الموضوع: اشتريت هوندا سيتى ٢٠٠٩ وعايز استفسر عن شويه حاجات

مبروك عليك العربية الجديدة وربنا يباركلك فيها
ياريت تعملنا تقييم لاداء العربية واخبار استهلاك البنزين بتاعها ايه معاك ؟والعزل بتاعها كويس ولا نص نص يعنى وانت قافل الزجاج سامع صوت الموتور وصوت احتكاك الكاوتش بالطريق لاى درجة ؟

المشاركة الأصلية كتبت بواسطة m_nabil

أولاً ألف مبروك السيارة وربنا يعطيك خيرها ويكفيك شرها

ثانياً الـ d3 مش للغرز لما بتكون محتاج عزم أكبر بتستخدمه في حالة لو طالع كوبرى أو جبل أو في حالة التجاوز في السفر .. ألخ وممكن توصل بيه لسرعات عالية في السيفيك بيوصل لحد سرعة 180 كم ده أخره لكن في المجمل يفضل ماتعديش بيه 150 - 160 كم

موضوع التكييف يفضل تروح التوكيل يكشفوا على العطل جاى من اية عشان بلاش حد يلعب في الكهرباء بتاعتها يطيرلك كنترول ولا حاجه وتبقى مشكلة عشان حاجه السيتى غالية .. المفروض أنك كنت تكشف عليها كويس جداً قبل الشراء عشان تكون مطمئن وعارف المصاريف اللى فيها عموماً حصل خير

طبعاً خصوصاً في فصل الشتاء يراعى التسخين الجيد قبل البدء بالتحرك بالسيارة - مهمة يعنى

الله يبارك ف حضرتك .....، يعنى انا كدا ممكن اسيب العربيه ع الوضع d3 لفتره طويله من غير ما تحصل مشاكل ف الموتور .......طبب هو التوكيل فين بالظبط ؟؟؟؟؟ انا من سوهاج بس مقيم ف المنيا عشان الدراسه وممكن افضى يومين ف اخر الاسبوع انزل فيهم القاهره للتوكيل ومتشكرا جدا لحضرتك على الرد

المشاركة الأصلية كتبت بواسطة mohaismail

مبروك عليك العربية الجديدة وربنا يباركلك فيها
ياريت تعملنا تقييم لاداء العربية واخبار استهلاك البنزين بتاعها ايه معاك ؟والعزل بتاعها كويس ولا نص نص يعنى وانت قافل الزجاج سامع صوت الموتور وصوت احتكاك الكاوتش بالطريق لاى درجة ؟

الله يبارك ف حضرتك .... والله انا اللى لاحظته ف الفتره القصيرة اللى استخدمتها فيها ان استهلاكها للبنزين عالى وجدا كمان لأنى انا سافرت بيها من سوهاج للمنيا يعنى حوالى ٤٠٠ كيلو ( عشان للاسف توهت ف دخلة المنيا ) ب ٣٧ لتر .... بالنسبه للعزل جيدا جدا وتقول تقول ممتاز انا جوا العربيه وقافل الأزاز كأنك ف عالم تانى

هو دلوقتى المفروض انك لو عايز تجرى بال d3 يبقى تكون مجمع من الاول عشان تاخد قوة المكنة صح . وعند سرعة 6000 لفة انقل للوضع ال d

وأعرف ازاى انها 6000 لفه ؟؟؟ معلش أصلى مبتدئ ...

بالنسبة للتكييف طالما عندك الوحدة مابتنورش اصلا يبقى كدة ممكن تكون فية مشكلة كهربائية فيها وشيك على الفيش الاول + انك هتقيس الفريون عشان تتأكد من سلامة دورة الشحن
بس انا اعتقد ان مشكلتك هتكون كلها فى وحدة التكييف نفسها يأما فاصلة او محروقة

انا هخلى واحد كهربائى يشوفه من غير ما يعدل حاجه لو قالى ان المشكله بسيطه هخليه يشتغل فيها لو صعبه يبقى ان شاء الله ع أول الصيف نروح التوكيل

بالنسبة لعلامة الزرقاء لازم تستنى شوية لحد ماتتحول الى اللون الاخضر ودة كلة مش بياخد اكتر من 4 دقائق يعنى على ماتلمع العربية وتظبط حاجاتك هتلاقى الحرارة بقت مظبوطة

وهو كذلك يا فندم مع أنى بقالى اسبوع كل يوم بطلع والعلامه دى بتفضل منوره لحد لما بخلص مشوارى واركن العربيه تانى ونادرا لما بتختفى

بالنسبة للريموت عادى بيطلع ياباشا بس يفضل يكون واحد بعيد بتديلة الريموت القديم بيشوف السيريال اللى علية وبيعملك ريموت تانى بنفس السيريال عشان كدة لازم يكون بعيد عن منزلك ويفضل فى البلد كلها وبيتكلف الريموت فى حدود 40 جنية , بس مش هينفع تعمل مفتاحعشان عربيتك فيها immoblaizer ودة عشانيتعمل بيبقى مكلف جدا فحضرتك تحافظ جدا على المفتاح اللى معاك والمفتاح ال spare

المشكله حضرتك انى لما أشتريت العربيه مكانش معاها غير مفتاح واحد ومكنش فيه ولا ريموت ولا مفتاح بديل وانا خايف المفتاح يضيع منى وأروح ف داهيه

سعر العربية حسب الاوبشن بيبدأ من 80 الف للفاضية و 90 للفول اوبشن الى 95 الف

تمام أووووى يا باشا ... متشكر جدا جدا لحضرتك ...