عملت حادثة بالميجان و دى الحكاية .. ربنا يرحمنا من سواقين النقل الاغبياء ..

اول حاجة هقول الحمد لله على كل حاجة

اول امبارح كنت في المعمورة الصبح مع اصحابى و كنا بنلعب بلاى ستيشن و قاعد مش في دماغى خالص اطلع بره المعمورة و لقيت واحد صاحبى في الاكاديمية في ابو قير بيكلمنى و قالى تعالى خدنى عشان هو بيشد عربيته فمش معاه عربية ....
المهم قلت اروح اجيبه و قلبى كان حاسس ان في حاجة مش عارف ليه و كأن الواحد بيروح لقدره لان ده مش طريقى خالص لانى في كامب شيزار ..
مشيت في الطريق و خرجت وحدى و سبت اصحابى و عديت المزلقان و الطريق كان زحمة شويه و انا ماشى في اليمين و عربية نقل في الشمال و طبعا عشان الطريق زحمة فكله ماشى براحه و اللى حارته بتمشى بيعدى فالمهم الحارة بتاعتى مشيت شويه و عديت النقل و بعد كده الحارة بتاعة النقل مشيت و بقى قدامى انى ادخل قدامه و فعلا اديته اشارة عشان ادخل بس حسيت انه غبى و ممكن يخبطنى فمش دخلت و استنيت انا في مكانى .. الحارة اللى هو كان ماشى فيها الطريق مايل شويه فالمنطقة اللى كانت مكفياه في الاول مكنتش تعديه و هو طبعا قاعد فوق ولا شايف اى حاجة و انا ببص في المرايه و شايفه جاى عليا و خلاص اتأكدت انه هيخبطنى ... و مفيش قدامى اى حاجة اعملها لان العربية اللى قدامى وقفت .....
العربية النقل دى عربية من النقل القديمة اللى ليها كبوت كبير و اكصام غبى كمان فهو قاعد في فوق و لا حاسس انى موجود خالص تحت و فعلا بدأ صوت الخبط و ده ماشى و مكمل و بدأ يزق عربيتى و خلاص بخبط في اللى قدامى فاللى قدامى حس بيها راح طالع بسرعة و اخيرا الباشا بتاع النقل اكتشف انه ماشى على عربيتى من الجنب :untitled: ..
المهم رحت انا نازل و بابى مش عارف افتحه لان وش النقل بقى جنبى يعنى تخيلوا هوا خبطنى و بيزقنى لغاية ما عربيته كلها عدت و من ستر ربن ان اللى قدامى مشى فبقى بيزق عربيتى بالجنب فمضيعش ليا الجنب كله ...
بعد كده رحت نازل من العربية و لقيته نازل يزعق و يقولى انت اللى خابطنى :F_eyeb1[1]: طبعا هو حسسنى انى انا في كوكب تانى بالكلمة و دى و يقولى انت مخبوط من ورا يعنى انت اللى غلطان شفتوا الجمال بزمتكم فيه حاجة احلى من كدا :argue2:
المهم انا طبعا قلت ده بيسهبل يبقى يستاهل قلة الادب و اللى كان سايق واحد سنه 21 سنة يعنى نفس سنى تقريبا ( انا لسه مكمل 21 يوم الجمعة اللى فات اخيرا :F_eyeb1[1]: )
بعد كده لقيت الباشا عمال يتنطط في الشارع و بيوقف بتاع المشروع ( الميكروباص ) اللى كان ورايا و بيعدينى من يمينى بعد الحادثة و بيقوله اللى مخبوط من ورا يبقى مين اللى غلطان ... طبعا بتاع المشروع راح ضاحك و مردش عليه و مشى لانه كان ورايا و شايف اللى حصل كله ..
و لقيت النس بدأت تتلم و الطريق اتزحم ورا و كله يقول مشى الطريق و لقيت بتاع النقل رايح يركب عربيته و هيطلع بيها يعنى ناوى يكمل على العربية كمان رحت انا بسرعة راكب عربيتى و طالع يبيها بسرعة ووقفتها بعرض الطريق و قفلت الطريق و قلت هو يوم اسود على دماغه و يستحمل بأه اللى يحصله :khd:
المهم قفلت العربية و نزلتله و لقيت الناس تقولى مشى الطريق قلتلهم مفيش حاجة ماشية ده بيستهبل و بيقولى انا اللى خبطه طب انا هعرفه دلوقتى مين اللى خبط مين طالما هو اشتغل في قلة الادب و فعلا مسكت الولد و ظبطه :khd: و خدت بطاقته و الباشا مفيش معاه رخص ولا الهوا ...
و من هنا ابتدى فصل المسكنة بأه و انا غلطان و هعملك العربية . طب ما كان من الاول لو كنت قلتلى انا اسف و حقك عليا مكنتش هقدر اتكلم معاك كلمة لكن هما صنف بيحب قلة الادب و كان فاكر انه هياكلنى بكلمتين :F_eyeb1[1]:
و بعد كده لقيت عربيات تانية تبعه جايه و معلش و كلام من ده و هما كمان شافوا العربية كلها اسود في اسود فخافوا :B4_282:و ابتدا الشغل الناعم و الولد السواق قعد يقولى تعالى نركن في جنب و هعملهالك قلتله مكانك فالناس قالتلى الطريق وقف و مشى الطريق و كده فقلت ماشى مش مشكلة انا معايا بطاقته و هنفخه لو حب يعمل حاجة كده ولا كده ... و مشينا قدام شويا و رحت واقف قدامه و نزل و يقولى انا هعملها و بالنص و كده رحت قايله مش انت كنت نازل في الاول تستهبل يبقى هتستهبل بأه للاخر و هتعمل العريية كلها و الا يومك هيبقى فل ....
بعد كده جه ناس اللى مشغلينه و بصراحة كانوا محترمين جدا و قالوا خلاص هنعمل العربية و هتتخصم منه قلتلهم اوك يالا بينا بقى و رحنا عملنا السمكرة و كانوا هيعملوا العربية كلها و يرشوا الحتة المخبوطة في الاكصدام و الجنب بس انا قلت خلاص طالما هما محترمين
بس كان لازم السواق الغبى ده يتأدب بكده عشان يتعلم انه يعترف بغلطه وان كلمة حلوة كانت ممكن تخلص الموضوع ...

