اتمنى من حضرتك تقولنا علشان الاستفاده العامه ..لو في فعلا صب مش بيحتاج بوكس ..شكرا
عرض للطباعة
متشكر يا باشا ع تعبك معايا
طب البايونيير ايه الموديلات الحلوة و سعرها أقل من السوني
و زي مقولت اهم حاجة عندي فلاشة و ام بي ثري و راديو و تبقي المحصلة
هيد يونت بايو + سماعتين كينوود 500 + جي ام كينوود 350 ايه رأيك ؟؟
و لو لقيت امكانية اني اجيب صب و جي ام اكبر ع سبيل المثال صب بايو 1000 و جي ام كينوود ع حسب المناسب للعدة هجيب لأن البازوكة بيز عميق اوي فعاجبني الصب اكتر
السلام عليكم بعد اذنك يا استاذ احمد انا لسه مركب كاست بايونيير 4350 وعندى سماعات سونى اكبلود 350 بس عايز احكم عليهم شغالين تمام ولا لا عشان فى اغاني مش بسمع صوت زنه فى البيز وفى اغانى بسمع صوت زنه مع البيز فكنت عايز اسأل ايه السبب وشكرا
اولا مجهود رائع يا احمد يستحق الشكر
ثانيا تعالي رد بقي علي الاسئلة اللي جايه دي بس معلش انا مفهمش حاجه خالص في الصوتيات ف حملك عليا :)
دي صورة كاسيت الالنترا الجديده 2012
[rmade]http://assets.clickmotive.com/ail/stills_white_0640/7482/7482_st0640_057.jpg?w=530[/rmade]
تمام كده ركز بقي معايا
الكاسيت الدابل دن شكل بس ولا اداء اعلي ؟
الكاسيت بتاع الالنترا ينفع يتغير -- لاحظ ان المكان اللي بيركب فيه الكاسيت مش مربع بالظبط --؟
الكاسيت الاصلي بتاع الالنترا فيه
* شاشه تاتش
* بلوتوث
* اوامر صوتيه
* جي بي اس
ممكن الاقي كاسيت بايونير فيه الكلام ده كله ؟! وفي منه احجام ؟
ايه الفرق بين 2 واي و 3 واي ؟
لو عاوز اركب ساوند سيستم محترم في النيو النترا
الهيد يونت هيبقي ايه ؟
سماعات الابواب ايه ؟ مدورة ؟ كام وات ؟ كام واي ؟
بالنسبه للصب والبازوكا انا شفت البازوكا وهي بتاخد مساحه كبيره مش هتنفع لكن الصب معرفش ايه ظروفه ؟ ينفع يتركب في الرف اللي ورا وهياخد مساحه قد ايه ؟
في الساوند سيستم بتاعك مش مغير الرف الخلفي بتاعك ب MDF ليه ؟
لو سماعات بيضاوي دابل بيز 500 وات مثلا تغني عن الصب ؟
لو عاوز اغير كاسيت الالنترا واجيب كاسيت سينجل دن ينفع اقفل باقي المكان ؟
وكفايه عليك لحد كده :B4_282:
انا قولتلك و حذرتك انك هتتهرى اسئلة و استفسارات
مسمعتش الكلام يلا ربنا يديك على قد ما بتفيد الناس :):)
الا الكاسيت عندى مقلوب فى تحكماته يعنى السماعات الى ورا بتحكم فيها على انها الى قدام و اليمين مكان الشمال فى تحكم الصوت من الهيد يونت
دى ممكن تتغير ازاى ؟
انا عندى مشكلة غريبة شوية هى فى السى دى بلاير بتاع الكاسيت الاصلى بتاع العربية
السى دى بلاير بيقعد يغير فى الـ modes مثلا من راديو لـ cd لـ aux لوحده تحس دايما انه كأنه بيحاول يقرا اسطوانة مع ان مفيش حاجة جواه
و برضه لما بقفل الكاسيت خالص صوت زى صوت قراية الاسطوانة مع ان مفيش جواه اسطوانة و هو مقفول اصلا
يا ترى ايه المشكلة ديه ؟
