انا كان معايا تيدا قبل الالنترا
عايز اقولك التيدا دى مركبتش عربية زيها عربية مالهاش حل طفرة من نيسان
ياريت يجيبها بدل الصنى و الالنترا
بص علشان الصورة تكون كاملة عندك
قطع غيار الصنى غالية .....بس شوف ميزة انها غالية ايه
هى فعلا كانت غالية جدا بس دلوقت نزلت وبقت مش عالية اوى خصوصا لما قطع الصينى والتايوانى غرق السوق
القطعة الغالية اللى بتركبها فى الصنى بتعرف قيمتها لانك بتنساها فعلا شهور ومبتفكرش فيها تانى الا بعد فترة
طويلة غير قطع غيار الهيونداى الرخيصة بس مش معمره زى الصنى ..وصلت؟
الصنى و الاوبترا ممتازين
الصنى تقنيه قديمه نسبيا بس شكلها مش وحش بس ميزتها انك ممكن تجيبها اتوماتيك باقل من سعر الاوبترا مانيوال
الاوبترا ايضا تقنيه قديمه بس انا بحب شكلها اكتر رغم ان سعرها حاليا 95000 المانيوال انا شايف ان سعرها مغالى فيه جدا , بس الناس بتجيبها علشان قطع الغيار المتوفره جدا و الرخيصه
احنا نجيب البنزين الاول
انا برشح الصنى وده التقرير بتاعها
http://www.nilemotors.net/Nile/278501-a.html
محتار ياريت تفيدونى خاصة انى هجيب العربيه قسط اسكنت rb 2012 ودي شكلها مجننى ولا نيسان مانيوال ولا اوبترا ولا لوجاااااااااااااان بلاك لاين
انا رأي لوجان او صني بسسسسسسس !!!!
العربيتين اللي فيهم وسائل امان وسعر قسطهم كويس بالنسبة لامكانياتهم
ازيد بس الصني تستحمل معاك الخمس سنين ان شاء الله من غير ما تفتح حتي عنيها فيك مش بؤها
ده اللي اضمنه بأمر الله ...... اللوجان مش عارف بصراحة تسد معاك ال5 سنين ولا لأ
ومتنساش الاستخارة وربنا ييسرلك الخير يارب :))
شكر واجب لكل من تفضل بالرد ... شكرا جزيلا
لو ممكن اضيف عربيات تانيه ... انا لقيت بروتون برسونا شكلها معقول ... زوجتي مش عاجبها شكل النيسان .. وانا سالت الوكيل في اسكندرية وبيقول ان الشكل الجديد مش حينزل مصر اساسا ... لان الشكل الجديد ده مواصفات خليج وشوية حاجات كتير كده ومصر مش بتستورد الحاجات دي
فلو ممكن الناس تفيدني برايها في العربية دي .. كويسة ولا لا
ربنا يبارك فيكم