حبيت افيد المنتدى بخبرتى
و خصوصا قسم الصوتيات
اى حد عنده مشكله فى عده الصوت بتاعته
او عايز يركب عده صوت فى عربيته
يقولى و انا ان شاء الله هفيده
تحياتى
^_^
عرض للطباعة
حبيت افيد المنتدى بخبرتى
و خصوصا قسم الصوتيات
اى حد عنده مشكله فى عده الصوت بتاعته
او عايز يركب عده صوت فى عربيته
يقولى و انا ان شاء الله هفيده
تحياتى
^_^
منورررررررررررر يا باشا.............انا نايم هنا علي فكره و هتلاقيني ف وشك كل شويه ههههههههههههههههههههههههه ههههههههههههههههه
طيب اول مريض يا دكتور
1- سماعات الباب عندي بتعمل صوت خروشة مع البييز
2- عندي سي دي تشانجر بايونير 12 اسطوانة اوديو كل ما احطلة فيشة الكهرباء يطلع صوت طقطقة
3- الكاسيت عندي بايونير سي دي وش الكاسيت ساعات بيفصل مع ان الكاسيت بيكون لسة شغال و اضطر ازق الوش بصباعي عشان ينور تاني
يا باشا فين المشاكل دى يا حاج
سماعات باب و بتخروش علشان جوها تراب
او بتقع جواها مايه لما بتتيجى تغسل العربيه و ده امر عادى و التراب ده بييجى لو الباب عندك مش متقفل صح و دى مشاكل مساعات الباب
حلها هتفك السماعات و نضفها كويس اوى و هتلاقى الخروشه دى راحت لو السماعات سليمه مفيهاش حاجه
اما بلنسبه للسى دى ممكن توضحلى صوت طقطقه و يشتغل ولا صوت طقطقه و مش شغال
و حوار الكاسيت ده عادى ده بيبقى من الاستخدام المسطره بتاعت الوش مكانها بيوسع من كتر ما بتشيل الوش و تركبه تانى و ده ملهوش علاج لان النحاس اللى بيبقى على المسطره بيبقى اتاكل فا مكانه وسع ممكن اقولك على علاج مؤقت ليه ( عود كبريت و ازنقه جنب الوش و اكسر الزياده علشان ميبقاش باين ) و هتلاقى كل حاجه شغاله
وضحلى بس نقطه التشنجر
^_^
التشينجر بيطقطق و مش بيشتغل
و وش الكاسيت عمري ما شيلتة من مكانة و لا حتة فتحتة عشان ادخل اسطوانة
و بالمناسبة صحيح بقي
الكاسيت كمان مش بيقري السيديهات و وديتة عند واحد قالي عاوز تغير تقريبا العدسة مش متذكر و قالي بـ 250 جنيه
بيطقطق ده عيب كهرباء مش مقوم الجهاز اكيد اى سى الباور فيه مشكله
اقرب توكيل بايونير هيعملهولك بس هيعوروك شويه
وش الكاسيت اكيد مشكلته انه يا اما المسطره مش بايته صح او النحاس اللى عليها متاكل
و ده ملوش حل
الكاسيت مش بيقرى
سؤال الاول هى قاطعه خالص ولا بتشتغل و تفصل لو بتشتغل و بتفصل
فك انت الكاسيت بره و انفخه ببلاور كده و يا سلام بقا لو تفتحه و تنضفه
و بعد كده هات السطوانه تنضيف سى دى و حطها
و هيشتغل معاك زى الفل
ولو قاطعه خالص يبقى هتسمع كلامه بس 250 جنيه ده بيهرج طبعا
العدسه ب 100 جنيه فى اى حته و على حسب الكاسيت بايونير انهى نوع و الكلام ده بره التوكيل طبعا
انت لو هتعملها فى التوكيل 200 جنيه و 10% ضريبه
يبقى هتقف عليك ب 220 جنيه بس فى التوكيل يعنى عليها ضمان ست شهور العدسه
و فى خلال الست شهور حصلها حاجه هتروح يعملوهالك فى اى وقت ولو حتى هيغيروها
خلاص الكلام
التصليح يا اما جوه التوكيل يا بلاش علشان الضمان
او تشترى جديد
حاجتين ملهومش تالت فى الصوتيات بلذات
تحياتى ليك
^_^
لو سمحت يا باشا عندى جى ام سونى بيفصل ساعات والاقى اللمبه اللى هيا خضرا دى تقلب احمر اشيل الفيوز واحطه تشتغل تانى وهكذا كل يومين وغيرت فيوزات كتير ونفس المشكله ايه الحل بقى ؟
