رسالة حب وتقدير و نصيحة صغيرة

**wassim_nasser** · 21-03-2012 01:01 AM

مساء الخير علي جميع مرتادى منتدانا .. ف الحقيقة اترددت كتير قبل كتابه الموضوع و حبيت استنى 3 تيام لحد انتهاء فتره الحداد و هدوء المشاعر ان كانت حزن أو سخط .. لكن اللى شفته ف 3 تيام ماكانش ينفع يمر كده مرور الكرام .. شفت سباب وشتيمة وحقد دفين .. لكن برضه شفت طيبة وذوق واخلاق كنت اعتقد انهم اختفوا من الدنيا .. شفت كتييير جدا من رجالة المنتدى قدموا تعازي بكلمات تحمل الكثير من الحب و المشاعر الجميلة والاحترام .. شفت عقول متفتحة و نفوس مستنيرة صافية طمنتنى علي مستقبل بلدنا .. بعيدا عن النفاق و رد الجمايل انا باكتب الكلام ده و انا حاسس كل حرف فيه .. واتقدم بشكر عميق حار لجميع رواد منتدانا مع حفظ المقامات والالقاب .. واخص بالذكر الجميل حسام سيف .. من اكثر الناس احتراما و طيبه و ذوق و بالمناسبه متواضع جدا .. الحاج احمد اخونا الكبير .. احمد فارما رفيق الكفاح .. احمد ابو جنة وجودى .. الاخ ماجد .. الاخ جلجل .. الاخ احمد شهدى (معاه كارينز وداخل قسم اللوجان يعايرنا) .. الاخ خالد ايمن (ربنا يحميه من الخطف) .. الاخ رامبو .. الاخت نور .. الاخ طنانى (خفضت رتبته من باشا لأخ) .. الاخ اسامة .. الاخ اسلام .. طبعا ماننساش دور الأدارة و الاجتماعى و اخص بالشكر اخونا شنورى .. سامحونى ان كنت نسيت بعض الاعضاء المحترمين لان معظم الاسماء حركية .. وبرضه احب اشكر الناس اللي قالت كلام مالوش لزوم لأنهم اتاحوا لي الفرصة ف تجربه ثمار فضيلة الصمت واحب افكرهم ان الحقد علي الموتى من شيم اللئام .. كذلك احب اوجه نصيحة لجميع مرتادي المنتدى بعدم اكثار النقاش ف مواضيع فيها خلاف دينى و نراعي مشاعر بعض و نحاسب كل شخص بحسب معتقداته وليس بحسب معتقداتنا لأن معتقدات كل شخص هى ماتحدد تصرفاته .. واذا وصل النقاش لتبادل الاتهامات فالاحسن اتباع قاعدة " إنهم يقولون .. ماذا يقولون .. دعهم يقولون" .. و ربنا يوفقنا جميعا و يهدينا و يرحمنا

**aly_hosny** · 21-03-2012 01:23 AM

المشاركة الأصلية كتبت بواسطة wassim_nasser

كذلك احب اوجه نصيحة لجميع مرتادي المنتدى بعدم اكثار النقاش ف مواضيع فيها خلاف دينى و نراعي مشاعر بعض و نحاسب كل شخص بحسب معتقداته وليس بحسب معتقداتنا لأن معتقدات كل شخص هى ماتحدد تصرفاته .

دي النقطة ال كانت السبب في بعض المواضيع ال ملهاش لازمة في الفترة الاخيرة
و هي النظر للموضوع من معتقداتنا احنا و احنا اصلا منعرفش معتقدات و تقاليد الغير

و يمكن ال هما حسو بيه حسنا بيه كلنا بس كل واحد قدر الموقف من وجهة نظره و الغلط كان الافصاح عنه قدام الطرف الاخر و ايذاء مشاعره

**A7MED_PHARMA** · 21-03-2012 01:55 AM

الرفيق وسيم
أطال الله عمرك ...

من وجهة نظري (إحتمال الصواب والخطأ ) لو كان قاصد النصيحة..يقصد النصح فعلا
كان قدمها في موضوع منفصل .. بعيد عن موضوع العزاء
مش يحول موضوع عزاء.. لخناقات

والله أعلم

**hosamsief** · 21-03-2012 01:50 PM

" واخص بالذكر الجميل حسام سيف .. من اكثر الناس احتراما و طيبه و ذوق و بالمناسبه متواضع جدا "

دكتور وسيم ... مش عارف اقول ايه..... انا وشى احمر و الله من الكلام ده ....
صدقنى ... لن يدوم الا الاحترام المتبادل و بصراحه حضرتك من الشخصيات التى اتشرف بمعرفتها و ان كنت لا اجيد التعبير عما بداخلى و ما حدث منى اقل شيىء لانسان خلوق و محترم مثلك ... و شكرا