مين في القاهرة جرب عبشجي شاطر ؟

**wwaeel** · 31-03-2012 02:09 AM

هي اسمها عفشه واسمه عفشجى في عفشجي شاطر جدا في الداهر قريب من غمره ورشته في حاره صغير بس ممتاز جدا والله استاذ واشتغل في التويتا الشكل الجديد 2008 كتير جدا حافظها يعني انا عملت عفشه عربيتي عنده فاهم وشغال بالعقل وبيعرف يطلعلك العيب اول ما يجرب العربيه اسمه احمد تليفونه 01068850902 قوله انا من طرف وائل الي انت غيرتله الكوبلن وظبطله بيض البارات والمقصات

المشاركة الأصلية كتبت بواسطة me_medoo

كنت بسئل ياشباب علشان ناوي اربط عبشة ... هيا اسمها عفشة ولا عبشة ... المهم لأن العربية كل ما اطلع على مطب وانزل منووو بسمع صووت أيييييء أيييييييء كأن باب قديم بيزيق من المساعدين الخلفيين ... هو طبعاً مش عيب عربية ولا عيب سواق ... بس انتو عارفين شوارع بلدنا في القاهرة أزاي جميلة وناعمة وكلها متسفلته ومنورة ... ومفهاش لاحفر ولا بلعات ولا مطبات ...

فمش عارف مين فينا ياتيتاوية راح عند بتاع عبشة شاطر قبل كده وايدو تتلف في حرير ... داخل القاهرة ...
ومش شرط يكون عندو يارس حتى لو كورولا ... المهم بيفهم في التويوتا ... عاوزين نعمل كده دليل التيلفونات والعناوين للكهربائية والمكيانيكة والعبشجية الشاطرين ... أخصائيين تويوتا منعاً للعك ... وحفاظاً على الفلوس في جيوبنا .

ملاحظة : انا رحت التوكيل وقلي اصل الصوت في الماسعدين دي جلبة وعادي كل العربيات كده بتطلع صوت .
كت عاوز اقل للمهندس خش في عبي خش نلعب تحت الدش ... شايف مكتوب على جبيني أهبل ولا غشيم ولا أول مره أركب عربيات ولا أول مره أشوف يارس في حياتي ... ههههههههههههههههههه .

**Ahmod** · 31-03-2012 06:36 PM

على فكرة انا من اول ماشفت عربيتك وانا لاحظت ان عندك مشكلة في المساعدين ومحتاجين يتغيرو

لان العربية عندك هابطة على الارض ! غير اي ياريس تانية وحاول تاخد بالك من اي ياريس راكنة في الشارع هتعرف ان عربيتك هي اللى مختلفة

واللى اعرفه ان لما العربية تهبط عن ارتفاعها الاصلي ده معناه ان فيه مشكلة في المساعد او انه تعب ومحتاج يتغير

فتقريبا كدة عشان ماتتعبش نفسك مع العفشجية اعتقد والله اعلم ان المساعدين عندك محتاجين يتيغرو

**yasseen2006** · 04-04-2012 11:30 AM

بص يابرنس الليالي أسمع من أخوك ابو ياسين اولا اسمها عفشة ثانيا التزيق دة مش من المساعدين المساعدين مش بتزيق المساعدين بتهبد وتاثيرها بيكون أكبر على كاوتش العربية بتعمل فية عالي وواطي التزيق غالبا والله أعلم طبعا جلب المقصات بس طبعا الموديل دة مش بيتغير لة جلب فحضرتك هتغير جوز مقصات بالكامل هاتهم إستيراد بس استنضف حاجة حلوة تعرف ولا لاء انا بصلح في مركز خدمة تويوتا اللي في المعادي بالظبط في صقر قريش ناس كويسن وعندهم كل حاجة جربهم عجبوك كمل ماعجبوكش اديك خدت فكرة هما مصنعيتهم اغلى بسيط من الميكانيكي العادي بس فاهمين جدا لو رحت جمع اكتر من حاجة في العربية علشان تخفف على نفسك المصنعية واي خدمة

**me_medoo** · 04-04-2012 03:13 PM

تسلم يابو يسمين بس هما فين بالضبط في صقر قريش

**yasseen2006** · 04-04-2012 04:02 PM

قبل ماتوصل مدخل المعادي الجديدة وانت ماشي على الاوتوستراد هتلاقي يافطة كبيرة جدا مكتوب عليها مركز خدمة تويوتا بس امشي في خط الخدمة الموازي للطريق الرئيسي

**me_medoo** · 04-04-2012 07:27 PM

ده من الشارع الي قبل موقف الاتوبيس الي هناك ولا قبل بانزينة شيل الي على اليمين الشارع الي هو بيدخلك على المطاعم وشارع الاسلكي هنااك ؟

**yasseen2006** · 06-04-2012 01:03 AM

تمام هو الشارع دة قبل ماتوصل محطة الاتوبيس هتلاقي اليافطة أدخل معاها يمين هتلاقيهم في أول ناصية شمال

**me_medoo** · 06-04-2012 01:48 AM

تسلملي ياغالي يالله مستنينك تيجي باه يابو ياسين في قهوة الحج تويوتا وتشاركنا المشاريب النهردة مجانا. خش وشاركنا القعده يا غالي هتلاقي موضوع اسمو تويوتا كافيه