-
شكل الصني الجديد هاينزل من بداية شهر 6 ان شا ءالله او ممكن يتأخر شويه لشهر 10 بأمر الله
والفتايين بتوع الوكيل دول انا مش عارف مش عارف ميعرفوش حاجة ميتكلموش :)))
البيرسونا ممتازة وشكلها شيك جدا بصراحة .......... بس توكيلها مش قد كده وقطع الغيار مش متوفرة
وفي انتظار رأي ملاكها
-
بعد شوية استشارات والاستخارة .. وطبعا اراء قهرية :) .. توكلت علي الله واشتريت رينو سكالا .. انا عارف انها ضد مبادئ اعضاء المنتدي :) وغالبا محدش يعرف عنها حاجة بس ربنا ييسر ان شاء الله
وقريب ان شاء الله ححاول اكتب عن رايي فيها يمكن يساعد الناس شوية
شكرا جزيلا لكم
-
والله الرينوو سكالا هي هي النيسان صني بالضبط
لان الشيب الي موجود في مصر نزل منه نفس الشيب بتاع الاسكالا خليجي وهو هو نفس هيكل العربيه فرق الفوانيس والطبلوه من جوه مختلف شويه
وعموما احب اريح حضرتك ان الصني عربيه ممتازه لازم تستبعد الكوري تماما خصوصا لو بتفكر في الالنترا ال2012 مالهاش لازمه تدفع فلوس عاليه للدرجه دي في عربيه كوري وفي النهايه عليها جدل كبير جدا من ناحيه الثبات والعفشه الي فيها مشاكل انما طبعا للامانه الكوري الجديد فتيس ومتور ممتازين
الاوبترا برضو عربيه جميله جدا وانا بصراحه بحبها وبحب تكييفها وعفشتها حلوه
وعموما الصني مفيهاش مشاكل تذكر هو فقط موضوع العفشه ناشفه سنه وعموما هي عفشتها مش حاجه مختلفه على العربيات التانيه لا عفشه عاديه
والصني التكنولوجيا الي فيها مش قديمه هي متور ممتاز جدا وفتيس جميل واستجابته حلوه بالعكس الكوري لحد قبل ما الالنترا تنزل هو الي تكنولوجي بتاعه قديم
Content Relevant URLs by
vBSEO 3.6.0 PL2