ياترى حسيت بالظلم لما فكرى رخص فورد ٢٠١٠ و٢٠١١

اقتباس:

---

المشاركة الأصلية كتبت بواسطة ayabooy

حتى لو اشتريت عربية مستعملة بعد فترة تمنها بينزل فاعتقد انه مفيش ظلم
و لو فرضنا ان واحد اشترى العربية اول ما نزلت فهو اتمتع بيها و بكونها قليلة في الشارع و موديل سنتها و مفيش ناس كتير راكبها غير الي اشتراها في العرض و كان الموديل الجديد تقريبا نزل

---

ازاى بس يعنى اتمتع بيها سنه وبعدين اجى ابيعها الاقيها فى الارض اكتر ما نى فالارض لصلا مش منظق

حضرتك بتتكلم عن نزول سعر العربية 18 الف تقريبا و المبلغ ده تقريبا 10 % من تمن العربية صح ؟
انا اشتريت عربية 128 بـ 20 الف و بعتها بعد 9 شهور بـ 18 الف تقريبا
و ده معناه ان سعرها نزل في السنة ديه 10 %
و قيس على كدة
انا اشتريت الفيستا بـ 32 الف و بعد سنة كان تمنها في السوق 29 28 الف يعني برده نزلت نفس النسبة
يبقي عادي ان العربية لما يعدي على موديلها سنة سعرها ينزل

دي سنة الحياة لو الاسعار هتفضل ثابتة مكنش حد هيركب مستعمل وكان كل الناس هتفضل الجديد لان المستعمل بنفس عر الجديد.

يا جماعه انتوا مش فاهمينى كل اللى قولتو حلو وعلى عينى وعلى راسى بس انا بتكلم ان العربيه لما تبقى جديده ب ١٠ جنيه مثلا وينزل عليها تخفيض وهيا بردو جديده بقيت ب سبعه امال لما اجى ابيعها حبيعها بخمسه يعنى خساره الضعف مش الخساره الطبيعيه بتاعه المستعمل اللى مبتعبرش خساره نظرا لانك استخدمتها فى الفتره اللى قبل متبعها بس لما الجديد تكنو يرخص المستعمل حينزل الارض ومع عربيه زى فورد يبقا كده اللى اشترى العربيه جديده وهيا غاليه لبس فى اجدعها حيط انا كنت شغال فى ايطاليا وكان صحابى هناك لما بيشتروا عربيه فى تامين اجبارى ومن ضمن بنودو ان العربيه لو سعرها نزل عن حد معين عند البيع لازم بيتردلهم مبلغ معين وفقا لعدد الكيلوات المستخمطه وعدد السنين قبل البيع علشان اللى اشترى ملوش زنب فى سياسه الشركه انها تخفض من المنتج بتاعو لانو حياثر عليه عند اعاده البيع ياريت يكون كلامى وصل احنا للاسف فى مصر المستهلك مظلوم فى كل حاجه انا لفيت فى اوربا الشرقيه بلدان فقيره جدا فوق ما تتصورو وبيعاملوا المستهلك معامله اندف مليون مره من البلد بتاعتنا ربنا يهدى ويوفقنا ان احنا نقدر نساعد فى اصلاح بلدنا بالشكل الامثل ويارب نور بصيرتنا وارشدنا لااتجاه الصحيح اللى بيه نقدر نعلى وننهض بمجتمعنا اعزرونى انى خرجت برا الموضوع بس لانى فعلا زعلان ان بلدنا بالحاله ديه انا كان حلم حياتى ان النظام عندنا يتغير وقطعت سفرى مع بدايه الثوره وشاركت بقوه على امل ان التغيير يحصل وخصوصا انى كنت متاكد ان ده حتما كان لازم يحصل لانى دارس تاريخ اوربا الشرقيه وعاشرت ناسها وشوفت ازاى النظام اتحول من الشيعونه للدموقراطيه وشوفت اد ايه احنا احسن من الناس ديه تقريبا فى كل حاجه وكنت متاكد ان ثورتنا حتنجح بس للاسف بعد ما جيت والحال بقا زى ماانتو عارفين وخسرت شغلى هناك وانا مش حاسس باى تغيير لغايه دلوقتى فاى حاجه فى البلد وبحكم علاقتى مع ناس تقال اوى فى البلد لسا بيدوروا الدفه زى ماهم عايزين بالظبط ومنهم اللى ازاد بغيا وظلما فىخلق الله نصيحه لوجه الله كل واحد يبتدى بنفسو ويحاول يغير منها للاحسن حتى لو كانت صغيره بالنسبالك بكره حتفرق معانا كلنا وكلى ثقه ان البلد ديه حتبقا احسن بلد فى الدنيا عمن قريب. قولواااا اميييييييييين