يا ابو حميد يا جاري العزيز الف شكر ليك
التشينجر بصراحة مش هاودية يتصلح هو اصلا اوديو مش mp3 و دي حاجة تخنق جدا
الكاسيت مش بيقرا اصلا خالص .. تدخلة السيديهاية يعمل عبيط ولا يقراها
سؤال بقي علي فتية كده
هو ينفع يتحطلة عدسة من اي سي دي روم بتاع الكمبيوتر ولا كده انا بهزي
جبته لنفسك يا باشا ههههههههههههههه
عايز اعرف ازاي بتم التوصيلات في الساوند سيستم و الوصلات و اسمها و هل ليها مقاسات معينة و لا كله واحد عشان الناس بتقولي اشتري من راديو شاك الوصلات
لنفترض ان الساوند سيستم مكون من هيد يونت + سماعتين خلفي + صب + جي ام
خاصة ان الواحد مقبل ع الموضوع ده و معندوش خبرة و قلقان ان حد يشتغلني كعادة الصنايعية هنا
فايه التوصيلات من العربية الي الهيد يونت و من الهيد يونت الي باقي الطقم :))
بص يا عم اكسيل هفهمك نقطه الوصلات دى
الوصلات بتاعت الار سى اى سواء من راديو شاك او من بايونير
بيبقى داخل معاها نحاس خاااااااااام
النحاس الخام بيعمل
نقاء صوت عالى جدااااا و مانع ذبذبه و عمر اطول طبعا
المقاسات بتبقى فى الطول على حسب العربيه اللى عندك
بص يا برنس للنقطه التانيه
بس ده فيلم لازم يبقى عملى قصادك علشان تبقى فاهم
بص يا سيدى
فتح مخك بقا معايا علشان تبقى فاهم
حطينا الجى ام فى الشنطه دلوقتى مع الصب تمام
ركبنا السماعات و خرجنا السلوك على الجى ام بس لسه موصلناش تمام كده
هنجيب كبل كهرباء عمومى من البطاريه للجى ام ميقلش عن 4 مللى السلك
و هنجيب كبل ارضى نفس السمك و نربطه فى اقرب حته فيها ارضى للجى ام
كده الجى ام واخد ارضى و كهرباء تمام
ناقص وصله الاشاره
هتقوم رايح للكاسيت و مركب الاشاره فى السلك الازرق بتاع الكاسيت علشان يفصل الجى ام مع الكاسيت
و لو مفصلش من السلك الازرق هقوم موصل على الاصفر لحد ما تشغل الكاسيت
الجى ام يشتغل
تقفل الكاسيت الجى ام يقفل
تمام كده
كده وصلات الكهرباء بتاعتنا تمام اوى
هنروح مركبين وصله ال ار سى اى فى الكاسيت الاحمر مع الاحمر و الابيض مع الابيض
و هنروح موصلينها من تحت الفرش لحد ما توصل للجى ام و بردو الاحمر مع الاحمر و الابيض مع الابيض
و تقوم مشغل الكاسيت
و تجيب سلك الصب
لو الجى ام 2 شانيل يبقى هتوصل الصاب على بارت 1 و بارت 4
علشان تاخد اقصى قوه خارجه من الجى ام
و نييجى بقا للمساعات
على حسب ما انت عايزها تشتغل بيز و صوت ولا صوت بس
لو بيز و صوت هتوصل واحده على 1 و 2 وواحده على 3 و 4
و المهم انت تبقى سامع الصوت علشان السماعات متبقاش راكبه غلط و تبقى مكتومه
و بكده يبقى انت ركبت العده بنفسك
وربنا يقدم اللى فيه الخير ولو في اى حاجه وقعت قصادك كلمنى على طول هقولك تعمل ايه
تحياتى
^_^
تسلم ايدك يا باشا
كنت عايز اعرف رايك في الكاسيت دة
Clarion Singapore | ADB341MP
هل هو كويس و لا لا او مساوي لانواع ايه تانية ؟
و كنت عايز اعرف رايك لو عايز اغير طقم السماعات الي في الاسبيرانزا و هو عبارة عن اتنين ورا و اتنين في الباب و اتنين في القوايم
بس بدون جي ام و صبات و كدة اجيب ايه ؟
اخر استفسار بقي