بعد كده خدت العربية و قلتهلم خلاص انا هكملها و رحت بيها العجمى لواحد صاحبى عنده فرن و بدأ الشغل و عمل المعجون و الفيلر و الحاجات دى امبارح و هنزل دلوقتى عشان اروح ارشها ...
الخبطة كسرت جزء من الاكصدام و عملته عند بتاع الفبر و سمكرت الرفرف لغاية السوكة و ان شاء الله تخلص النهارده و تترش :F_eyeb1[1]:

بجد مش هقول غير ربنا يرحمنا من سواقين النقل اللى بيفكروا اننا مطبات و الفمروض يعدوا من عليها و الحمد لله انها جات على قد كده لان انا من صوت الخبطة و الزق اللى في العربية انا كنت فاكر هنزل الاقى الشنطة جنبى بس الفبر فعلا بيمتص كتير من الصدمة :bye (1): :bye (1):

الحمد لله انك بخير
و كويس انك ما اتخانقتش كتير في المكان دا
و نصيحة ليك.. اتخانق في اي مكان الا دا

ضحكتنى حتة انت مخبوط من ورا يبقى انت اللى غلطان ده فى شرع مين ده المهم حمدلله على سلامتك وزى ما بيقولوا فى المثل اللى يجى فى الريش بقشيش المهم ان انت بخير وربنا يرحمنا من غباء بتوع النقل وانت كده عملت معاه الصح زى ما بيقولوا بس ليا عليك تعليق بسيط انت شوفت من الاول انه شكلة غبى وممكن يخبطك كنت خليك بعيد عنه من الاول او خلية يخش قدامك طالما هو فاكر عربيتة ميدالية يخش بيها يمين وشمال فى وسط الزحمة انا بعمل كده لما بلاقى واحد بتاع نقل ويكون غشيم

حمد لله على سلامتك والحمد لله انها جت على قد كده وانك ظبط الواااااااد

الحمد لله وقدر الله وماشاء فعل

حمدلله علي سلامتك ودة اهم من اي شئ

سواقين النقل فعلا يستحقوا الأعدام شنقا او رميا بالرصاص او الرجم بالحجارة

يارب خدهم واحد واحد وارنا فيهم يوما اسودا
اللهم اجعل تدبيرهم تدميرهم
اللهم عليك بسواقين النقل
يارب ازمة السولار تمتد ابد الأبدين ويقف حالهم ومايعرفوش يتحركوا بعربياتهم يارب

انا متغاظ منهم بشكل
بكرهم وبحتقرهم

والله المستعان
،
،

حمد الله على السلامة ... قدر الله وماشاء فعل

حمدلله على سلامتك وقدر الله ماشاء فعل .