مينفعش يا باشا الصبايه تتقفل من غير صندوق علشان عمرها ما هتطلع القوه بتاعتها نهائى
و هتبقى راكبه اكنها على الهوا
و انت لو رجعت للكتالوج بتاع اى شركه هتلاقى كل صبايه و لها مقاستها
لو ملوش لزمه الصندوق مكانتش الشركه نزلت مقاسات لكل صب
^_^
بص يا اكسل هقولك على حاجه
احسن كاسيت فى الدنيا كله بايونير فى نقاء الصوت و تحكم الصب
اى حاجه بعد كده ولا ليها اى لزمه
تعالى افرجك الهيد يونت عندى مقوم عده صوت عامله ازاى
خليك فى البايونير و لما تزود بازوكه او صبايه
عليك و على السيمفونى المصرى بلاش الكورى علشان الاتنين واحد و يبقى 600 وات 4 شانيل
علشان لو حبيت تزود حاجه تانى و تمنه هيبقى فى حدود 550 جنيه
و على فكره البازوكه اقوى من الصبايه بكتير و عن تجربه
تحياتى ليك و لو فيه اى حاجه تانى عايز تعرفها قولى
^_^
هتلاقى فى تراب فى السماعات لو بقالهم كتير متنضفوش
تضفهم و شوف الزنه دى هتروح ولا لاء
لو راحت يبقى اتحلت الحمد لله
لو مراحتش يبقى الملف بتاع السماعه ناشف فا لازم تتغير
تحياتى ليك
^_^
بص يا باشا فى كاسيت بايونير دبل دن بنفس المواسفات دى بس مربع و شاشه تانى و كلام عالى اوى
بس زى ما انت قلت ان الدبل دن شكل بس مش اداء فا يستحسن تبعد عنه لو عايز تركب عده محترمه
لو عايز بقا تركب ساوند محترم
هيبقى هيد يونيت بايونير 3350 ده عالى اوووى
سماعات باب بايونير 200 وات محترمين جداااا
و بلنسبه للبازوكه احسن هى اه هتاخد مكان فى الشنطه بس اقوى من الصبايه بكتيييير
و سيبك من الصب اللى بيركب فى الرف لان اى صب فى الدنيا لازم يتقفله صندوق علشان يطلع البيز بتاعه اى حاجه تانيه اسمه عك
بلنسبه للساوند سيستم بتاعى انا مش مركب ام دى اف علشان مش عايز بيز من السماعات عندى 3 بازوكه و يادوب سماعتين ورا علشان يطلعولى صوت بس فا مش محتاج ام دى اف
و بلنسبه للسماعات دبل بيز ولا ليهم اى تلاتين لزمه
الصوت النقى بييجى من
بازوكه لوحدها
سماعات تطلع صوت بس علشان الصوت ميدخلش مع البيز و للبازوكه جى ام و السماعات زى ام تانى خالص زى ما انا عامل
و بلنسبه لتقفيل التابلوه عندك ده هيرجع ليك انت انك تلاقى الفبر اللى هيقفل مكان الكاسيت الدبل دن
و بلنسبه للحوار بتاع الكاسيت اللى مقلوب عندك ده
هترستر الكاسيت و خلص الحوار
يا اما تشيل الفيشه و تركبها تانى
يا اما هتلاقى عندك زرار مكتوب عليه restart ورا الوش بتاعه لو بيتفك او بيتحرك
تحياتى ليك يا باشا و لو عايز اى حاجه تانى قولى و متقولش هتعبك معايا
^_^
ياريت يا باشا توضح اكتر
يعنى مثلا هو بيغير لوحده و انت ماشى
ولا ايه ؟؟؟؟
و اسف يا رجاله على التأخير فى الرد
^_^
نجم والله ..ربنا يكرمك يا مان ...انا عندي اسنفسار بسيط ...لو عاوز اوصل جي ام على الكومبيوتر ..السماعات عندي والصب وانا عارف حوار الباورسابلاي اللي هيطلع 12 فولت لل جي ام ...انا بس عاوز اعرف هل في اي تظبيط لل gain او اي حاجه ولا عادي الكومبيوتر زي الكاسيت بالنسبه لل input ؟؟؟