيعملو ايه يعني بس هيضربو على الارض تطلع بطيخ ... أذا هما مستلمين البلد وحلها مايل ومدمرة ... وكل يوم وكل قناة وفي كل برنامج بيطلع حد يهاجمهم ... وعلى حزب الاغلبية حزب الاغلبية ... مقهورين لأنهم خدو الاغلبية ... والمشكلة مجلس يعتبر منزوع الصلاحيات ... لأن مش بأيدو الحكم ... هو مجلس تشريع ومحاسبة ... بس المشكلة مفيش حد بيطبق ... انتا المشكلة أننا في مصر معندناش قوة تطبق القانون لن الشعب يامشاء الله عاوز يجرد الدولة من كل صلاحيتها ومن قوتها على الارض ... انا مع الاسف بشوف ناس كتير دلوقتي مندسين ... وكل هدفهم تحريضي وتخريبي وزعزعت الثقة بين الناس ... ونشر الاشعات ومع ذلك محدش قادر يكلمهم ولا يقلهم عيب او حتى تلت التلاته كام ...ومن وجهت نظري احنا محتاجين رئيس جمهورية من الاخر بلطجي ... مش محتاجين واحد طيب وابن حلال ولا حنين ... مصر طول عمرها بيحكموها الدكتاتوريين والشعب متعود على كده ... من أيام فرعون ... بالكورباج بنينا الاهرامات وحفرنا قناة السويس وبنينا السد العالي ... وبالدمقارطية والحرية قعدنا في بيوتنا ونزلنا نبلطج في الشوارع .... حتى يا أخي على مستوى العيل الصغير تسيبو يقوم مايذكرش ويروح يلعب تضربو وبالجزمة تلاقيها طلع من الاوائل ، بس تقدر تقلي ازاي المجلس العسكري ولا الشرطة ولا مجلس الشعب ولا حتى مجلس الوزراء هيقدر يسيطر على شعب مشاغب ومشاكس ...ويحل كمان مشاكلهم ... وهو كل ما يعمل حاجة ، يطلع مليون واحد يتكلم ومليون واحد يعتصم ومليون واحد يتظاهر ... والصحافة تكتب والتلفزيون يزيع ... والفضائيات تتكلم وتنشر ... واصبحت البلد مولد ملهوش صاحب ... وعلى مستوى أبن عمتي بعد ماخلصت الثورة واتفض المولد كل شوية رايح فين يابني رايح ميدان التحرير جي منين يابني جي من ميدان التحرير ... يابني خلاص اهمد ما الثورة قامت وخلصت يقلك لا الثورة لسة مستمرة ... ياحبيبي خلاص جتلو الوطنية بعد مالثورة خلصت ... ويقلك عاوزين حقوقنا ... حقوق ايه يا أبو حقوق يقعد يقلك جملتين من الي بنسمعهم في التلفزيون والجرايدة حافظها حفظ ومش فاهم معناها ... ومتلمش الواد وشاف مزكرتو غير لمن ابوه رزعو قلمين على وشو ... علشان يفوق من الغيبوبة الي عايش فيها ... وعاملي نفسو وطني ... تقلش داخل الثورة سمر كورس الي ملحقش الثورة ايام مبارك يعمل ثورة جديدة سمر كورس حاجة غريبة عجيبة وفي النهاية اهو الموضوع جي فو دمغنا البلد مفلسة وازمة في البانزين وازمات أخرى ومش عارفين هنعمل أيه نشحت من البلاد الي جمبينا ...وفي الاخر نقول اخوان وسلفين ... طيب اي حد هيجي في الوقت الراهن لازم الناس تنتقدو حتى الرئيس الجمهرية الي لسه مجاش انا بتوقع انهم بيحضروو مظاهرة من دلوقتي علشان يعترضو عليه .... وتحياتي وأحترامي ليك ولرأيك ياغالي ولرأي كل الموجودين .
لسه مفول من موبيل الرحاب 92 طبور حوال 8 عربيات انتظرت نصف ساعة
موافق على الجزء اللى يخص مجلس الشعب فى كلامك. لكن برضه أزمة البنزين لازم حد مسئول عنها وبيفتعلها وياإما الحكومة هية اللى بتعمل كده عشان تغلى البنزين أو عشان يسقطوا مجلس الشعب ياإما إن حد تانى مستفيد والحكومة عاجزة عن معرفته أو مطنشه. للأسف مجلس الشعب اتكتف بواسطة المجلس العسكرى والحكومة عشان يبان عجزه والناس تثور عليه ويسقط. كل الحاجات اللى وصى بيها المجلس والاستجوابات وحتى سحب الثقة اترفضوا, وربنا يستر فى الشهرين اللى جايين. أنا حاسس إن فيه نية سيئة ويارب أكون غلطان
النهارده في كفر الدوار الدنيا واقفه والزراعي كله واقف عشان السولار واضطريت امشي من طريق موازي ولما وصلت الدولي رحت بنزينة توتال اللي علي الدولي ولقيت صف عربيات نقل كبيييييييييييييييير واقفين وراكينين خالص مستينن السولار يوصل بس لقيتها فيها بنزين وفولت ومشيت الحمد لله
بجد فعلا برافو عليك - مفيش كلام تاني ممكن يقال - كلامك سليم 100% - ياريت بس الناس المحترمة أذا كانت لا تمتلك مهارة التحليل الدقيق لاكاذيب الاعلام المضلل أنها لا تصدقه ولا تنساق وراء أكاذيبه - ذلك الاعلام الهادم والممول بغرض اما عدم وصول الاسلامييين واما هدم البلد -بمعني ان هدفهم اذا وصل الاسلاميين يبقي مفيش خيار آخر سوي هدم البلد - أي هدم المعبد علي الكل لانهم يروا ان وصول الاسلامييين معناة نهايتهم (من وجهة نظرهم ) - ودول مش صنف واحد بل عشرات الاصناف مثلا الرقاصين وعارفين ان الاسلاميين مش هيسمحوا بالرقص - وهكذا كل الاصناف :- المغنييين /الحرامية/ المرتشين /الزناة/ اللوطيين /المثليين /السافرات /بائعي الهوي/ بائعي الخمور/ بائعي المخدرات/ سارقي الدعم (كأصحاب المخابز )/ مستوردي السلع المغشوشة والمنتهية الصلاحية /المحتكرين لكل سلعة/ متوحشي الدروس الخصوصية/ غيلان الاطباء (بعضهم وصل كشفه ل 600 جنية )/ وحوش التأمين الصحي/ الطبالين والمنافقين/ الممتنعين عن الصلاة /الممتنعين عن صيام رمضان / ..........الخ+الخ+الخ+الخ......... لو قعت أحصيهم هفضل للفجر- دة ماسبق بس من المسلمين - ما بالك من أعداء الاسلام المعادين والمتربصين به وبهم كلهم متأكدين ان مصالحهم تتعارض مع الاسلاميين ( طبعا انا متأكد أن محدش هيفهم خطأ ويعتقد بالخطأ أني أقصد أخواننا مسيحيوا مصر لانهم وبكل بساطة هم جيراننا وزملاءنا وأصحابنا وشركائنا وأصدقائنا .........الخ+الخ+الخ....... فهم ونحن شركاء في الوطن والسكن والعمل .......الخ -نحن وهم في سفينة واحدة - ولكن أنا أقصد الاعداء المتربصين- ندعوا الله أن يحفظ مصر والمصريين من كل سوء وينصرنا علي أعدائنا اللهم آمين.