متزعلش نفسك وقدر الله وماشاء فعل وكويس انك اخدت حقك لان فعلا من كل اصناف النقل اسوأ حاجه النقل القديم اللي هي العربيات البدفورد بتاعة افلام زكي رستم دي وبتلاقيهم يجرو بتهور وبشوفهم كتيير بيهبلو

انا كنت مره طالع الدائري في القاهره وده طالع من الناجية التانيه وعايز يدخل قدامي وكاسر عليا وانا عند الموتور بتاعه والمفروض يستني لما انا اعدي الأول لكن سيادته عايزني انا استني وهو يعدي وبعدين لما الطريق بيمشي انا بمشي لقيته عمال يزعق ويقولي مش ماليه عينك دي طيب استحمل بقي ولقيت مراتي مرعوبه والعيال وابتدي يكسر عليا جامد وانا جنب الرصيف لحد ماللي قدامي اتحرك قمت شادد ومعديه قام عامل نفس الحركه مع الميكروباص اللي ورايا ولما عدينا الزحمه كان ماشي طاااااااااااااااااير علي الدائري وصوت تكسير العربيه في الأسفلت مسموع من علي بعد كيلو

1000حمدلة علي سلامتك والحمد لله انك بخير

اقتباس:

---

المشاركة الأصلية كتبت بواسطة osama.m

الحمد لله انك بخير
و كويس انك ما اتخانقتش كتير في المكان دا
و نصيحة ليك.. اتخانق في اي مكان الا دا

---

اوافق بشدة ! و بذات المكروباصات عشان دول حيوانات ......

ألف حمدا لله علي سلامتك

بصراحة أنا لما حد بيخبطني بأقف و باوقف العربية التانية في نفس المكان و أياكش الطريق كله يولع و بأطلب شرطة النجدة علشان ييجوا يعملوا معاينة علي الطبيعة ده غير أن معايا كاميرا علي طول بأنزل و أصور

هو ده الصح أن لما تحصل حادثة ماحدش يتحرك كله يفضل علي مكانه لحد ما المرور ييجي و يعاين و يتعمل المحضر

لا حول ولا قوة الا بالله.... عموما حمدالله على سلامتك والحمدلله انه ماحصلش اكثر من كدة.

احمد ربنا انها جات بسيطه دا نقل !!
ربنا يرحمنا من التخلف اللي في البلد دا
العربيات النقل فاكرة نفسها تكتك

حمدلله على سلامتك فداك 10000000000 عربية .. وكويس انك ظبطت الواد بتاع النقل ده عشان هو قليل الادب وبيستهبل كمان

حمد الله على سلامتك يا بطل وكويس انها جت على قد كده دي حاجه بسيطه

انا لسه راجع حالا من العجمى لانى كنت برشها هناك و الحمد لله طلعت تمام و اللون مظبوط :F_eyeb1[1]:
بس في حاجة انا عايز اقولها انا خدت في الطريق من العجمى لبيتى في كامب شيزار 3 ساعات و كمان انا طلعت على البحر من عند قناة السويس لقيت البحر زى الفل و لغاية دلوقتى البحر كله واقف تماما في الاتجاه بتاع ميامى بجد الطريق بقى زحمة اوى شكلنا هنبقى زى القاهرة و اكتر ..