هل صوت Aux بيبقي اوطي بكتير قوي من السي دي ؟ و لا جودة الوصلة مش حلوة ؟ ؟
بص يا باشا
الكاسيت الدبل ديك ممتاز و هيركب عندك فى الاسبرانزا زى الفل
بس انا مش برشحه علشان مش بيبقى فيه اوبشنات كتير
زى مثلا تحكم صب و نقاء صون و كده
لو عايز كاسيت محترم انا مركب عندى فى العربيه بايونير 4050 بس ده هييجى بلطلب
ده بلنسبه لاول حاجه
تانى حاجه بقا
انت عايز تغير طقم الصوت ولا لاء عايز تركب حاجه اكبر ولا لاء
تالت حاجه بقا
ال aux اصلا بيبقى واطى من جوه الكاسيت
و الاسطوانات بتبقى اعلى كتيييييييير من ال aux و ده ليه انا معرفش بس الكاسيتات كلها كده حتى لما سألت التوكيل قالى هو بينزل كده
تحياتى ليك
^_^
تسلم ايديك يا باشا لا الشرح كده وصل تمام التمام ده انا هفكر اركبه بنفسي ههههههه
طيب سؤال السماعات من غير جي ام مجرد هيد يونت و سماعات سمعت اني ممكن اطلع منا لسماعات بيز و صوت او صوت بس عن طريق تبديل الاسلاك ده ازاي الكلام ده ؟؟
العدة اللي عندي حاليا هيد يونت كاسيت كلاريون 1970 + سماعتين كلاريون 150-200 وات مش فاكر بالظبط فعندي في الوصلات اللي خارجة من السماعة واحدة عريضة و واحدة رفيعة و السلك اللي متوصل عليهم بنفس الطريقة واحد عريض و واحد رفيع فازاي بقي بطلع البيز و الصوت او الصوت بس
و اخيرا ان شاء الله هركب سوني 500 + سماعتين 400 او 500 وات كينوود + جي ام كينوود 350 وات لو ع السماعات بس او 720 وات لو هجيب صب بايونيير 1400 فعشان كده بسأل عشان ابقي عارف :)
بالمناسبة ترشح هيد يونت ايه تاني غير السوني 500 يكون زييه بس أرخص شوية
انا المهم عندي فلاشة و ام بي ثري و راديو اف ام لأني و لا بستخدم كاسيت و لا سي دي بالرغم ان عندي مكان لدبل ان :F_eyeb1[1]:
الحقني يا دكتور :))
عندي سماعتين كينوود 500 وات بس بقالهم فترة راكبين ...ولقيت الصوت بتاعهم فيه خرخشه في البيز برضه ..مع ان الرق بتاعهم والجلد اللي ماسك الرق في الشاسيه بتاع السماعه زي الفل ... هل ليها حل ؟؟؟
بص يا عم اكسيل اننا قلتلك الكلام ده علشان تركبهم بنفسك
لاء بص ده بيبقى ظبط فى الجى ام بارت 1 و 2 صوت او بيز و 3 و 4 نفس القصه ده لو الجى ام 2 شانيل
اما بلنسبه للكاسيت
الغالى تمنه فيه
و ارشح بايونير اى موديل عن تجربه مع عده بايونير
لو هتجيب هات بازوكه جى بى ال 1000 وات صينى ب 650 جنيه و انت و شطارتك
و جى ام 600 وات سيمفونى و هتدعيلى
ولو فى حاجه تانى اسألنى عليها
^_^
الف شكر ياباشا
تسلم يا باشا علي الموضوع الجامد دة
انا كنت شاري سماعتين jbl ٣٠٠ وات من حوالي شهرين وكنت موصلهم هما وصب كينوود 1300 علي gm ٦٠٠ وات سوني ولحد كدة كان الصوت تمام اوي لحد ما حرامي كسرلي ازاز الكنبة اللي ورا وسرق حاجات وفي ازاز دخل جوا السماعة بعدها رحت نضفت الازاز المكسور وغسلت العربية وساعتها دخلت مية بسيطة جدا جوا السماعات رزاز كدة بس نفختها والموضوع خلص والسماعات اشتغلت كويس يومها بليل وانا ماشي و معلي الكاسيت لقيت مرة واحدة سماعة من الاتنين بتزن جامد مع البيز ولما روحت فكيت السماعة وبزق الرق لتحت بحس كدة ان في حاجة واقفة في طريقة بيحك كدة وهي الحكة دي اللي عاملة زنة يبقي كدة ايه الكلام باظط كدة السماعة ولا في امل يا دكتور؟