اقتباس:

---

المشاركة الأصلية كتبت بواسطة mohamedkordy

يا جماعه انتوا مش فاهمينى كل اللى قولتو حلو وعلى عينى وعلى راسى بس انا بتكلم ان العربيه لما تبقى جديده ب ١٠ جنيه مثلا وينزل عليها تخفيض وهيا بردو جديده بقيت ب سبعه امال لما اجى ابيعها حبيعها بخمسه يعنى خساره الضعف مش الخساره الطبيعيه بتاعه المستعمل اللى مبتعبرش خساره نظرا لانك استخدمتها فى الفتره اللى قبل متبعها بس لما الجديد تكنو يرخص المستعمل حينزل الارض ومع عربيه زى فورد يبقا كده اللى اشترى العربيه جديده وهيا غاليه لبس فى اجدعها حيط انا كنت شغال فى ايطاليا وكان صحابى هناك لما بيشتروا عربيه فى تامين اجبارى ومن ضمن بنودو ان العربيه لو سعرها نزل عن حد معين عند البيع لازم بيتردلهم مبلغ معين وفقا لعدد الكيلوات المستخمطه وعدد السنين قبل البيع علشان اللى اشترى ملوش زنب فى سياسه الشركه انها تخفض من المنتج بتاعو لانو حياثر عليه عند اعاده البيع ياريت يكون كلامى وصل احنا للاسف فى مصر المستهلك مظلوم فى كل حاجه انا لفيت فى اوربا الشرقيه بلدان فقيره جدا فوق ما تتصورو وبيعاملوا المستهلك معامله اندف مليون مره من البلد بتاعتنا ربنا يهدى ويوفقنا ان احنا نقدر نساعد فى اصلاح بلدنا بالشكل الامثل ويارب نور بصيرتنا وارشدنا لااتجاه الصحيح اللى بيه نقدر نعلى وننهض بمجتمعنا اعزرونى انى خرجت برا الموضوع بس لانى فعلا زعلان ان بلدنا بالحاله ديه انا كان حلم حياتى ان النظام عندنا يتغير وقطعت سفرى مع بدايه الثوره وشاركت بقوه على امل ان التغيير يحصل وخصوصا انى كنت متاكد ان ده حتما كان لازم يحصل لانى دارس تاريخ اوربا الشرقيه وعاشرت ناسها وشوفت ازاى النظام اتحول من الشيعونه للدموقراطيه وشوفت اد ايه احنا احسن من الناس ديه تقريبا فى كل حاجه وكنت متاكد ان ثورتنا حتنجح بس للاسف بعد ما جيت والحال بقا زى ماانتو عارفين وخسرت شغلى هناك وانا مش حاسس باى تغيير لغايه دلوقتى فاى حاجه فى البلد وبحكم علاقتى مع ناس تقال اوى فى البلد لسا بيدوروا الدفه زى ماهم عايزين بالظبط ومنهم اللى ازاد بغيا وظلما فىخلق الله نصيحه لوجه الله كل واحد يبتدى بنفسو ويحاول يغير منها للاحسن حتى لو كانت صغيره بالنسبالك بكره حتفرق معانا كلنا وكلى ثقه ان البلد ديه حتبقا احسن بلد فى الدنيا عمن قريب. قولواااا اميييييييييين

---

مدام محدش عايز يقول امين طب امين امين امين امين امين

اقتباس:

---

المشاركة الأصلية كتبت بواسطة mohamedkordy

مدام محدش عايز يقول امين طب امين امين امين امين امين

---

آآآآآآآآمين يا فندم : للاسف الموضوع مالوش حل و هو مرتبط تماما بالموديل القديم و الجديد. كل الشركات لازم تعمل كده. بى ام نفسها بوظت الفئة الخامسة اللي قبل الموديل الحالى ده ، بسبب الشكل الجديد. حضرتك جبت المفيد، هي قضية مستهلك متهان ع الاخر - لان كان ممكن يترد اعتبار المستهلك بمبلغ يترد ليه من التأمين اللي معظم الناس بتدفعة لانها شارية من بنوك. نتعشم ان الموضوع عموما يتحسن فى الفترة اللي جاية.
حيث ان حضرتك من ملاك فورد: ايه هى اهم عيوبها من فضلك؟ انا بفكر اجيب 2012 و عاوز اعرف اكتر عنها لو سمحت.
شكرا جزيلا.

بص عموما انا بحس انها بتاكل بنزين شويه وغير كدا متهيالى مفيش حاجه بس اعاده البيع واقع بس بصراحه العربيه ماشاء الله عليها ممتازه