اقتباس:

---

المشاركة الأصلية كتبت بواسطة Amrgamal1

احمد ربنا انها جات بسيطه دا نقل !!
ربنا يرحمنا من التخلف اللي في البلد دا
العربيات النقل فاكرة نفسها تكتك

---

الحمد لله و هو كان بيخبطنى و لا هو هنا و مكمل عادى جدااا فعلا شكله فاكر نفسه راكب تكتك هيزنقه في اى مكان او فاكرنا احنا مطبات :embarrassed:

اقتباس:

---

المشاركة الأصلية كتبت بواسطة se_coralsea

ألف حمدا لله علي سلامتك

بصراحة أنا لما حد بيخبطني بأقف و باوقف العربية التانية في نفس المكان و أياكش الطريق كله يولع و بأطلب شرطة النجدة علشان ييجوا يعملوا معاينة علي الطبيعة ده غير أن معايا كاميرا علي طول بأنزل و أصور

هو ده الصح أن لما تحصل حادثة ماحدش يتحرك كله يفضل علي مكانه لحد ما المرور ييجي و يعاين و يتعمل المحضر

---

الله يسلمك :)

و فعلا هو الصح ان المرور ييجى و يعاين بس انا لقيته بيركب عربيته و هيطلع يعنى هيكسرلى الجنب كله لو انا متحركتش فرحت راكب وواقف قدامه بالعرض عشان اسد الطريق تماما عليه و بعد كده لما فتشته ملقيتش معاه رخص ولا حاجة و كل اللى معاه بطاقة يعنى كان هيروح في داهية بس انا قلت اعلمه الادب بحاجة مش ينساها و هيا انه يتخصم منه فلوس من صاحب الشغل و كده هيعرف ازاى يتكلم بأدب من الاول بعد كده و محبتش ابهدله في الاقسام و كده يعنى

اقتباس:

---

المشاركة الأصلية كتبت بواسطة ibn_seena

حمد الله على سلامتك يا بطل وكويس انها جت على قد كده دي حاجه بسيطه

---

الله يسلمك و الحمد لله على كل حاجة :)

اقتباس:

---

المشاركة الأصلية كتبت بواسطة zangry

حمدلله على سلامتك فداك 10000000000 عربية .. وكويس انك ظبطت الواد بتاع النقل ده عشان هو قليل الادب وبيستهبل كمان

---

الله يسلمك و مش مهم العربية المهم اننا نكون سلام و انا مزعلتش عشان انا علمته الادب من الناحيتين ضرب و تصليح بس قلت كفاية و مرديتش اخليه يكمل التصليح كله عشان برضه هو اكيد على قد حاله بس هيا حاجة تعلمه الادب في الكلام و انه يتعلم السواقة صح بعد كده و ياخد باله من الطريق

اقتباس:

---

المشاركة الأصلية كتبت بواسطة nooooour

لا حول ولا قوة الا بالله.... عموما حمدالله على سلامتك والحمدلله انه ماحصلش اكثر من كدة.

---

الله يسلمك :)

يا عم بجد دي عالم عايزه تتربي فيهم ناس محترمه وناس ضايعه بتحصل معايا نفس الحركه مره في المرايا ومره في رفرف ودايما علي الدائري في داخله اسكندريه الزراعي

قدر الله و ماشاء فعل


بس انت فعلا برنس.....انك ماضحكش عليييك بشويه المسكنه بتوعه.....انا ماكنتش ناصحزيك كده و سيبت الواد اللي خبطني
بس و الله دول عالم ما ينفعش معاهم الا ال...... :)

انا وقفت الدائرى ساعة ومفيش شرطه جت والنجده مش بترد على حد ولما اتصلت بضابط صاحبى واتصل هوا على الخط بتاعهم طلب منى البيانات بالتفصيل علشان هما طلبوها قبل ما يتحركوا -طبعا قلتله كلمه تيييييييت وشكرته على انى هخلصها بنفسى وفعلا بفضل الله خلصتها وجبت حقى والشرطة فى خدمة الاحلام وتصبحوا على خير قصدى شدوا اللحاف على الشرطة وصوتوا وهنوصل قريب قوى لسلاح لكل مواطن والحق بالدراع ويجعله عامر

اقتباس:

---

المشاركة الأصلية كتبت بواسطة osama.m

الحمد لله انك بخير
و كويس انك ما اتخانقتش كتير في المكان دا
و نصيحة ليك.. اتخانق في اي مكان الا دا

---

الحمد لله و انا مش بحب الخناق كتير بس ده كان قليل الادب و لازم يتربى عشان استفزنى جدااا بانى انا المخبوط من ورا يبقى انا اللى غلطان و انى انا اللى خبطه كمان :embarrassed:

اقتباس:

---

المشاركة الأصلية كتبت بواسطة Deshahcoka

اوافق بشدة ! و بذات المكروباصات عشان دول حيوانات ......

