الموضوع: حصرىا لقسم نيسان .. مـعلومات عن اسعار الصنى الشـكل الجديد .. وموعد طرحها فى الاسواق

المشاركة الأصلية كتبت بواسطة _hema

احمد باشا

شكراً على الموضوع والمجهود

والشكر الاخص على المعلومه

دائماً سباق الى كل ماهو جديد

كل التحيه لك ولمجهودك الرائع

تسلم ياهيما على تقديرك الغالى .. وتحياتى للوالد بشدة

المشاركة الأصلية كتبت بواسطة atefadel

هي هتبقي تقفيل مصر ولا اليابان ولا البرازيل ولا صيني
واخبار جميلة

العربية قطع غيار يابانى تقفيل مصر باذن الله .. وان شاء الله تقفيلها يكون كويس باذن الله ويتم التقفيل بعناية

المشاركة الأصلية كتبت بواسطة mahmoud_afifi

تقرير جميل واخبار هايله يا احمد باشا.
لو اول فئه مانيوال نزلت بabs الواحد ممكن يفكر يغير :)
الشكل الجديد بتاع الصني جميل جدا ماشاء الله
ارجو ابقاءنا على اطلاع باستمرار بخصوص الاسعار والمواصفات

تحياتي

تسلم على تقديرك يا محمود بيك ..
والله لو كانت مانيول وبى abs وتمنها ببلاش .. عمرى ما افكر اركب مانيول ابدا .. مانيول ايه ياراجل .. مفيش اريح من الاتوماتيك
وبعدين الشكل الجديد هى مسائلة اذواق .. شوف هو عاجبك وعاجبنى .. بس مش عاجب ناس تانية
بس النقطة المهمة
ان كلنا عارفين ان نيسان مش بتهتم بالشكل الخارجى او الانتروا الداخلى اوى زى العربيات الكورى .. بس بتاخد عربية منها اعتمادية بحق .. وقطع غيار يابانى وماتور معمر
والعربية دى فيها امكانيات موجودة فى عربيات تانية بسعر بيعدى
يعنى شوف اى عربية بنظام push to start وكمان يكون فيها تكيف خلفى .. سعرها بيبتدى بكامممم !!!
وشوف كام عربية اتوماتيك مفيش وسائل امان كمان وتوكيلهم سيئ وبيبتدوا من 120 الف !!!
خالينا نطلق من ناحية المنطق والعقل والفلوس اللى على قدنا
لان لو فى شغل وانترو كويس جوة العربية ومن بره .. وسعر العربية زاد اوى .. الناس حتولع ومش حيعلقوا
اغلب الناس اللى مبسوطة اللى معاها يدوبك الفلوس على القد ومقدرة الامكانيات اللى فى العربية مقابل الفلوس اللى بتدفعها

المشاركة الأصلية كتبت بواسطة Kareem Fawzy

الله ينور يا ابو حميد
وشكلى هجيب نيسان :))

ياريت يا كيمو .. ده نيسان نفسها يشرفها انك تكون من عملائها .. ويشرفنى شخصيا وجودك معاانا
وتيجى بقا وتشيل الدنيا وتقف مع اخوك شوية .. وادوشك معايا
بصراحة الواحد بيتشرف بروحك الجميلة والحلوة بجد .. وانت مكسب للجميع بروك الجميلة دى

المشاركة الأصلية كتبت بواسطة Ahmedmiy

بسم الله الرحمن الرحيم

اللهم صلى وسلم وبارك على خير خلقك محمد ابن عبد الله رسول الحق للعالمين

ما شاء الله موضوع حصرى جدا لصقور نيسان

وطبعا أول موضوع لأخونا الحبيب أحمد تى فى بعد الالتزام بفراش المرض إن شاء الله ربنا يجزى عن هذا المرض أجر وحسنات يوم الحساب

شكراً جزيلاً يا أحمد على هذة الأخبار الحصرية وكده بجد مش هزار قسم نيسان نايل موتورز بينافس جميع محررين ومراسلين الجرائد ووسائل الإعلام على الإنترنت فى كل ما يخص أخبار شركة نيسان العريقة فى مصر العظيمة الحبيبة .