معلش بقي علي الرغي الكتير بس انا بحب احكي كل حاجة بالتفصيل :)
يا خسارة كانت سماعة محترمة والله
طيب انت ايه رايك يا باشا اجيب jbl تاني زيها ولا انت شايف ان في حاجة احسن منها
و سؤال كمان دلوقت انا عندي الصب مديني بيز كويس ممكن الغي البيز بتاعة السماعة دي و بكدة متزنش وتبقي التويترات بس هي اللي شغالة ولا انا بخرف
الكاسيت بايونيير 4250 sd والجي ام سوني 600 وات 4 تشانل
طب انا عندى بايو 3350 و راكب عليه طقم سماعات 500 بايو برضه
هل لو فكرت انى ازوت طقم تانى سماعات الهيد يونت هيستحمل يقوم ال4 سماعات ولا هيحتاج امبلافير
و السماعات الى تتزود دى تكون نفس النوع و القدرة ولا ايه الكلام فى الموضوع ده ^^
دا انت هتتهرى اسئلة
استحمل بقا معلش
ههههههههههههههههههههههههه ه
يا ياشا انا تحت امرك
ال 3350 اللى بتغير الاغانى من البكره ولا بزرار
بلنسبه لانك عايز تزود سماعات
تقسيمه الكاسيت هتستحمل متقلقش
بس نقاء الصوت هيطلع عامل ازاى
اكيد الصوت مش هيبقى متقسم ولا فى سراوند
علشان كده بننصح بعد السماعتين تركب جى ام لنقاء الصوت و تجسيمه
بس ان لو ركبت ال 4 على الكاسيت مش هيقول لاء و هيشتغل و زى الفل
بس لما هتييجى تعلى الكاسيت الصوت هيدخل فى بعضه مش هيبقى متقسم
بس هى دى كل المشكله
تحياتى ليك و متقولش الكلام ده احنا اخوات
^_^
ومقلتليش يا باشا لو حبيت اجيب غيرهم انت بخبرتك كدة شايف اجيب jbl زيهم ولا في حاجة احسن يعني انا بحب جدا صوت التويتر والتربلات اكتر من البيز انت ايه رايك
كنت عايز كمان هل في طريقة لتعلية صوت ال Aux لان عندي واطي حبتين عن ال CD و يضطر العب في الايكولايزر عن الطبيعي
معلش تاعبينك معانا
عندى cd kinwood 3047 ليه حوالى سنتين وشغال زى الفل و فجاه لقيته كاتب TOC Error
وعملتله كلنر ومنفعش ونفس الكلمه ووديته لفنى صيانه وقالى نضفتهولك وبرده ماشتغلش
ياريت لو حد عنده حل
شكراااااااااا
http://www.nilemotors.net/Nile/27847...od-3047-a.html
ياباشا اولا الف شكر على الموضوع الجميل ده
انا عندي السي دي في عربيتي اللي بينزل مع ال gen 2
هو نوعه بلو بانكت ماليزي محترم جدا صوت ونقاء وكله ولكن بعد استعمال 4 سنين دلوقتي كل سنه كده افكه عشان انضف العدسه من التراب وفكه صعب اوي وبزعل على التابلوه وسالت فني قبل كده على السي دي كلينر قاللي مالوش لزمه وبيبهدل العدسه
سؤالي هل فيه حل لتنضيف العدسه غير الفك ده وينضفها فعلا لاني على وشك افكه انضفها تاني
شكرا لزوقك
ياباشا انا قلتلك ال 4050 مش بينزل ستوك
الكاسيت اللى عندك ده هيقوم سماعات و هيقوم صبايه لو عايز تركب بس هيبقى ضعيف عليها اوى
انت روح توكيل بايونير وسط البلد و هاتلك جوز سماعات تايلاندى ممكن يغلوا 30 جنيه او بنفس السعر ده
و هيديك ضمان سنه على السماعه
ولو مش عايز تتعامل مع التوكيل
انزل شارع الازهر و نقى جوز بس الشكل القديم مش الجديد و يبقى محفور عليهم تايلاندى
علشان متبقاش صينى و ملزوق عليها تايلاندى
معاك حلين اهو
بلنسبه لل aux ده العادى بتاعه فى اى كاسيت فى الدنيا و ملوش حل هو بيفضل كده
تحياتى ليك
^_^