الموضوع: ياترى حسيت بالظلم لما فكرى رخص فورد ٢٠١٠ و٢٠١١

المشاركة الأصلية كتبت بواسطة mohamedkordy

لكل اللى اشترى فورد زيرو ياترى احساسكوا ايه لما فكرى عمل عرض اخر السنه الى فى فاتت ونزل من تمن العربيه ١٨٠٠٠ جنيه ياترى دا حرام ولا حلال وايه وجه نظركوا فى الموضوع ده

انا معيش فورد للاسف لكن موضوع ده ليه 2 وجهه نظر واحده من وجهه نظر المشترى جديد انها سعر لأقطه فناس اشترتها وده ادى الى انتشارها شويه نفس حركه دى اتعملت مع لانسر شارك 2009 لما كانت عندرواس و مفيش حد بيشترى و كانت ب158 على ما تذكر و لما جت 2010 و 2011 خلى سعر كامله هاى لاين ب132 لحد 129 الف فناس راحت جبتها و كترت و انتشر لها قطع غيار فدى حاجه كويسه و وحشه لمالكيها قدامى فى سعر اعادة بيع لكن عامه سعر اعادة بيع للفورد قليل جدا لأنها مش منتشرة و عليها سمعه المعروفه بدون تفكير ان قطع غيارها نار لأنها اوروبى و مش هتلأقى ناس كتير بتفهم فيها و كلام المشهور ده انا عن نفسى مشتنى توكيل يعمل حركه دى تانى بس للموديل جديد هروح اجيبها على طول انا شايفها حركه جميله تساعد على تحفيز لشرائها و انتشارها و متنساش حركه دى معملهاش تقريبا الا فى اخر سنه مع نزول موديل جديد بدل ما تقعد و كمان ابتدى نزل صيانات و قطع غيار فى جرايد علشان يحاول يغير وجهه نظر ناس دى حركه كويسه مش وحشه

ما تضايقش نفسك يا فندم. انا مش من ملاك العربيه بس باحترمها جداً و حاسس انها مش واخده حقها فى مصر خالص. هو طبعا ده استهبال انه ينزلها مره واحده كل المبلغ ده بس اكيد هو عايز يدخلها فى المنافسه مع العربيات اللى فى الرينج ده و علشان كده عمل الحركه المستفزه دى و ده كمان يدل على انها كانت over priced من الاول بس برضه خللى بالك ان لو العربيه اتباعت كويس و انتشرت هتلاقى بدأ يرفع السعر مره تانيه بالتدريج علشان يرجع يكسب منها كويس مره تانيه. يعنى اعتبر انه عامل عليها تخفيض كبير لفتره محدوده علشان ينشر العربيه و حضرتك هتستفيد اكيد من الانتشار ده بالنسبه لسعر اعاده البيع و قطع الغيار بس اكيد مش دلوقتى يعنى و حضرتك مش هتتأثر بحاجه فى السعر الجديد طالما انك مش بتفكر تبيع دلوقتى لكن اللى هيخسر قوى هو اللى هيبيع اليومين دول طبعا

المشاركة الأصلية كتبت بواسطة mohamedkordy

هوا الحمد لله انا جبت العربيه فى فتره العرض بس فى ناش اعرفها جابوها فى عز ما كانت غاليه وحالتهم كرب دلوقتى فانا حبيت اعرف من الملاك رايهم ايه فى الموضوع ده

طيب يا باشا مبروك وزى ما قلتلك دى الاعيب مبيعات علشان يدخلوها المنافسه و لما تكسبها هيرجعوا السعر تانى لطبيعته. تخيل كده كام واحد ممكن يفكر يشتريها بس لانها لقطه و تمنها نازل ١٨ الف جنيه (حتى لو ما كنش شاف شكلها) و بعدين ما كنتش تقول انك اشتريتها و هى فى العرض كده الناس التانيه ممكن معاك