الحمد لله

لا اله الا أنت سبحانك إنى كنت من الظالمين

سبحان الله العظيم وبحمده ( من قالها غرست له نخله فى الجنه إن شاء الله )

اللهم صلى وسلم على نبينا محمد

حبيبى يا احمد .. بجد الواحد مش عارف يقول ايه قدام كلامك الجميل ده والتقدير الغالى ده
والله يا احمد بعتز بصداقتى بيك جداااا .. لانك شخصية اكثر من رائعة من الحب والود والعقل
وشاكر اتصالك وسوالك عليه
وربنا يديم بينا المعروف

المشاركة الأصلية كتبت بواسطة aboamr

متابعه ممتازه من عمدة القسم بس ياريت الموديل الجديد
يثبت وجوده وتكون تنافسى من حيث السعر والاعتماديه
ويتفادى السلبيات الموجوده فى الصنى القديم وعلى فكره موتورها 1600
سى سى ب106 حصان والعفشه ماكفرسون
والف سلامه ياعمده وان شاء الله تكون بخير

تسلم يا ابوعمر ربنا يخليك على تقديرك الغالى
ان شاء الله حيكون سعر واعتمادية كمان
والماتور 1500 سى سى مش 1600
وشاكر سؤالك الغالى .. والحمد لله على كل شيئ وربنا يديم بينا الود والمحبة

المشاركة الأصلية كتبت بواسطة PeaceMan

الف شكر يا احمد علي الاخبار الجديدة و انا شايف ان الفئة اللي اختاروها في الصني الشكل القديم هي الانسب فعلا و ده يدل علي وعي عالي في التخطيط

انا قولت كدا زيك يا بيشو
لازم الفئة القديمة تبقا شغالة بالعقل .. لغاية ما الفئة الجديدة تشتغل باذن الله .. وكمان الفئة القديمة بردوا مينفعش يطرحوا منها فئات كتيرة عشان متاثرش على الفئة الجديدة

المشاركة الأصلية كتبت بواسطة AhmdDomar

الخبر حصري والسعر ما شاء تنافسي جدا والشكل أذواق

أتوقع لها إنتشار سريع ، خصوصا لوجود مراكز خدمه متنافسه وده في صالح العميل ، ناهيك عن الدعايه الرهيبة والغير مباشره والغير مدفوعه لنسيان بهذا المنتدى

والجميع يلاحظ إن فيه ناس كتير إشترت عربيات نيسان من خلال متابعتها لموضوعات المنتدى ومناقشات الأعضاء واستعرضها للمشاكل والحلول

وتمتع الأعضاء بخصومات في مراكز الخدمه وده كله من خلال مجهود زعيم الصقور أحمد مصطفى ربنا ميحرمناش منه

تسلم يا احمد باشا على الكلام الطيب والجميل ده .. كل اللى وصل اليه قسم نيسان نايل موتورز ليس بمجهودى وحدى .. وانما بروح الاعضاء جمييعا .. بسبب حالة الحب والود بينا جميعا
وايضا بسبب رقى اعضائه فى التعامل مع المشاكل والموضوعات والتقارير والمشاركات وابداء الرائ باسلو واعى ومحترم ومفيد لينا كاعضاء وعملاء نيسان ومفيد للتوكيل ومفيد لمراكز الخدمة

والحمد لله على المصداقية فى التعامل وابداء الراى .. خلت لينا مكانة عند قلوب الاعضاء الجدد .. وفعلا اصبحنا نؤثر فى الراى وفى الاختيار .. والحمد لله التاثير ده بحيادية تامة وبمايرضى الله بدون تحيز الى اى شئ