---

هما فعلا كلمة حيوانات قليلة عليهم و معظمهم بيكون كده و نادرا لما تلاقى حد منهم محترم

اقتباس:

---

المشاركة الأصلية كتبت بواسطة smsm_cato

ضحكتنى حتة انت مخبوط من ورا يبقى انت اللى غلطان ده فى شرع مين ده المهم حمدلله على سلامتك وزى ما بيقولوا فى المثل اللى يجى فى الريش بقشيش المهم ان انت بخير وربنا يرحمنا من غباء بتوع النقل وانت كده عملت معاه الصح زى ما بيقولوا بس ليا عليك تعليق بسيط انت شوفت من الاول انه شكلة غبى وممكن يخبطك كنت خليك بعيد عنه من الاول او خلية يخش قدامك طالما هو فاكر عربيتة ميدالية يخش بيها يمين وشمال فى وسط الزحمة انا بعمل كده لما بلاقى واحد بتاع نقل ويكون غشيم

---

و الله انا كمان ضحكت لما قاللى الكلمة دى لانى مكنتش متوقعها خالص :F_eyeb1[1]:
و جزء انى شفت انه غبى من الاول فانا فعلا رحت بعيد عنه كنت ماشى في حارتى بس مكنش ينفع اقف لان الطريق زحمة فلازم امشى عشان اللى قدامى اتحرك و مرضيتش انقل لحارته و ابقى قدامه بسبب انى حسيت نه غبى و ممكن يخبطنى من ورا فقلت ابعد عنه احسن رغم انى اديت اشارة و رجعت فيها تجنبا ليه و لما لقيته داخل عليا مقدرتش اعمل حاجة لانى واخد اخر يمينى لان جنبى عربية و قدامى عربية فمكنش قدامى غير انى اتفرج و اطلع من الشباك عشان يشوفنى و برضه ولا هو هنا

اقتباس:

---

المشاركة الأصلية كتبت بواسطة eldell

حمد لله على سلامتك والحمد لله انها جت على قد كده وانك ظبط الواااااااد

---

الله يسلمك :)

اقتباس:

---

المشاركة الأصلية كتبت بواسطة semsem kane

الحمد لله وقدر الله وماشاء فعل

---

الحمد لله على كل حاجة

اقتباس:

---

المشاركة الأصلية كتبت بواسطة syd

حمدلله علي سلامتك ودة اهم من اي شئ

سواقين النقل فعلا يستحقوا الأعدام شنقا او رميا بالرصاص او الرجم بالحجارة

يارب خدهم واحد واحد وارنا فيهم يوما اسودا
اللهم اجعل تدبيرهم تدميرهم
اللهم عليك بسواقين النقل
يارب ازمة السولار تمتد ابد الأبدين ويقف حالهم ومايعرفوش يتحركوا بعربياتهم يارب

انا متغاظ منهم بشكل
بكرهم وبحتقرهم

والله المستعان
،
،

---

الله يسلمك و انا كمان متغاظ منهم جداااااا ده حتى و انا راجع من العجمى من شويه بعد ما عملتها الطريق زحمة جدا و دى طبعا فرصتهم و شغالين تزنيق و احلى حاجة واحد بتاع نقل بيقولى عدى يالا عشان هو يعرف يدخل و الحتة اللى قدامى استحالة تجيبنى و يقولى ادخل و هو مش بيقف اساسا و بيزنقنى في الرصيف فانا رحت فاتح فتحة السقف و قلتله هو انا تكتك ولا حاجة عشان اعدى من خرم الابره ده بجد سواقين مستفزين
و امييييييييييييييييييييين على كل الدعاء بتاعك عليهم

اقتباس:

---

المشاركة الأصلية كتبت بواسطة elawany13

حمد الله على السلامة ... قدر الله وماشاء فعل

---

الله يسلمك :)

اقتباس:

---

المشاركة الأصلية كتبت بواسطة bunsh_fox

حمدلله على سلامتك وقدر الله ماشاء فعل .

