الموضوع: سعر الضريبة ل e39موديل 2004 2200 سى سى كام ؟؟

حوالي 1000 تقريبا وده سعر اللي تحت 2500
فوق ال 2500 الموديل هيفرق فالضريبة

520, 523, 525 كلهم تحت ال 2500 وضريبتهم واحدة

المشاركة الأصلية كتبت بواسطة ahmedeihab

باشا جبت الارقام دى منين اصلا
يا باشا دى بى ام و 2001 و 2004 لكن اللى انت بتتكلم عليه ده موديل 80 و 81 و 82
انا معرفش بصراحه
بس كان عندنا قريبنا معاه بى ام x3 موديل 2008
و بيدفع 7000 جنيه ضريبه فى السنه
و 2000 جنيه تأمين اجبارى
يعنى المجمل 9000 جنيه
بس ده موديل 2008
^_^

أولا أنا عارف يعني إيه bm
وحتى لو معرفش وحتى لو كان كلامي غلط ده مش اسلوب مقبول للكلام

كونك ماتعرفش قانون المرور بقى دي حاجة تانية
والقانون مش ماشي على ال bm بس ده ماشي على كل العربيات
وأنا عارف يعني ايه x3 شوف بقى إنت متورها كام الاول واسأل صاحبها دفع كام فالسنين اللي فاتت ودفع كام السنة دي
وطلع من كلامي حاجة تانية غلط
وشوف أي واحد معاه العربية اللي أنا قلتها فوق دي واسأله بيدفع كام

المشاركة الأصلية كتبت بواسطة medo20000

أظن كلام الاخ ahmedeihab قريب للصح ومع كامل إحترامى للاخ Mailo
لان أنا فى حد قالى ان موديل 10 سنين بيفرق جامد فى الضريبة إنما لم أاقل من 10 سنين يعنى إحنا مثلا فى 2012 يبقى الموديل قبل 2002 بيتحاسب بسعر مختلف تماما عن الموديلات فوق 2002

هو قالى ان تقريبا الضريبة 2200 سى سى موديل 2004 مثلا حوالى 3000 جنيه سنويا
على العموم عايزين حد من الشباب اللى معاهم الموديلات دى او المواتير دى يفيدونا ....شكرا لكم جميعا

ياباشا اللي أعرفه إن نسبة ال 2% من تمن العربية دي بتتحسب على العربية اللي معدية 2500 لحد 10 سنين وبعد كده بتبقى ثابتة للاقدم

اقل من 2500 بتبقى ثابتة بغض النظر عن نوع العربية إيه وتمنها إيه
يعني مثلا شوف اللي مع c180 أو 316i بيدفع كام واللي معاه كورولا أو لانسر 1600 بيدفع كام

المشاركة الأصلية كتبت بواسطة ahmedeihab

باشا انت واخد كلامى ليه كده
انا كل اللى قولته الضريبه اللى انت قلت عليها دى مش مظبوطه
و انا قلت ان قريبى كان بيدفع 7000 جنيه ضريبه فى السنه على x3 2008
و كلامك مش مظبوط على فكره فى الضريبه ام 1000 جنيه دى خاااالص
راجع نفسك و اسأل و انت هتعرف مين صح و مين غلط
و تقبل كلامى بصدر رحب
تحياتى ليك

أنا بصراحة خدت الكلام كده عشان أنا شفته أفنسيف قوي
بس على العموم حصل خير

نتكلم بوضوح شوية ال x3 معدية ال 2500cc صح
يبقى كده هتنزل تحت قانون النسبة من تمن العربية
وأنا شفت e280 و شيروكي بيدفعوا كام فالمرور وكلهم أكتر من 2500cc

غير كده بقى اللي أنا بقوله إن أي عربية تحت ال 2500cc
بيبقى ليها تمن معيَّن وثابت فالترخيص بغض النظر العربية دي موديلها إيه أو نوعها إيه

بس كده

ياباشا ماأنا بأقول الضريبة بتتحدد على أساس ال cc بس مش الموديل كمان
أنا عمل بدور على أي حاجة رسمية تقول أي معلومة عن الاسعار دي مش لاقي
بس على العموم هي بتبقى ملزوقة في كل مرور

وعلى فكرة أنا فاكر إن فيه حد كان شاري 523 وقال أنا دفعت 1000 أو 1100 ترخيص