حصرىا لقسم نيسان .. مـعلومات عن اسعار الصنى الشـكل الجديد .. وموعد طرحها فى الاسواق

**تامر.محمد** · 22-03-2012 10:41 AM

تقرير رائع تسلم ايدك

و ان كان شكل العربية من قدام مازال مش عاجبني :(

**beckeryahia** · 22-03-2012 12:04 PM

مش عارف لية انا عندي احساس ان العربية دي هايحصل معاها زي ما حصل مع الانسر الشارك والتويوتا الشكل موديل 2008

**zangry** · 22-03-2012 12:12 PM

المشاركة الأصلية كتبت بواسطة salahali

مجهود فوق الوصف. بس انا قرات فى منتدى اخر ان سعر نيسان صنى 2012 فى مصر هيكون بسعر حوالى 160 الف جنيه. هل هذا صحيح ام لا . و السعر كما مبين فى الرايط الاتى :

سعر سيارة نيسان صنى 2012 فى مصر | كتالوج السيارات

------------------------
ممنوع الكتابة باللون الأحمر لأنه محصص بالمداخلات الإدارية
يرجي مراجعه قواعد المنتدي
مشرف مـ7

لا مستحيييييييييييييل دى .. دى لو حصلت والله ولا عربية هتتباع

**mohamedkordy** · 22-03-2012 12:20 PM

مجهود رائع بس للاسف لسا جايب لحمايا نيسان القديمه دا حيشقلطنى

**mff_629** · 22-03-2012 01:01 PM

المشاركة الأصلية كتبت بواسطة salahali

مجهود فوق الوصف. بس انا قرات فى منتدى اخر ان سعر نيسان صنى 2012 فى مصر هيكون بسعر حوالى 160 الف جنيه. هل هذا صحيح ام لا . و السعر كما مبين فى الرايط الاتى :

سعر سيارة نيسان صنى 2012 فى مصر | كتالوج السيارات

------------------------
ممنوع الكتابة باللون الأحمر لأنه محصص بالمداخلات الإدارية
يرجي مراجعه قواعد المنتدي
مشرف مـ7

واضح من اللينك اللي حاضرتك ذكرته إن السعر مكتوب خطأ و الدليل على ذلك إنه مكتوب

نيسان صنى 2012 مانيوال EX Saloon
160.000 جنيه مصرى
نيسان صنى 2012 مانيوال EX Saloon + ABS
160.000 جنيه مصرى
نيسان صنى 2012 اوتوماتيك EX Saloon
160.000 جنيه مصرى
نيسان صنى 2012 اوتوماتيك EX Saloon + ABS
160.000 جنيه مصرى
نيسان صنى 2012 اوتوماتيك Super Saloon
160.000 جنيه مصرى

يعني مستحيل العربية بكل فئاتها بكل كماليتها مانيوال أو أوتوماتيك بنفس السعر

**Dr'AhmZZong** · 22-03-2012 01:13 PM

الله عليك يا عم أحمد على اخبارك الجميلة ديه ..

اسعار العربية بجد ما شاء الله تحفة ..

متشكرين قوي على تعبك الذي لا يقدر بثمن .. ربنا يجزاااااااايك خييييييير ..

كلمة أخيرة : أنت واحشني قوي

**Dr'AhmZZong** · 22-03-2012 01:21 PM

المشاركة الأصلية كتبت بواسطة mahmoud_afifi

تقرير جميل واخبار هايله يا احمد باشا.
لو اول فئه مانيوال نزلت بabs الواحد ممكن يفكر يغير :)
الشكل الجديد بتاع الصني جميل جدا ماشاء الله
ارجو ابقاءنا على اطلاع باستمرار بخصوص الاسعار والمواصفات

تحياتي

المشاركة الأصلية كتبت بواسطة kareem fawzy

الله ينور يا ابو حميد
وشكلى هجيب نيسان :))

ياعيني على بتوع هيونداي هعهعهعهعهع ..

ناقص بقى بتوع مرسيدس .. يجيبوها هما كمان ههههههههههههههه ..

يلا همتكم يا رجالة ..

**mahmoud_afifi** · 22-03-2012 01:32 PM

المشاركة الأصلية كتبت بواسطة ahmed.tv

تسلم على تقديرك يا محمود بيك ..
والله لو كانت مانيول وبى abs وتمنها ببلاش .. عمرى ما افكر اركب مانيول ابدا .. مانيول ايه ياراجل .. مفيش اريح من الاتوماتيك
وبعدين الشكل الجديد هى مسائلة اذواق .. شوف هو عاجبك وعاجبنى .. بس مش عاجب ناس تانية
بس النقطة المهمة
ان كلنا عارفين ان نيسان مش بتهتم بالشكل الخارجى او الانتروا الداخلى اوى زى العربيات الكورى .. بس بتاخد عربية منها اعتمادية بحق .. وقطع غيار يابانى وماتور معمر
والعربية دى فيها امكانيات موجودة فى عربيات تانية بسعر بيعدى
يعنى شوف اى عربية بنظام push to start وكمان يكون فيها تكيف خلفى .. سعرها بيبتدى بكامممم !!!
وشوف كام عربية اتوماتيك مفيش وسائل امان كمان وتوكيلهم سيئ وبيبتدوا من 120 الف !!!
خالينا نطلق من ناحية المنطق والعقل والفلوس اللى على قدنا
لان لو فى شغل وانترو كويس جوة العربية ومن بره .. وسعر العربية زاد اوى .. الناس حتولع ومش حيعلقوا
اغلب الناس اللى مبسوطة اللى معاها يدوبك الفلوس على القد ومقدرة الامكانيات اللى فى العربية مقابل الفلوس اللى بتدفعها

حضرتك معاك حق طبعا في كل حاجه. انا كنت بس كنت اقصد لو المانيوال سعره كويس هغير عشان مش هدفع فرق كبير. انما اكيد طبعا الاوتوماتيك أريح.
وكفايه ان العربيه بقت واسعه ونفس تقفيل التيدا وسعر ارخص و توكيل كويس و و و و و ..... بصراحه جميله جدا.

انا شايف ان نيسان بتهتم بسوقها في مصر وبتشوف المستهلك عاوز ايه وتعمله. نزلوا قاشقاي 1600 لما لقوا الناس عجباهم بس مشكلتها انها مانيوال قاموا نزلوا بعدها بسنه اوتوماتيك.
شركه محترمه.

اعذرني على الاطاله وتحياتي يا باشا ^_^

**mahmoud_afifi** · 22-03-2012 01:36 PM

المشاركة الأصلية كتبت بواسطة Ahmazong

ياعيني على بتوع هيونداي هعهعهعهعهع ..

ناقص بقى بتوع مرسيدس .. يجيبوها هما كمان ههههههههههههههه ..

يلا همتكم يا رجالة ..

ههههههههههههههههههههههه
قاعدلنا على الواحده انت ومابتصدق :d
لولا التوكيل بس ماكنتش فكرت اغيرها :d
وكمان لو نزلت بكماليات بره كنت هتتفرج يا معلم على العربيات بس يلا بقى نعمل ايه