يا جماعه انا مش عارف ازاي سعر المازدا 130 زيه زي ال الانترا ؟؟؟!! هو ده طبيعي يعني هي وحشه ولا فيها مشاكل ولا ايه ؟ انا خايف اجيبها و البس رايكوا ايه ؟ ولا اجيب اللانسر ؟
عرض للطباعة
يا جماعه انا مش عارف ازاي سعر المازدا 130 زيه زي ال الانترا ؟؟؟!! هو ده طبيعي يعني هي وحشه ولا فيها مشاكل ولا ايه ؟ انا خايف اجيبها و البس رايكوا ايه ؟ ولا اجيب اللانسر ؟
هي سعرها زي الالنترا اه بس عشان اوبشنز اقل....بس لو انت جبت الفل اوبشن بتاع المازدا 3 هتلاقيه ب164 و بتاع الالنترا ب150
يبقى المازدا احسن طبعا....تاني حاجة مينفعش تقارن ياباني مع كوري(مع ان الكوري بقى كويس مؤخرا بس مش زي الياباني بردو)
المازدا قطع غيارها غالية اه بس بتعيش اطول ,,,فلو حسبتها هتبقى هي احسن..وكمان الكنبة بتاعت المازدا ضيقة و المحرك بتاع الالنترا اقوى شوية(بس مش معنى انه اقوى يبقى احسن)
انت لو جبت المازدا هتكسب التميز لانها مش منتشرة كتير زي الالنترا...انا لو مكانك هجيب مازدا 3
المازدا 3 مافيهااااااااااش اي مشاكل الحمد لله غير ان غبور مش عايز يسوقها كويس عشان ماتقفلش على سوق هيونداي اللي هو برضه واخد توكيلها
المازدا 3 ب 130 الف دي اللي هيا اوتوماتيك بيزك
المازدا 3 ب 155 الف اوتوماتيك كل الكماليات high line
اللي ب 130 الف فيها فرامل ABS, EBD, BAS
power steering (electrical+hydraulic)
2 Air Bags
electrical windows and side mirrors
4 Speakers
اللي ب 155 الف تزيد عليها:
2 Extra speakers ( 6 speakers total)
16" sport Aluminum rims
Rain sensors ( Automatic Wipers)
Xenon-HID headlamps (Automatic leveling)
Fog lights
electrical folding side mirrors
Automatic Air Conditioner (Dual Zone)
Multifunction Steering Wheel
Cruise Control
Information Screen for remaining mileage , fuel consumption, Maintenance Schedule
Sunroof
العربية تصنيع و تقفيل ياباني 100%
وعلى فكرة الكمبيوتر بتاع محركها ونظام الحماية من السرقة بتاعها معمول بشراكة مع ميتسوبيشي بمواصفات ومتطلبات شركة مازدا
العفشة رياضية (ناشفة سنة صغيرة) ونظام التعليق اللي ورا Multi-link ومتهيألي على حسب مانا شايف حضرتك معاك سوبارو يعني يهمك برضه تنقل لعربية الثبات فيها يكون كويس (الانترا ضهرها بيلعب)
هاتلي حضرتك عربية في مصر فيها كل الكماليات دي بالجودة دي والخامات دي والأداء ده وسعرها ب 155 الف ؟؟!!! وممكن تجيبها ارخص الف او الفين من معرض او موزع، الانترا Fully Loaded مافيهاش Xenon ولا تكييف Dual zone ، و كماليات تانية من اللي قلتها فوق مش موجودة فيها ، ومع ذلك ب 157 الف !!!!؟؟؟ بصراحة ده اسمه استهبال !
ياريت حضرتك تجيب بقى الكماليات اللي في الانترا (تقفيل وتصنيع مش ياباني) وتقولي مين نسبة القيمة للتكلفة فيهم احسن ؟
وعلى فكرة انا لسه فاكر دلوقتي مقارنة حيادية معمولة من واحد معاه العربيتين وكان محاااااااايد جدا في المقارنة وده اللينك بتاع مقارنته ممكن تقراه بنفسك وتحكم:
http://www.nilemotors.net/Nile/244088-3.html
واضح طبعا ان رأي الشخصي مازدا 3 احسن بكتير :))
وربنا يوفق حضرتك للي فيه الخير ليك ايا كان
بالتوفيق ان شاءا لله :)
شكرا جدا لا هو بصراحه انا مش هايغير السوبارو .. انا دي عربيه لاخ عزيز عليا جدا و عايز اجيبله حاجه محترمه لانه مكلفني بالموضوع ده و شكرا جزيلا لتاني مره يا شباب
مازدا 3 طبعا
نصيحه خش على قسم مقارانات احسن علشان المقارنه تيقاىبموضوعيه بس علشان تعرف مميزات الانترا بردو علشان تطمن كمان بس بقولك من واحد كان فىالحيره ديه قبل ما اجيب الفوكس ان المازادا فى المرتبه التانيه بعديها على طول ولا مجال للمقارنه بالانترا
مازدا 3 طبعا،بس لو لقتها
انا بدور علي واحدة زيرو مش لاقي
كالعادة ناس تدخل تقول ( حد يقارن ياباني بكوري ) (النترا مين يا عم دي عربية ورق) (لا مجال للمقارنة تماما) (مازدا وشششششششش دي ياباني يا عم)
مازدا طبعا
روح معرض وافتح باب الماذدا وشوف قوة الباب والخامات الداخليه وروح اعمل نفس الموضوع فى الايلانترا مش هتحتاج رأى حد وطبعاً الميكانيكا والكهربا اليابانى ملهاش علاقه بالكورى النهائى الماذدا تكسب فى كل حاجه