---

الله يسلمك :)

اقتباس:

---

المشاركة الأصلية كتبت بواسطة shaddadfalcon1

متزعلش نفسك وقدر الله وماشاء فعل وكويس انك اخدت حقك لان فعلا من كل اصناف النقل اسوأ حاجه النقل القديم اللي هي العربيات البدفورد بتاعة افلام زكي رستم دي وبتلاقيهم يجرو بتهور وبشوفهم كتيير بيهبلو

انا كنت مره طالع الدائري في القاهره وده طالع من الناجية التانيه وعايز يدخل قدامي وكاسر عليا وانا عند الموتور بتاعه والمفروض يستني لما انا اعدي الأول لكن سيادته عايزني انا استني وهو يعدي وبعدين لما الطريق بيمشي انا بمشي لقيته عمال يزعق ويقولي مش ماليه عينك دي طيب استحمل بقي ولقيت مراتي مرعوبه والعيال وابتدي يكسر عليا جامد وانا جنب الرصيف لحد ماللي قدامي اتحرك قمت شادد ومعديه قام عامل نفس الحركه مع الميكروباص اللي ورايا ولما عدينا الزحمه كان ماشي طاااااااااااااااااير علي الدائري وصوت تكسير العربيه في الأسفلت مسموع من علي بعد كيلو

---

الحمد لله على كل حاجة و انا مش زعلان عشان اخدت حقى منه عشان هما واخدينها بلطجة و بيطيروا على الطريق و حوادثهم غبية زيهم

اقتباس:

---

المشاركة الأصلية كتبت بواسطة ahmed31031

1000حمدلة علي سلامتك والحمد لله انك بخير

---

الله يسلمك :)

اقتباس:

---

المشاركة الأصلية كتبت بواسطة medo111

يا عم بجد دي عالم عايزه تتربي فيهم ناس محترمه وناس ضايعه بتحصل معايا نفس الحركه مره في المرايا ومره في رفرف ودايما علي الدائري في داخله اسكندريه الزراعي

---

99 % منهم معندهمش ريحة التربية و المراية و الرفرف دى بتحصل كتير بس بتكون حكه و كده لكن هو المرة دى زودها شوية و كسرهم

اقتباس:

---

المشاركة الأصلية كتبت بواسطة wama1903

قدر الله و ماشاء فعل


بس انت فعلا برنس.....انك ماضحكش عليييك بشويه المسكنه بتوعه.....انا ماكنتش ناصحزيك كده و سيبت الواد اللي خبطني
بس و الله دول عالم ما ينفعش معاهم الا ال...... :)

---

الحمد لله و كان لازم اخد حقى منه عشان يتعلم الادب لان نزل يبلطج الاول و لما ظبطه ابتدى يجر ناعم و كده هو هيحرم يقل في ادبه مع حد تانى لو غلطان
و قبل كده راجل كبير راكب لادا كسرلى الرفرف اللى قدام و طبق الاكصدام بس ده في الكورولا بس نزل اعتذرلى فمقدرتش اتكلم معاه رغم انها اتكلفت 7000 جنيه لانها كانت داخلة للمنطقة اللى تحت الكبوت

اقتباس:

---

المشاركة الأصلية كتبت بواسطة Eng_hatemfathy

انا وقفت الدائرى ساعة ومفيش شرطه جت والنجده مش بترد على حد ولما اتصلت بضابط صاحبى واتصل هوا على الخط بتاعهم طلب منى البيانات بالتفصيل علشان هما طلبوها قبل ما يتحركوا -طبعا قلتله كلمه تيييييييت وشكرته على انى هخلصها بنفسى وفعلا بفضل الله خلصتها وجبت حقى والشرطة فى خدمة الاحلام وتصبحوا على خير قصدى شدوا اللحاف على الشرطة وصوتوا وهنوصل قريب قوى لسلاح لكل مواطن والحق بالدراع ويجعله عامر

---

فعلا الشرطة في الحالات اللى زى دى ولا بتعبرك خالص و لا كأنه الموضوع ده يخصهم :majd(2):

اصلىىىىىىىىىىىىىىىىىىىىىى ىى
برافوعليك

كويس انها بتيجى فى الصاج ياصاحبى وربنا يعوضك خير ان شاء الله